Søkjer etter ny klinikkdirektør
– Ei veldig viktig stilling i føretaket, seier administrerande direktør Anders Hovland om klinikkdirektørstillinga på Stord.
Stillinga som klinikkdirektør for Somatikk Stord er lyst ut, med søknadsfrist 26. august.
Administrerande direktør Anders Hovland håpar på stor interesse for det han omtalar som ei viktig stilling for Helse Fonna.
– Stord sjukehus har ein viktig funksjon i lokalmiljøet, og i heile føretaket. Vi ser etter ein strategisk, synleg og trygg klinikkdirektør som er oppteken av å utvikle og skape resultat i samarbeid med andre, seier Hovland.
Klinikkdirektøren er ein del av toppleiargruppa, som saman med resten av føretaksleiinga, skal bidra til å løysa det felles samfunnsoppdraget vårt. Klinikkdirektørane rapporterer til administrerande direktør.
Klinikk for Somatikk Stord omfattar medisinsk avdeling, kirurgisk avdeling, føde- og gynekologisk avdeling, akuttmottak og anestesiavdeling og avdeling for rehabilitering. Stillinga inneber ansvar for ein klinikk med omlag 500 medarbeidarar. Klinikkdirektør har totalansvar for klinikken, det inneber totalansvar for fag og kvalitet, personell, drift og økonomi.
Les meir om stillinga her: Toppleiarstilling for deg som vil vera med å forma framtidas spesialisthelseteneste | Habberstad AS (recman.no)