Vi tilrår at du alltid nyttar siste versjon av nettlesaren din.
logo Helse Fonna

Tilvekstkontroll

Frå og med svangerskapsveke 24 vil jordmor eller fastlege måle livmora frå symfusen (skambeinet) til toppen av livmora med eit måleband (symfuse-fundus mål, SF-mål) som eit indirekte mål på storleiken til fosteret. Om SF-målet avvik frå normalkurva, vil du bli tilvist til svangerskapspoliklinikken for vidare undersøking med ultralyd for å finne årsaka til avviket.

Fleire forhold kan påverke SF-målet:

  • Høgt SF-mål kan vere uttrykk for stort barn, muskelknute, mykje fostervatn eller tvillingar
  • Lågt SF-mål kan vere teikn på at fosteret veks langsamt eller for lite fostervatn

Det kan også vere at alt er normalt sjølv om SF-målet enten er høgt eller lågt, fordi slik målemetode kan vere usikker.

At eit foster veks for lite, kan skuldast sjukdom i morkaka, genetiske/arvelege årsaker, sjukdom hos mor, eller sjukdom hos fosteret.

Dersom ein finn at fosteret er lite i høve til lengda på svangerskapet, blir det lagd planar for oppfølging med kontrollar ved poliklinikken på sjukehuset. Nokre gongar blir det tilrådd å framskunde fødselen dersom fosteret ikkje veks tilfredsstillande

Dersom ein finn at fosteret er svært stort i høve til lengda på svangerskapet, kan det bli føreslått å starte fødselen éi til to veker før termin.

Tilvising og vurdering

Du bør tilvisast til ein svangerskapspoliklinikk på sjukehus dersom:

  • det er manglande eller redusert auke av SF-måla mellom to svangerskapskontrollar
  • legen eller jordmora di finn at du er i risikogruppa for å få barn med tilvekstproblem
  • du tidlegare har fødd eit barn med låg fødselsvekt
  • SF-målet er uforholdsmessig stort eller veks unormalt raskt

Før

Dersom du blir tilvist til svangerskapspoliklinikken, må du ta med ei urinprøve når du skal til undersøkinga.

Lite fosterbevegelsar

Ved manglande tilvekst og trivsel hos fosteret kan det bevege seg mindre. Du vil kjenne færre fosterbevegelsar. Ved betydeleg og vedvarande reduksjon i fosterbevegelsar, bør du kontakte fødeavdelinga direkte.

Under

Det er rutine å kontrollere mor sitt blodtrykk og urin ved ein tilvekstkontroll.

Registrering av fosterets hjarterytme

Ved tilvekstkontroll vil vi også i nokre tilfelle registrere hjarterytmen til fosteret (CTG).

CTG-undersøking av gravid kvinne. Foto

CTG-undersøking. Foto: Oslo universitetssykehus

Ultralydundersøking

Ultralydundersøkinga inkluderer:

  • målingar av størrelsen til fosteret (hovud, buk og lårbein) og berekning av fostervekt basert på desse enkeltmåla
  • samanlikning med tidlegare målingar, dersom dei finst
  • evaluering av mengd fostervatn
  • vurdering av fosteraktivitet
  • eventuelt måling av gjennomstrauming av blod i navlesnora og nokre andre blodkar

Etter

Saman med informasjonen om helsa di, risikofaktorar, resultat frå tidlegare undersøkingar, alderen og veksten til fosteret over tid, blir oppfølging av svangerskapet planlagd vidare.

Nokre gravide blir følgde opp hos fastlege eller jordmor, nokon blir følgde poliklinisk på sjukehuset, og nokon blir innlagde til observasjon. Hos nokon blir også beste tidspunkt for forløysing av barnet og forløysingsmetode planlagt (vaginal fødsel eller keisarsnitt).

Neste svangerskap

Avhengig av årsaker, kan det vere auka risiko for gjentaking av langsam fostervekst i neste svangerskap. Dersom du planlegg å bli gravid fleire gonger, blir det tilrådd at neste svangerskap blir planlagt og følgt opp i samarbeid med spesialisthelsetenesta.

Oppfølging i neste svangerskap kan innebere at du blir tilrådd å starte med ein blodfortynnande medisin (Albyl E) frå 12. svangerskapsveke, og at du får nokre ekstra ultralydkontrollar på sjukehuset.

Kontakt

  • Kontakt Føde og barsel, Haugesund

    Oppmøtestad

    3. etasje i nybygget ved Haugesund sjukehus. Gå gjennom dei doble dørene ved Narvesen og ta heis eller trapp opp til vår avdeling.

    Besøkstider og retningslinjer for besøk

    • Barnefar: kl. 09.00 - 21.00
    • Barnets søsken og besteforeldre: kl. 17.00 - 18.00

    Andre besøkande er av omsyn til mor og barn, ikkje tillate i avdelinga.

    En høy vinkel av en bygning

    Haugesund sjukehus

    Karmsundgata 120, 5528 Haugesund

    Finn fram

    Transport

    Apoteket ligg i første etasje, like bak resepsjonen.

    Opningstider:

    Måndag-fredag kl. 08.00-16.30.

    ​Kantina i  6.etasje er open for tilsette, pasientar og besøkande.

    Opningstider:
    Måndag - fredag kl. 09.30-15.30. Stengt helger og heilagdagar.

    Pasientkantine i 4-og 5.etasje er kun open for pasientar.

    Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

    Det ligg ein Narvesen kiosk i 1.etasje

    Opningstider:
    Måndag - fredag kl. 06.30-21.00
    Laurdag: 9.00-20.00
    Søndag: 10.00-20.00 




    Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

    Parkeringshuset har tre ladeuttak.

    Reserverte parkeringsplassar

    Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

    Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

    Parkeringsavgift

    Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

    Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

     

    Det er fleire busstopp like ved og i nærleiken av Haugesund sjukehus.

    www.kystbussen.no - Ruteinformasjon for Kystbussen (Bergen-Stord-Haugesund-Stavanger)

    www.kolumbus.no - Ruteinformasjon om lokalbussar i Rogaland

    Slik gjer du:

    1. Vel nettverket gjest.ihelse.net på din PC, mobil eller nettbrett
    2. Opne nettlesaren og godta vilkår for bruk 

    Bruk av trådlaust nett er gratis.
     
    Innlogging er krav til sikkerheit i sjukehusnettverket og er same type løysing som er på flyplassar og​ hotell.

    God surfing.

  • Kontakt Føde og barsel, Stord

    Oppmøtestad

    Dagtid i vekedagar:

    Gå inn hovudinngangen ved Stord sjukehus. Avdelinga vår ligg i underetasjen (U1).

    Kveldstid etter kl. 19.00, helg og natt:

    Vi har eigen inngang til avdelinga som kan brukast når hovudinngangen til sjukehuset er stengt. Gå opp trappa til høgre for det interkommunale legevaktsbygget, og følg gangvegen heilt til døra. Dersom døra er stengt, ringer du på ringeklokka til venstre for døra. Vi kjem og hentar deg.

    Besøkstider:

    • Barnefar: kl. 09.00 – 21.00
    • Søsken og besteforeldre: kl. 17.00 – 18.30
    En bygning med trær og biler foran seg

    Stord sjukehus

    Tysevegen 64, 5416 Stord

    Finn fram

    Praktisk informasjon

    ​Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift, sjå oppslag ved parkeringsautomat.

    Det er mogleg å køyre heilt fram til hovudinngangen for å sleppe av passasjerar ved behov.

    Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

    ​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

    OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.

    Slik gjer du:

    1. Vel nettverket gjest.ihelse.net på din PC, mobil eller nettbrett
    2. Opne nettlesaren og godta vilkår for bruk 

    Bruk av trådlaust nett er gratis.
     
    Innlogging er krav til sikkerheit i sjukehusnettverket og er same type løysing som er på flyplassar og​ hotell.

    God surfing.