Vi tilrår at du alltid nyttar siste versjon av nettlesaren din.
logo Helse Fonna

Skjelettscintigrafi, barn – nukleærmedisinsk undersøking av skjelettet

Ved skjelettscintigrafi bruker vi eit radioaktivt merka stoff som inneheld fosfat. Etter at stoffet er sprøyta inn i blodet, blir det bli teke opp i skjelettet. Ved hjelp av eit gammakamera eller ein SPECT/CT vil vi kunne ta bilete av fordelinga av det radioaktivtmerkte stoffet. På denne måten kan vi påvise ulike forandringar i skjelettet.

Om undersøkinga

Skjelettscintigrafi kan brukast ved utgreiing av symptom frå skjelettet etter skadar, ved infeksjon eller betennelsestilstandar (inflammasjon). Det blir også brukt for å sjå etter spreiing av kreft til skjelettet.

Før

Det er svært viktig å lese innkallingsbrevet grundig, her finn de informasjon som er viktig for undersøkinga.

Om de ikkje kan møte til timen, må de gi beskjed om dette så fort som mogleg etter dykk har fått innkallingsbrevet.

Viktige førebuingar

  • På undersøkingsdagen skal barnet drikke mykje og tisse/skifte bleie ofte, og de bør ta med kateterutstyr eller bleier om barnet bruker dette til vanleg.
  • Ta gjerne med ei leike/bamse/bok barnet er glad i.
  • Barnet kan ete og ta eventuelle medisinar som vanleg.

Under

Ved oppmøte ved nukleærmedisin vil vi først setje eit sporstoff inn i ei blodåre i armen. Dette består av eit fosfatsamband merka med ei lita mengd radioaktivitet som vil takast opp i skjelettet. I nokre tilfelle blir det også teke bilete medan barnet får sporstoffet, men som oftast skal det gå 2–5 timar før bileta blir tekne. De vil få informasjon om når bileta skal takast, og de treng ikkje å opphalde dykk i avdelinga i ventetida.

Det radioaktive stoffet skilst ut i urin, derfor er det viktig at barnet drikk rikeleg og tissar / skiftar bleie ofte i desse timane. Det er også viktig at barnet prøver å tisse / skifte bleie rett før vi skal ta bileta. Dette er viktig hovudsakleg for at vi skal få god kvalitet på bileta, men også for at barnet skal klare å liggje stille medan vi tek bilete.

Sjølve biletopptaket kan ta totalt 15–30 minutt. Det er viktig at barnet ligg stille medan bileta blir tekne. Foreldre kan vere til stades i rommet heile tida under bilettakinga. I mange tilfelle kan det vere nødvendig å hjelpe barnet til å liggje stille. Personalet vil gjere sitt ytste for at undersøkinga skal bli god nok, samtidig som opplevinga til barnet skal bli så god som mogleg.

Etter

De kan reise heim når undersøkinga er ferdig.

Det er viktig å gi barnet rikeleg med drikke også i etterkant av undersøkinga.

Bileta skal etterbehandlast og granskast av legar ved nukleærmedisin. Svaret blir sendt legen som har vist barnet til undersøkinga.

Kontakt

Haugesund sjukehus Barn

Kontakt Barn

Oppmøtestad

Våravdeling med sengepost og poliklinikk ligg i 3. etasje. Ta trappene eller heisen ved Narvesen. Du kjem rett til avdelinga vår når du går ut i 3. etasje.

Besøkstider

  • I dag 17:00 - 18:30
  • Måndag 17:00 - 18:30
  • Tysdag 17:00 - 18:30
  • Onsdag 17:00 - 18:30
  • Torsdag 17:00 - 18:30
  • Fredag 17:00 - 18:30
  • Laurdag 17:00 - 18:30
  • Søndag 17:00 - 18:30
En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.