Dialyse Haugesund

Vi tilbyr hemodialyse til pasientar med akutt og kronisk nyresvikt. Vi utfører også plasmaferesebehandling og LDL-aferesebehandling. Hos oss jobbar tolv sjukepleiarar og tre nyrelegar. Vi har seksten behandlingsplassar. Pårørande kan besøke pasientar til behandling etter avtale med oss på avdelinga.

Les meir om Dialyse Haugesund

Dialyse Haugesund

Under opphaldet

Vi har trådlaust nettverk og fjernsyn tilgjengeleg medan du får dialysebehandling.

Parkering og transport

Pasientar i dialysebehandling som køyrer sjølv, får utdelt parkeringstillating for gratis parkering.

Har du behov for drosje til behandling, ordnar vi dette gjennom Pasientreiser. Det er ofte fleire som skal ta same drosje, det blir derfor noko venting.

Dialyse i Sauda

Pasientar som har starta opp dialysebehandling i Haugesund, kan etter avtale få vidare behandling ved Sauda distriktsmedisinske senter dersom dette er nærare heimen.

Gjestedialyse

Vi tilbyr gjestedialyse ved kapasitet. Du må ta kontakt på førehand for å gjere ein avtale. Gjestepasientar kan kome frå inn- og utland, då dialysebehandling er eit internasjonalt samarbeid. Informasjon på polsk: Dializa goscinna. Informasjon på tysk: Feriendialyse

Vi kan hjelpe deg med førespurnad om gjestedialyse dersom du skal innan- eller utanlands. Les meir om dialyse i utlandet.

Landsforeningen for nyrepasienter og transplanterte

LNT har mykje aktuell informasjon og moglegheit for å bestille brosjyrer: www.lnt.no

Kontaktinformasjon

Transport Haugesund sjukehus

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apotek Haugesund sjukehus

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Finne fram på Haugesund sjukehus

For å finne enklaste veg til avdelinga du skal på, kan du bruke vårt interaktive kart. Det kan vise deg trappefri adkomst og oversikt over inngangar og heisar. Gå til interaktivt kart.

Foto og film

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.

Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.

Kantine og kiosk Haugesund sjukehus

Kantina i 6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00

Kva bør du ha med til sjukehusopphaldet?

Ta med den faste medisinen du brukar. Det kan ta tid å få same medisin frå apoteket.

Diverre hender det at tjuveri finn stad på sjukehuset. La verdisaker vere igjen heime.

Ta med behagelege klede.

Gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Toalettsaker som tannbørste, tannkrem, kam, deodorant og eventuelt barbermaskin. Hjelpemiddel du er avhengig av: til dømes stokk, krykker, rullator og rullestol.

God hygiene ein viktig faktor for å kunne gje god behandling til pasientane.

Minibank Haugesund

Det er ikkje minibank ved sjukehuset. Narvesen i første etasje har bankterminal med moglegheit for uttak av pengar ved kjøp. Det er bank og minibank i Haugesund sentrum.

Parkering

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har 3 ladeuttak.

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar utanfor inngang C som ligg ut mot Karmsundsgata. Du vil få utlevert parkeringsbevis frå avdelingen dersom du har rett til å bruke dessa plassane.

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.

Pris for å parkere på sjukehus i Helse Fonna er 20 kroner i timen. Makspris for eit døgn er 140 kroner.

Trådlaust nett/WiFi

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk

Bruk av trådlaust nett er gratis.

Innlogging er krav til sikkerheit i sjukehusnettverket og er same type løysing som er på flyplassar og hotell.

God surfing.

Dialyse - hemodialyse	https://helse-fonna.no/behandlinger/dialyse-hemodialyse	Dialyse - hemodialyse	D
Dialyse - posedialyse	https://helse-fonna.no/behandlinger/dialyse-posedialyse	Dialyse - posedialyse	D
Kronisk nyresvikt	https://helse-fonna.no/behandlinger/kronisk-nyresvikt	Kronisk nyresvikt	K

Dialyse - hemodialyse	https://helse-fonna.no/behandlinger/dialyse-hemodialyse	Dialyse - hemodialyse	D
Dialyse - posedialyse	https://helse-fonna.no/behandlinger/dialyse-posedialyse	Dialyse - posedialyse	D
Kronisk nyresvikt	https://helse-fonna.no/behandlinger/kronisk-nyresvikt	Kronisk nyresvikt	K

Fann du det du leita etter?