Diagnose
Tannbehandling
Det er ulike grunnar til at pasientar treng narkose under tannbehandling. Dersom det er behov for dette sender tannlegen søknad til overtannlegen i distriktet for godkjenning av tannbehandling i narkose. Deretter vert søknaden sendt vidare til behandlande tannlege som bestemmer ein dato for behandling.Behandling i narkose er eit samarbeid mellom fylkestannhelsetenesta og sjukehuset. Behandlingen vert utført på øyre-nase-halspoliklinkken, Haugesund Sjukehus av tannlege og anestesipersonale.
Utgreiing
Faste
Tannbehandling blir utført i narkose. Derfor skal du faste før behandlinga. Det betyr at du ikkje kan ete fast føde eller drikke mjølkeprodukt (dette inkluderer yoghurt) etter kl. 24.00 kvelden før. Du kan drikke litt klare væsker som saft, tynn juice utan fruktbitar og vatn frem til 2 timar før oppmøtetid på behandlingsdagen. Etter det kan du ikkje ete eller drikke noko. Du kan heller ikkje bruke drops eller tyggegummi. Du bør ikkje bruke røyk eller snus dei siste 6 timane før operasjonen.
Det er viktig at du dusjar og vaskar håret kvelden før eller på morgenen før operasjonen.
Du skal møte på øyre-nase-hals-poliklinikken i 1. etasje. Her vil sjukepleiar ta i mot deg og gje deg smertestillande og eventuelt avslappande medisin før behandlinga starta. Det er viktig at du tek dei medisinane som du har fått beskjed om på førehand. Barn får også bedøvingskrem på begge hendene før innlegging av venekanyle.
Behandling
Det er tannlegen som utfører tannbehandlingen. Det er vanskelig å sei kor lang tid behandlinga tar. Det kjem an på kor mykje som skal gjerast .
Oppfølging
Generelt om heimreise
Vanlegvis kan du drikke og spise normalt nokre timar etter tannbehandlingen. Du bør ta det roleg same dag som du har hatt narkose.
Kontakt
Haugesund sjukehus
Øre-nese-hals
Oppmøtestad
Våre lokalar er i første etasje ved Haugesund sjukehus. Du kan bruke hovudinngangen og passere resepsjonen og sjukehusapoteket - du finn oss heilt i enden av korridoren.
Haugesund sjukehus
Karmsundgata 120, 5528 Haugesund