Vi tilrår at du alltid nyttar siste versjon av nettlesaren din.
logo Helse Fonna

Insulinpumpeopplæring for barn og unge, nynorsk

Opplæring for deg som har diabetes type 1 som blir behandla med insulinpumpe.

Kurset går over tre dagar og gir opplæring til deg og foreldra dine/føresette.

Dette er eit praktisk kurs som gir deg den kunnskapen du treng for å kunne nytte ei insulinpumpe. Her møter du erfarne fagpersonar frå sjukehuset, og oftast andre barn og unge med same sjukdom som deg. Me legg opp til dialog, erfaringsutveksling, undervisning og rettleiing. Målet er at du skal ha god kunnskap om behandlinga di slik at du er i stand til å ta gode behandlingsval i kvardagen.

Dokker må ha med matpakke og drikka for alle 3 dagane.

Pårørande får opplærings-/pleiepengar ved behov.

Kursdagane går vanlegvis frå kl. 09.00 til kl. 14.00 kvar dag.

Før

Du og foreldra dine/føresette er kjent med kva insulinpumpe du skal ha. Vi ønskjer at dokker skal møte førebudd til kurset, så hent informasjon om den aktuelle insulinpumpa på nett. Dei ulike produktleverandørane har eigne sider.

Ved all deling av blodsukkermålingar med sjukehuset er det viktig at personidentifiserbare data ikkje blir brukte. Når du lastar ned målingar til datamaskina må du opprette eit brukarnamn og passord som sjukehuset treng for å finne målingane igjen. Hugs derfor å velge brukarnamn og passord som er trygt å gi frå deg. Det må ikkje vere eit passord du bruker i t.d. nettbank eller liknande.

Under

Dag 1: Gjennomgang av teori. Alder til barnet og modnad må vurderast i forhald til om dei skal vere med: Barn under 7 år kan vere i barnehage eller på skule. Barn over 7 år kan vere med dersom foreldra tenkjer at dei er klar for å ta del i pumpebehandlinga og kan følge med på teoridelen. Barn over 10 år skal vere med.

Dag 2: Viktig: Ikkje ta langtidsinsulin om morgonen. Dersom langtidsinsulinet berre blir gitt éin gong for dagen (på kveld/ettermiddag) så kan dosen halverast dagen før. Pumpene blir leverte ut og blir starta opp. Me går gjennom bruk av pumpe i kvardagen, med praktiske tips og råd.

Dag 3: Me går gjennom endringar på innstillingar ved behov, øving og sjølvstendig byte av insulin i pumpa. Evt. oppstart av sensor dersom det er aktuelt.

Etter

Du vil få vidare oppfølging på poliklinikken.

Kontakt

Haugesund sjukehus Barn

Kontakt Barn

Oppmøtestad

Våravdeling med sengepost og poliklinikk ligg i 3. etasje. Ta trappene eller heisen ved Narvesen. Du kjem rett til avdelinga vår når du går ut i 3. etasje.

Besøkstider

  • I dag 17:00 - 18:30
  • Måndag 17:00 - 18:30
  • Tysdag 17:00 - 18:30
  • Onsdag 17:00 - 18:30
  • Torsdag 17:00 - 18:30
  • Fredag 17:00 - 18:30
  • Laurdag 17:00 - 18:30
  • Søndag 17:00 - 18:30
En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.