Laboratorium for immunologi og transfusjonsmedisin

Bloggiving. (Foto)
 
Les meir om Laboratorium for immunologi og transfusjonsmedisin

Laboratorium for immunologi og transfusjonsmedisin

Labhandboka i Helse Fonna

Kva gjer vi?

Immunologi er utgreiing av autoimmune sjukdommar. Laboratoriet er ved Haugesund sjukehus.

Transfusjonsmedisin, betre kjent som blodbanken, har ansvar for å oppretthalde eit tilstrekkeleg lager av blod og blodprodukt til pasientar i og utanfor sjukehuset.

Vi har også ansvar for fagleg forsvarleg val av blodprodukt til alle pasientgrupper.

Blodprodukta vi produserer blir brukt i heile Helse Fonna og transfusjonsmedisin finn du i Haugesund, Stord og Odda. I tillegg har vi en tappestasjon for blodgivarar i Sauda.

Bli blodgivar

Sidan vi ofte treng blod i behandlinga av pasientar, er vi avhengige av dei som donerer blod til oss. Dersom du lurer på om du kan bli blodgivar, så er du velkomen til å ta kontakt med oss, eller sjå www.giblod.no.

Blod kan ikkje lagast kunstig. Vi treng mange blodgivarar for å kunne gi livsviktig behandling i samband med sjukdom, ulukker, kompliserte fødslar og skader.

Gi blod, det vil alltid være behov for nye blodgivarar.

Blodet frå blodgivarane blir klargjort og delt i ulike blodprodukt: Røde blodceller, blodplater og plasma. Blod frå en givar kan dermed hjelpe tre pasientar.  

Blodet kan lagrast i 35 dagar etter at det er gitt, derfor treng vi jamt påfyll for at blodbanken skal oppretthalde eit tilstrekkeleg lager av blodprodukt. 

Kontaktinformasjon

Funksjonsleiar Svein Morten Lervik, telefon 52 73 22 19


Immunologi

Telefon 52 73 22 92


Transfusjonsmedisin

Haugesund sjukehus

  • For rekvirentar, telefon 52 73 22 80
  • For blodgivarar, telefon 52 73 22 81
  • Tappestasjon i Sauda, telefon 52 73 22 81

Stord sjukehus

  • For blodgivarar og rekvirentar, telefon 53 49 10 90

Odda sjukehus

  • For blodgivarar og rekvirentar, telefon 53 65 11 23

Kontakt

Haugesund sjukehus
Besøksadresse
(Google maps)
Karmsundgata 120, 5528 Haugesund
Besøkstider
måndag - sundag 17.00-18.30
Telefon
52 73 20 00

Transport Haugesund sjukehus

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apotek Haugesund sjukehus

Apoteket ligg i første etasje, like bak resepsjonen.

Opningstider:

Måndag-fredag kl. 8.30-16.30.

Foto og film

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

Kantine og kiosk Haugesund sjukehus

​Kantina i sjette etasje er open for tilsette, pasientar og besøkande. Opningstider:

Måndag - fredag kl. 09.30-15.30. Stengt helger og heilagdagar.

Pasientkantine i fjerde og femte etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Kva bør du ha med til sjukehusopphaldet?

​​​​​​​​​Ta med den faste medisinen du brukar. Det kan ta tid å få same medisin frå apoteket.

Diverre hender det at tjuveri finn stad på sjukehuset. La ​verdisaker vere igjen heime.

Ta med behagelege klede.

Gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Toalettsaker som tannbørste, tannkrem, kam, deodorant og eventuelt barbermaskin. ​Hjelpemiddel du er avhengig av: til dømes stokk, ​krykker, rullator og rullestol.

God hygiene ein viktig faktor for å kunne gje god behandling til pasientane.

Minibank Haugesund

​Det er ikkje minibank ved sjukehuset. Narvesen i første etasje har bankterminal med moglegheit for uttak av pengar ved kjøp. Det er bank og minibank i Haugesund sentrum.

Parkering Haugesund sjukehus

​Parkeringshuset nord for sjukehuset er reservert pasientar og besøkande. Alle må ha billett frå parkeringsautomat eller parkeringsløyve synleg i frontruta.

Reserverte plassar for HC-parkering like utanfor hovudinngangen.

MEIR INFO OM ANDRE RESERVERTE PLASSAR (ØH-plassar, beh.hj.middel osb)

Trådlaust nett/WiFi

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren, skriv inn telefonnummer og godta vilkåra
3. Brukar og passord blir sendt til deg på SMS, og er gyldig i 24 dagar
4. Opne nettlesaren igjen og logg på. 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

Om du ikkje finn nettv​erket:

Ikkje alle sjukehus i Helse Fonna har trådlaust nett tilgjengeleg, men arbeidet med å byggje dette ut er i gong.

God surfing.