Vi tilrår at du alltid nyttar siste versjon av nettlesaren din.
logo Helse Fonna

Ultralydundersøkelse av barn

Dette er ei undersøking som nyttar ultralyd til å stille diagnose eller kartleggje sjukdom. Undersøkinga skjer ved at legen bruker eit utralydkamera (ein probe) med gelé på det området som skal undersøkjast. Undersøkinga er ikkje smertefull.

Tilvising og vurdering

Det er legen til barnet sender tilvisinga.

Før

Det er viktig at barn og unge som skal til ultralyd er godt førebudde, og då er det fint om du som forelder/føresett snakkar med barnet om undersøkinga. Informasjon og samtale bidreg til tryggleik hos barnet.

Viktige førebuingar

Nokre ultralydundersøkingar krev førebuingar, og det er viktig at desse blir følgde for å få ei vellykka undersøking.

  • Barn over 2 år skal ikkje ete dei siste 4 timane før undersøkinga, men kan drikke vatn.
  • Barnet skal drikke litt ekstra vatn/saft, tilsvarande cirka 2 glas, 15-20 minutt før undersøkinga.
  • Barnet skal helst ikkje tisse den siste timen før undersøkinga.

Viss det blir ventetid før barnet kjem inn til undersøkinga, og barnet opplever sterk vasslatingstrong, si i frå i ekspedisjonen.

Under

Ultralydundersøkinga blir utført i eit ganske mørkt rom der barnet ligg på ein undersøkingsbenk. Det blir brukt ein gelé mellom ultralydapparatet og huda for å lage ultralydbilete.

Vi tek fleire bilete, og det er viktig at barnet ligg roleg slik at bileta blir gode og tydelege. Foreldre/føresette kan vere saman med barnet under heile undersøkinga. For å sikre ro og god kvalitet ser vi helst at søsken ikkje følgjer med til undersøkinga.

Bilde av radiolog og barn som skal til ultralyd. Bilde

Vi fokuserer på at alle barn skal bli sett og høyrde hos oss.

 

Ultralydprobe med gele. Bilde

Ved ultralydundersøkinga bruker vi ein gelé og ein ultralydprobe. Denne geleen blir varma opp på førehand, men kan kjennast litt våt og klissete på huda.

 

Jente med ultralydprobe på magen. BIlde

Ved å føre dette ultralydprobeinet over det området av kroppen vi ønskjer å undersøkje, får vi bilete på ein skjerm som legen kan sjå på.

 

Radiolog og barn - ultralydundersøkelse. Bilde

Dersom det er ønske om det, kan vi forklare litt om bileta undervegs.

 

Radiolog forklarer bilde på skjerm. Bilde

Foreldre/føresette kan vere med under heile undersøkinga. Dette er ein stor tryggleik for barnet.

 

Jente har fått premie etter undersøkelsen. Bilde

Alle barn får med seg ein liten premie etter at vi er ferdige.

 

Alle foto: Sjukehuset Østfold

Etter

Når ultralydundersøkinga er ferdig, kan barnet reise heim. Bileta blir beskrivne av ein radiolog (røntgenlege) og svaret blir sendt tilvisande lege.

Kontakt

Haugesund sjukehus Barn

Kontakt Barn

Oppmøtestad

Våravdeling med sengepost og poliklinikk ligg i 3. etasje. Ta trappene eller heisen ved Narvesen. Du kjem rett til avdelinga vår når du går ut i 3. etasje.

Besøkstider

  • I dag 17:00 - 18:30
  • Måndag 17:00 - 18:30
  • Tysdag 17:00 - 18:30
  • Onsdag 17:00 - 18:30
  • Torsdag 17:00 - 18:30
  • Fredag 17:00 - 18:30
  • Laurdag 17:00 - 18:30
  • Søndag 17:00 - 18:30
En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.