Vi tilrår at du alltid nyttar siste versjon av nettlesaren din.
logo Helse Fonna

Rotator Cuff Ruptur

Skulder – rift/avrivning i muskelsene

Spesielt fire musklar samarbeider om å skape stabilitet og gode plassforhold i skuldra; musklane supraspinatus, subscapularis, infraspinatus og teres minor. Musklane blir kalla samla rotatorcuffen. Desse musklane ligg som ein samanfletta «kappe» eller «mansjett» rundt skulderleddet og stabiliserer skuldra når armen blir bevega i ulike retningar. Musklane smalnar og blir til ei sene som blir festa til overarmsbeinet.

Symptom

Skade eller overbelastning i ein eller fleire av senene kan gi rift i eller total avriving av sena. Dette kan føre til smerte, kraftsvikt og problem med å bruke armen i det daglege.

Mange pasientar vil ha god effekt av treningsterapi og blir viste til fysioterapeut. Du får sjølv ansvar for å bestille time ved eit fysioterapiinstitutt. Andre bør visast direkte til ortoped for vurdering av operasjon. Fastlege gjer ofte denne vurderinga. Manuellterapeut og kiropraktor kan også vise til vurdering av operasjon.

Tilvising og vurdering

Når du har blitt tilvist på grunn av skadd muskelsene i skuldra, vil du bli kalla inn til undersøking hos ortoped.

I tilvisingsteksten ønsker vi informasjon om:

  • namn og fødselsdato
  • vekt og høgde (dersom mogleg operasjonskandidat)
  • akutt skade eller snikande debut
  • symptom og varigheit
    • Detaljerte opplysningar om smerter: Lokalisering, utstrålande, smerter andre stader?
    • Svikt? Låsninger? Tidlegare operasjonar?
  • funn ved klinisk undersøking
    • Rørsleutslag? Hevelse? Stabilitet? Kraft? Nerveutfall?
  • bildediagnostikk (alle pasientar bør greiast ut med røntgen)
    • resultat av bildediagnostikk (når og kvar det er utført)
    • ta MR ved instabilitet eller mistanke om seneskadar, rupturar eller annan blautdelsproblematikk
    • svar på undersøkingar bør ligge føre ved tilvising for å lettare kunne gi rett prioritet
  • behandling utført og effekt av denne (for eksempel fysioterapi)
  • om pasienten ønsker operativt tilbod, om det er aktuelt
  • yrke og sjukmeldingsstatus
  • faste medikament
  • andre sjukdommar
  • behov for tolk

Utgreiing

Hos ortoped vil du gå gjennom ei grundig undersøking. Ortopeden vurderer behov for tilleggsundersøkingar som til dømes røntgen, ultralyd eller MR. Basert på funn i undersøking og samtale vil de bli samde om vidare behandlingsplan.

MR-undersøking
Ultralydundersøking

Dersom du blir tilrådd operasjon kan det vere ventetid. I denne perioden er det ein fordel at du held fram behandlinga hos fysioterapeut eller gjer øvingar på eigenhand. Formålet med behandlinga er å hindre stivleik i skuldra, redusere smerte og førebu deg til operasjon og trening du må gjere etterpå.

I forkant av operasjonen vil du gå gjennom dei siste førebuande undersøkingane du treng og få meir informasjon om kva som skal skje når du blir innlagd.

Behandling

Operasjonen går skjer med kikhòlskirurgi. Betent vev og bein som lagar dårlege plassforhold i leddet kan fjernast. Rifter i senevev blir sydde saman. Avrivne sener blir festa tilbake på overarmsbeinet. Det finst ulike måtar å feste senene på. Operasjonen tek vanlegvis omtrent 1 time.

Kliniske studiar

1 klinisk studie er open for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Oppfølging

Somme pasientar blir skrivne ut operasjonsdagen, andre treng å bli ein dag eller to.

Behov for fatle blir avgjort av ortoped i kvart enkelt tilfelle. Somme pasientar får i tillegg beskjed om å unngå visse rørsler og aktiv bruk av armen ein periode etter operasjonen. Beskjedar givne i beskrivinga av operasjonen, skal alltid følgjast.

Er du på sjukehuset dagen etter operasjonen, kjem fysioterapeut til deg og går gjennom informasjon, øvingar og bruk av fatle.

Vi tilrår at du startar opptrening hos fysioterapeut 1-2 veker etter heimreise. Opptrening og behandling skjer gradvis og i samsvar med operasjonsbeskrivinga. I byrjinga er fokuset å redusere smerte og auke rørsle i skuldra. Etter kvart skal du gradvis trene opp styrke og stabilitet.

Fysioterapi og eigentrening er heilt nødvendig for å få eit godt resultat etter operasjonen.

Ved behov vil du få resept på smertestillande når du reiser frå sjukehuset.

Lengd på sjukmeldinga avheng av mellom anna av restriksjonar gjevne i operasjonsbeskrivinga, arbeidssituasjon og omfang av plager. Vanlegvis skriv ortopeden ut den første sjukmeldinga og fastlegen kan forlengje denne ved behov.

Etter operasjonen blir du innkalla til kontroll.

Ver merksam

Sårinfeksjon er ein sjeldan komplikasjon etter operasjon.

Ta kontakt med sjukehuset dersom du opplever følgjande symptom:

  • feber
  • frostanfall
  • at du blir raud eller får puss frå såra

Kontakt

Haugesund sjukehus Akuttmottak
Ventetid: 10 - 22 uker

Ventetid: 10 - 22 uker

Kontakt Akuttmottak

Oppmøtestad

Felles akuttmottak ligg i underetasjen til Haugesund sjukehus, i nybygget mot sørvest.

Blir du transportert med ambulanse eller av portør vil du automatisk bli registrert hos akuttmottaket. 

Viss du kjem sjølv, må du gå inn hovudinngangen til Haugesund sjukehus. Deretter går du forbi Narvesen-kiosken og innover gangen i nybygget. Du kan ta heis eller trapp ned til underetasjen. Du må registrere deg i ekspedisjonsluka før du kan kome inn til venteområdet til akuttmottaket.  

Hovudinngangen til Haugesund sjukehus er alltid open. 

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Opningstider for ekspedisjon

  • I dag 08:00 - 22:00
  • Måndag 08:00 - 22:00
  • Tysdag 08:00 - 22:00
  • Onsdag 08:00 - 22:00
  • Torsdag 08:00 - 22:00
  • Fredag 08:00 - 22:00
  • Laurdag 08:00 - 22:00
  • Søndag 08:00 - 22:00

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Ventetid

10 uker til dagbehandling (22 totalt)

12 uker til utredning

Velg behandlingssted (helsenorge.no)

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.