Hels på ungdomsrådet vårt

– Så fint at vi endelig er i gang, gøy med så mange, var første reaksjonen til Elise Fredriksen. Ho er ein av ni medlemmar og har i tillegg vore med i planlegginga av ungdomsrådet.

Felles for dei engasjerte, og kanskje, i alle fall den ettermiddagen, litt spente ungdommane i alderen 15-21 år, er erfaring med eigen sjukdom eller det å vere pårørande til sjuke foreldre eller søsken.

Allereie frå starten har gruppa mange tankar om kva ungdomsrådet kan bidra med:

• Vi ønskjer å vere eit forbilde for andre ungdommar som har utfordringar

• Gjere ein forskjell

• Gjere sjukehus mindre skremmande

• Seie frå om kva som bør endrast i møtet med ungdom

• Gi råd til legar og helsepersonell og halde foredrag der det trengs

Også for koordinatorane var dette ein litt spesiell torsdagsettermiddag.

– Fint å endeleg møte ungdommane, verkeleg ein flott gjeng med viktig erfaring, seier Sølvi Heimestøl, ein av tre koordinatorar.

– Eg er imponert over kor reflektert og klare dei er for oppdraget, og ser fram til å samarbeide med denne gjengen.

Ta kontakt

Har du oppgåver eller oppdrag, eller treng innspel frå ungdomsrådet? Ta kontakt med Sølvi Heimestøl.

FAKTA Ungdomsrådet

Helse Fonna ønskjer å gjere BUP, DPS og sjukehusa våre til ein betre stad for ungdom. For å lukkast med det er det viktig å høyre frå  ungdom som har erfaring med helsetenesta.

Ungdomsrådet i Helse Fonna har ni medlemmar, der alle har erfaring frå sjukehus, som pasient eller pårørande. Det er i tillegg tre koordinatorar.

Kontaktperson ungdomsrådet: Sølvi Heimestøl.

Desse er med i Helse Fonna sitt ungdomsråd

• Elise Fredriksen
• Silje Røyrvik Helgesen
• Solveig Eline Mathiassen
• Siv Emberland
• Emily Hunter
• Marius Gravdal
• Madeleine Hjelmevoll
• Magnus Tofte
• Anders O. Kannelønning
• Emma Sofie Pedersen

Koordinatorar

• Gjertrud Vorre Andreassen (koordinator)
• Ellen Andreassen (koordinator).
• Sølvi Heimestøl (koordinator)