Jobb i Helse Fonna

Helse Fonna har i dag over 3200 medarbeidarar, men vi er alltid på jakt etter deg som har den rette kompetansen og som ønskjer å jobbe i helsesektoren.

Flesteparten av medarbeidarane i Helse Fonna har helsefagleg utdanning og arbeider til dømes som sjukepleiarar og legar. I eit stort føretak har vi også bruk for personar med anna type kompetanse. Blant dei tilsette i Helse Fonna finn du også økonomar, juristar, reinhaldarar, prestar og folk med teknisk utdanning.

Instiusjonane våre er i Haugesund, Odda og Kvinnherad, og på øyene Stord og Karmøy. Noko som gjer at du som tilsett i Helse Fonna kan arbeide i store delar av Nord-Rogaland, Sunnhordland og Hardanger.

Sjå alle ledige stillingar

No søkjer vi dyktige ferievikarar til sommaren 2017

Vi søkjer fagleg flinke og motiverte ferievikarar for sommaren 2017. Hos oss får du eit aktivt og triveleg arbeidsmiljø. Kjem du langvegs frå? Vi kan hjelpe med bustad. Både Haugesund og Stord har eigne flyplassar med daglege avgangar. Offentleg transport til dei store byane Stavanger, Bergen og Oslo er lett tilgjengeleg. Vi behandlar søknadar fortløpande. Les annonsene og søk her:

Sjukepleiarar, Haugesund sjukehus

Sjukepleiarar, Stord sjukehus

Slik søker du

Alle som søker jobb må registrere sin CV og søknad via rekrutteringsportalen WebCruiter. Lenke finn du i annonsa (knappen "Søk på stilling").

Når du registrer deg, får du eit brukarnamn og passord. Du vil då kunne redigere, endre og søke på fleire stillingar med same CV. Du treng ikkje registrere ny CV kvar gong du søkjer på ein jobb i Helse Fonna, men kun skrive ein kortfatta søknad. Din CV vil ikkje bli behandla av oss før du søkjer på ei stilling vi har publisert. Du kan også få oversikt over tidlegare stillingar du har søkt på.

Som søkjar må du hugse:

  • Registrer inn god dokumentasjon på utdanning, arbeidserfaring og autorisasjonar i CV-en.
  • Svar på det annonsen etterspør.
  • Legg gjerne med vedlegg som attestar, godkjenningar og vitnemål.
    For meir informasjon om stillinga, kontakt den som står nemnd i annonseteksten.

Sjukepleiar

Traineeprogram for sjukepleiarar

Helse Fonna tilbyr traineeprogram for nyutdanna sjukepleiarar. Gjennom traineeordningen vil vi gi deg som sjukepleiar god breiddekompetanse. Den varierte praksisen gir unik kunnskap frå fleire fagfelt, og er eit godt springbrett i den vidare karrieren din som sjukepleiar.

Traineesjukepleiarane blir tilsett i 100 % fast stilling i Helse Fonna HF og traineeperioden strekk seg over to år.
Traineeprogrammet inneber ei oppstartsamling, fagdagar og grupperettleiing. Traineeperioden er delt inn i tre arbeidsperiodar på 8 månadar på kvart fagområde: Medisin, kirurgi og psykisk helsevern.
Etter endt program fortsetter tilsettingsforholdet i Bemanningssenteret i Helse Fonna HF.

Korleis jobbar du i praksis?
Som traineesjukepleiar følgjer du den ordinære opplæringa, og får same oppfølging som blir gitt til nytilsette sjukepleiarar.

Traineestillingane inngår i arbeidsplanar og den daglege drifta, vanlegvis 3-delt turnus (vakter dag, kveld og natt) samt helg- og høgtidsarbeid.

Vi ser etter deg som

  • Er fagleg sterk og har gode praktiske ferdigheiter
  • Likar utfordringar
  • Er fleksibel
  • Trivst med variasjon i arbeidsoppgåver
  • Er positiv og stolt av sjukepleiaryrket
  • Har engasjement for pasientane
  • Er lærevillig, strukturert og opptatt av å fullføre oppgåver
  • Er modig og motivert for variert arbeidserfaring
  • Har gode kommunikasjonsevner
  • Er sjølvstendig, men samarbeidar godt med andre 

Kva kan vi tilby deg?

  • Faglege utfordringar som gir deg breiddekompetanse og organisatorisk kompetanse
  • Eige opplæringsprogram gjennom heile perioden
  • Deltaking i rettleiingsgruppe.

Sjukepleiarstipend - få jobb og 12 000 kroner

Er du tredje års sjukepleiarstudent kan du frå januar 2017 inngå avtale med Helse Fonna der du får eit stipend på 12 000 kroner (skattepliktig).

Stipendet får du dersom du inngår kontrakt på å arbeide eit visst antal helger vinter/vår 2017 og ein viss periode i  sommar. Beløpet blir utbetalt ved kontraktsinngåing. Kvalifiserte søkjarar blir tilsett fortløpande, så søk no.

Les meir og send søknad

Bemanningssenteret

Bemanningssenteret er Helse Fonna sitt interne vikarbyrå som skal løyse sjukepleiaroppdrag frå sjukehusa våre, både innan psykiatri og somatikk.

Vi treng deg som er sjukepleiar eller spesialsjukepleiar og som ønskjer høg grad av fagleg utvikling og liker varierte utfordringar. Du er tilpassingsdyktig og ønskjer å jobbe i 100 % fast stilling eller i deltidsstilling.

Hos oss får du ein unik moglegheit til å bli kjent med mange postar. Du vil få god opplæring på kvar enkelt post.
I Bemanningssenteret får du vere med og utarbeide din eigen arbeidsplan. Har du en deltidsstilling på ein annan post på sjukehuset kan du i tillegg få ein deltidsstilling i Bemanningssenteret slik at du oppnår 100 % stilling.
Vi har eigne fagdagar, og du kan delta på opplæringskurs som postane arrangerer.

Tilbakemeldinga frå våre sjukepleiarar er at vi gir dei god ballast og ein unik moglegheit til å bli kjent med mange fagområder og postar.

Ta gjerne kontakt med oss! Liv Marit Vedøy (leiar), tlf: 52 73 20 67 eller Inger Lise Wiestad (rådgivar), tlf: 52 73 20 43.

Lærling

Helse Fonna  har nærare 40 lærlingar i ambulansefag, helsefagarbeidar og ernæringskokk. Lærlingane er tilknytta fleire lærestader ved våre lokasjonar i Rogaland og Hordaland. Lærlingplass blir lyst ut på www.helse-fonna.no/jobb, og søknad skal sendast via rekrutteringsportalen Webcruiter. Søknadsfrist for å søkje lærlingplass er 1. mars kvart år.

Krav til deg som søker lærlingplass

Fagutdanning er normalt ei fireårig utdanning der to år er i skule og to år er i bedrift. Vi stiller i utgangspunktet krav til bestått Vg1 og Vg2 i den utdanningsretninga du søkjer lærlingplass innan. Dersom du har tatt Vg1 eller Vg2 som etter- og vidareutdanning, ta kontakt med fylkeskommunen din for å få informasjon om lengden på læretida.
I tillegg til bestått grunnutdanning, stiller vi krav til gode karakterer, lite fråvær, personlege eigenskapart og ein god søknad.

Ambulansefag har eigne fysiske opptakskrav og arrangerer fysiske testar i forkant av endeleg opptak. Søkjarar må tilfredsstille helsekrava for førarkort klasse D og ha god fysisk og psykisk helse.

Vi forventar at våre lærlingar til ei kvar tid følgjer gjeldande lov- og avtaleverk og arbeidsreglementet for Helse Fonna. I læretida forventar vi at:
• Du møter presist, har skifta og er klar på arbeidsplassen når arbeidsdagen startar.
• Du bidrar til å skape eit godt arbeidsmiljø ved å vise god folkeskikk og høflegheit.
• Du stiller på eventuelle kurs og lærlingsamlingar du blir tilbode.
• Du viser engasjement og interesse for ditt fagfelt.
• Du tar ansvar for eiga læring og jobbar systematisk fram mot fagprøve.
• Du er audmjuk overfor dine kollegaer og medlærlingar når det gjeld andres kunnskap og erfaring.
• Du tar initiativ og tilbyr deg å hjelpe kolleger og pasientar.    

Ambulansefag

Ambulansearbeidarar er bindeleddet mellom pasienten, sjukehuset og anna helseteneste. Dei rykkjer ut og transporterer pasienter forsvarleg. Ambulansearbeidarar undersøkjer, observerer og identifiserer svikt i vitale organfunksjonar hos pasientar, samt prioriterer mellom pasientar i akuttsituasjonar når fleire er skadde.
Ambulansearbeidarar med fagbrev kan jobbe i offentlege og private sjukehus og som koordinatorar ved AMK (akuttmedisinsk kommunikasjonssentral). Les meir om ambulansefag hos utdanning.no.

Personlege eigenskaper

• God fysisk og psykisk helse. Det er definerte fysiske krav i Helse Fonna: Springe 1000 meter på under 5 minutt, løfte bærestol med 80 kg opp og ned éin etasje tre gonger på under 8 minutt, bekrefte at du kan svømme.  
• Motivasjon for å vere ambulanselærling
• Evne til samhandling og samarbeid
• Nøyaktig og pliktoppfyllande
• Gode kommunikasjonsevner
• Pasientorientert
• Imøtekommande, høfleg, positiv og serviceinnstilt
• Må trivast i eit aktivt og travelt miljø

Helsefagarbeidar

Som helsefagarbeidar jobbar du med pasientar i alle aldre og i ulike livssituasjonar. Ein helsefagarbeidar hjelper pasientar med mellom anna personleg hygiene, måltid, bruk av tekniske hjelpemiddel og andre daglege gjeremål.
Helsefagarbeidaren kan jobbe i offentlege og private sjukehus, i heimetenesta, på sjukeheim, på bu- og servicesenter, i rusomsorgen, innan psykiatrien, i boligar for funksjonshemma eller psykisk utviklingshemma, ved opptrenings- og behandlingssentre og lignande. Les meir om helsefagarbeider hos utdanning.no.

Personlege eigenskaper

• Motivasjon for å vere lærling
• Evne til samhandling og samarbeid
• Gode kommunikasjonsevner
• Pasientorientert
• Imøtekommande, høfleg, positiv og serviceinnstilt
• Pliktoppfyllande og initiativrik
• Må trivast i eit aktivt arbeidsmiljø

Ernæringskokk

Som ernæringskokk har du ansvar for matomsorgen til pasientar eller brukarar som har behov for bistand til sitt  kosthald. Du skal planleggje og produsere alle måltid pasienten eller brukaren treng i løpet av eit døgn.
Mattilbodet skal oppfylle matloven med gjeldande forskrifter og ernæringsmessige kriterie, offentlege retningslinjer som dekkjer den enkeltes behov. Du skal vere i stand til å lage mat som gir positive opplevingar til både friske og sjuke. Som ernæringskokk kan du jobbe i offentlege og private institusjonar, som sjukehus, internat,  Forsvaret, eldresenter, sjukeheimar, fengsler og liknande. Les meir om ernæringskokk hos utdanning.no.

 Personlege eigenskaper

• Interesse og motivasjon for faget
• Ansvar for eiga læring
• Stå på-vilje
• God samarbeidsevne
• Interesse og kunnskap om bruk av elektroniske hjelpemiddel og system
• Interesse for å jobbe allsidig innan faget, frå planlegging via produksjon og servering til oppvask og skrubb

Spørsmål og svar

Kan eg sende søknad i posten?
Nei. Søknad må du sende via rekrutteringsportalen Webcruiter. Du finn lenke i sjølve stillingsannonsa. Stillingsannonse for lærling med oppstart kommande haust, blir utlyst i januar.

Kor mange lærlingar får kontrakt?
Vi tar inn 18-20 lærlingar kvar haust fordelt på dei tre yrkesretningane ambulansefag, helsefagarbeidar og ernæringskokk.

Kva er lite fråver?
Det er vanskeleg å gi eit eksakt svar i timar eller dagar. Det viktigaste er at du ikkje har eit stort ubegrunna/udokumentert fråver. Vi må kunne stole på at du kjem på jobb og gjer den jobben du skal.

Får eg jobb hos dykk etter læretida?
Vi kan ikkje love fast stilling til alle etter endt utdanning. For oss er det viktig å ta vår del av samfunnsansvaret og gi fleire moglegheit til å ta fagbrev.

Kontakt våre lærlingkoordinatorar

Ambulanse: Heidi Valhammer, heidi.valhammer@helse-fonna.no, 52 73 44 11

Ernæringskokk: Olav Vikre, olav.vikre@helse-fonna.no, 52 73 29 63

Helsefag: Anette Hågenvik, anette.hagenvik@helse-fonna.no, 52 73 21 06