Hygiene og førebygging av infeksjonar

Barnet bør vaskes dagleg i ansiktet og i alle hudfolder: bak øyrene, på halsen, i hendene, armholene og i foldene rundt lårene og nedantil.

Det er ikkje nødvendig å vaske nedantil ved kvart bleieskift med mindre det er avføring. Ved vask nedantil, start alltid foran og deretter bakover. Skift klut til neste runde eller bruk eingongsklutar.

Du bestemmer kor ofte du vil bade barnet ditt, men vi anbefaler ein til to gonger i veka. Temperaturen på vatnet skal halde 37 grader og det bør vere lunt i rommet der badet blir utført.

Barnet bør haldast i same arm under heile badestellet (ikkje skift grep underveis). Den ledige armen brukar du til å vaske med. Det er viktig å ha eit godt grep. 

Sørg for at kroppen til barnet blir dekt med vatn; barnet blir fort kald. Tørk godt for å unngå at barnet blir kaldt. Unngå at barnet ligg i det våte hankleet.

Ved sår hud i bleieområdet, er det viktig med hyppige bleieskift og at barnet blir smørt med salve.

For tidleg fødde barn har dårlegare immunforsvar og blir lettare smitta av infeksjonar. Det er derfor viktig å vere nøye med hygiene. Vask alltid henda godt før mating og stell, og etter bleieskift.

Alle som skal halde barnet bør vaske eller sprite henda sine først.

Særleg om vinteren bærer mange på smitte. Spør dei som vil kome på besøk om dei er friske før dei kjem, og prøv å avgrense kontakt med barn i barnehagealder mest mogleg.

Søskena til barnet må sjølvsagt få delta, men lær dei å vaske hender og unngå hosting og nys på babyen. Dersom større søsken er veldig forkjøla, spesielt i sesongen for luftvegsinfeksjonar, bør ein avgrense omgangen med babyen. Ein måte å avgrense smitte mellom søsken, er å la søsken som går på skole og i barnehage bytte klede etter at dei har kome heim.

Ikkje ta barnet med der det er store folkemengder innandørs, som for eksempel handlesenter, lekeland osv. Dette på grunn av smittefare, men også fordi det lett blir altfor mykje støy og sanseinntrykk for den litle.  

Dersom barnet har sjukdomsteikn, kontakt oss på telefon slik at vi kan vurdere om det er behov for å kome til sjukehuset.

Skulle barnet bli akutt dårleg og de trur det haster med å få hjelp, må de ringe 113.

Tidlige teikn til sjukdom

• Barnet er bleik, kaldt, eller har feber.
• Barnet er annleis enn det pleier (slapt, irritabel eller uopplagd).
• Barnet har endra etevanar.
• Barnet verkar forkjøla eller tett i nasen.
• Pusten til barnet har endra seg (raskare, saktare eller anstrengd). Normal frekvens er 30-60 pust i minuttet. Premature barn har normalt uregelmessig pust. Dette er normalt.