Høyrselstest – oppfølging etter høyrselsscreening hos nyfødde
Alle nyfødde i Noreg blir høyrselsscreena. Dersom testen ikkje er godkjend, viser vi barnet til høyrselssentral for vidare oppfølging.
Symptom
Det er viktig å teste høyrselen til barnet så tidleg som mogleg for å få sett i gang eventuelle tiltak så raskt som mogleg.
Undersøkinga kan ta frå 10 minutt til 2 timar. Det er derfor viktig at de set av god tid til å følgje barnet. Ta med vogn og det de treng av mat og utstyr til stell.
Det er fint om de planlegg slik at det er god moglegheit for at barnet søv under undersøkinga.
Før
Fødeavdelinga gjennomfører ei høyrselsscreening av alle nyfødde rett etter fødsel ved ein metode som blir kalla OAE (otoakustiske emisjonar).
Under
Om barnet ikkje søv innan ein halv time eller de veit at barnet ikkje sovnar lett, tilbyr vi melatonin. Melatonin er kroppen sitt eige søvnhormon og framkallar naturleg søvn. Det kan trygt brukast på barn.
Når barnet søv, gjennomfører vi ei utvida høyrselsscreening. Den er basert på same utstyr som fødeavdelingane bruker, men utstyret er litt meir avansert og gir meir informasjon.
Målet er å teste funksjonen til det indre øyret. Vi set ein liten propp i øyregangen til barnet. Deretter blir klikkelydar sende inn i øyret. Dei kjem tilbake som målbart "ekko" på måleutstyret.
Om testen ikkje gir ønskt resultat eller han er problematisk å gjennomføre, kan høyrselssentralen gjennomføre ein automatisk hjernestammerespons audiometri. Det blir ofte kalla AABR.
Det betyr at det tre små elektrodar blir festa på hovudet og nakken til barnet, samtidig som det blir sendt lyd inn i øyret ved hjelp av ein øyrepropp. AABR-målinga viser om høyrselen til barnet ligg innanfor det definerte normalområdet på 2000 til 4000 Hz (lyse tonar).
Testane er ufarlege og smertefrie.
Etter
Dette er ei tidleg høyrselsundersøking. Det er viktig at dei vanlege kontrollane ved helsestasjonen blir følgde. Det kan oppstå høyrselstap også etter fødselen.
Kontakt
-
Kontakt Øre-nese-hals
Oppmøtestad
Våre lokalar er i 1. etasje ved Haugesund sjukehus. Du kan bruke hovudinngangen og passere resepsjonen og sjukehusapoteket - du finn oss heilt i enden av korridoren.
Ved tilpassing av høyreapparat, anbefaler vi at pasienten har med seg følge/pårørande.
Haugesund sjukehus
Karmsundgata 120, 5528 Haugesund
Transport
-
Kontakt Føde og barsel, Haugesund
Oppmøtestad
3. etasje i nybygget ved Haugesund sjukehus. Gå gjennom dei doble dørene ved Narvesen og ta heis eller trapp opp til vår avdeling.
Besøkstider og retningslinjer for besøk
- Barnefar: kl. 09.00 - 21.00
- Barnets søsken og besteforeldre: kl. 17.00 - 18.00
Andre besøkande er av omsyn til mor og barn, ikkje tillate i avdelinga.
Haugesund sjukehus
Karmsundgata 120, 5528 Haugesund
Transport
-
Kontakt Føde og barsel, Stord
Oppmøtestad
Dagtid i vekedagar:
Gå inn hovudinngangen ved Stord sjukehus. Avdelinga vår ligg i underetasjen (U1).
Kveldstid etter kl. 19.00, helg og natt:
Vi har eigen inngang til avdelinga som kan brukast når hovudinngangen til sjukehuset er stengt. Gå opp trappa til høgre for det interkommunale legevaktsbygget, og følg gangvegen heilt til døra. Dersom døra er stengt, ringer du på ringeklokka til venstre for døra. Vi kjem og hentar deg.
Besøkstider:
- Barnefar: kl. 09.00 – 21.00
- Søsken og besteforeldre: kl. 17.00 – 18.30
Stord sjukehus
Tysevegen 64, 5416 Stord
Praktisk informasjon