Vi behandlar nyfødde barn med behov for ekstra observasjon eller behandling utover det barselavdelinga kan gi. For tidleg fødde barn mellom svangerskapsveke 28 og 35 blir alltid innlagd hos oss.
Nyfødde som er sjuke eller har andre forbigåande utfordringar kan bli innlagd hos oss. Dette kan vere nyfødde med infeksjonar, syndrom, ernæringsvanskar eller barn av rusmisbrukande mødrer.
I tillegg behandler vi barn under seks månadar som treng meir behandling enn det barneavdelinga kan tilby. Det kan vere luftvegsinfeksjonar der barnet treng pustestøtte. Desse barna blir innlagd på isolatet på nyføddintensiv.
Nokre barn er innlagte kort tid, kanskje bare nokre timar, mens andre er innlagd i dagar, veker eller månader.
Nyføddintensiv tilbyr heimeoppfølging (heimesjukehus) for tidleg fødde og sjuke nyfødde som kan reise heim tidleg. Dette er eit frivillig tilbod til foreldre om vidare oppfølging frå nyføddintensiv via heimebesøk, video- eller telefonkonsultasjon.
Behandlingstilbodet er også kjent som NAST (Nyføddintensiv ambulerande sjukepleieteneste).
Her finn du også informasjon og råd om pleie av for tidleg fødde og sjuke nyfødde barn.
Vi held til i 3. etasje, ny vestblokk. Følg skilting til Nyføddintensiv.
Poliklinikk: Følg skilt til poliklinikken og gå litt forbi døra til nyføddavdelinga. Gå ned den lange gangen, ta så til høgre og inn på rommet som er merka med poliklinikk. Ring på snora på veggen for å komme i kontakt med oss.
Karmsundgata 120, 5528 Haugesund