Vi tilrår at du alltid nyttar siste versjon av nettlesaren din.
logo Helse Fonna

Fjerning av slimhinnen i livmoren ved hysteroskopi, nynorsk

Fjerning av livmorslimhinna (endometriereseksjon) blir nytta ved kraftige blødingar der annan behandling, som medikament eller hormonspiral ikkje har tilstrekkeleg eller ønskt effekt.

Hensikta med operasjonen er å fjerne blødingane heilt, eller gi ein betydeleg reduksjon i blødingsmengda. 80–90 % av opererte pasientar blir fornøgde med behandlinga. Mange opplever at blødingane forsvinn, og hos dei fleste andre blir det betydeleg blødingsreduksjon. Hos 10–20 % har ikkje operasjonen forventa effekt. Inngrepet kan då bli gjentatt, eller så må vi vurdere å fjerne livmora heilt (hysterektomi).

Før

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

Mat og mjølk/mjølkeprodukt: Skal stoppast 6 timer før
Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom de tidene som står her må personalet få vite det. Før enkelte inngrep skal du drikke ein bestemt mengde næringsdrikk. Strengare regler kan vere naudsynt for nokon. Det får du i så fall beskjed om. ​

Andre førebuingar

  • ta av deg smykke, ringar, klokker og piercing.
  • ta med deg ei liste over alle faste medisinar, som inneheld kva du bruker (dose, mengde, styrke).
  • ta med medisinane du bruker. Ved innkomst blir det avklart i samråd med lege kva medisinar du skal ta og ikkje ta, før og etter operasjonen.
Du må rekne med noko ventetid på operasjonsdagen. Ta gjerne med deg lesestoff og/eller musikk på høyretelefonar.

Under

Før operasjonen vil du få samtale med kirurgen som skal operere deg. Operasjonen blir gjort i full narkose. Det betyr at du søv gjennom heile operasjonen. Før operasjonen startar, får du smertestillande. Sjølve operasjonen blir utført ved at eit tynt kamera blir ført gjennom livmorhalskanalen og inn i livmora, for å få god oversikt over livmorhola og livmorslimhinna.

Kor lenge varer behandlinga?

Sjølve operasjonen er rekna å ta frå 5 til 30 minutt.




Etter

Operasjonen skjer som dagkirurgi, slik at du kan reise heim når du har ete og vore på toalettet. Minste liggetid etter operasjonen er ein time, og dei fleste kan reise heim etter 2–3 timar.

Etter narkose kan du
  • få ein følelse av ein liten «hangover».
  • drikke og ete som normalt.
  • ikkje køyre bil.
Du bør du ha nokon hos deg den første natta etter at du har fått narkose.

Gjer det vondt? 

Etter operasjonen er det ikkje forventa mykje smerter. Nokre kan oppleve menstruasjonsliknande ubehag/smerter. Ved behov kan du bruke reseptfrie legemiddel som Paracetamol og/eller Ibux eller liknande. Legemidla får du kjøpt på apotek eller daglegvareforhandlar. Dersom smertestillande ikkje verkar, skal du kontakte føde – gyn mottaket. 

Biverknader og komplikasjonar

Det er heilt vanleg med menstruasjonsliknande blødingar dei første dagane etter operasjonen, og blødingane kan vare inntil fire veker. Det er ikkje uvanleg med utflod i inntil 6 veker.

Forholdsreglar

Unngå dette dei første 14 dagane etter operasjon eller så lenge du har blødingar og/eller utflod:
  • Badekar, svømmebasseng og liknande
  • Tampong
  • Samleie
Operasjonsdagen skal du ta det litt med ro. Avpass vidare aktivitet etter korleis du føler deg. Du kan dusje som normalt etter operasjonen.

Du bruker eigenmelding ved fråvær frå jobb. Ved behov kan legen som har operert deg, gi deg sjukemelding av ein–to dagars varigheit.

Kontroll og oppfølging

Før heimreise blir det avtalt med sjukepleiar eller lege eventuell vidare oppfølging, behandling eller kontrolltime.

Vevet som blir fjerna frå livmora, blir sendt til undersøking (vevsanalyse), og svaret kjem i løpet av fire veker. Du vil få beskjed dersom analysen viser noko som krev ytterlegare kontroll eller behandling.



Ver merksam

Dersom det skulle oppstå kraftige blødingar eller feber over 38 grader (utan symptom på annan sjukdom) skal du kontakte sjukehuset.

Kontakt

Stord sjukehus Gynekologisk sengepost, Stord

Kontakt Gynekologisk sengepost, Stord

Oppmøtestad

Vi held til i underetasjen (U1) på Stord sjukehus.

Besøkstid for pårørande:

Klokka 17.00-18.30 alle dagar.

En bygning med trær og biler foran seg

Stord sjukehus

Tysevegen 64, 5416 Stord

Finn fram

Transport

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

​Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift, sjå oppslag ved parkeringsautomat.

Det er mogleg å køyre heilt fram til hovudinngangen for å sleppe av passasjerar ved behov.

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Publikumskantine finn du i underetasjen.

Opningstider:

Måndag-fredag kl. 11.00-14.00. Det er stengt i helger og på heilagdagar.