Vi tilrår at du alltid nyttar siste versjon av nettlesaren din.
logo Helse Fonna

Fjerning av livmorpolypp eller muskelknute (myom) ved hysteroskopi

Polyppar og muskelknutar kan gi blødingar, smerter og/eller utflod. I tillegg kan dei også bidra til ufrivillig barnløyse eller gjentatte spontanabortar. Formålet med operasjonen er å undersøke livmorhòla, og avklare om du har polyppar eller muskelknutar (myomer) som må fjernast for å lindre symptom.

Før

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

Mat og mjølk/mjølkeprodukt: Skal stoppast 6 timer før
Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom de tidene som står her må personalet få vite det. Før enkelte inngrep skal du drikke ein bestemt mengde næringsdrikk. Strengare regler kan vere naudsynt for nokon. Det får du i så fall beskjed om. ​

Andre førebuingar

Smykke, ringer, klokkar og piercing må fjernast.

Bruker du faste medisinar ønsker vi at du tar med deg ei oversikt over kva du bruker (dose, mengde, styrke) og det er ein fordel at du tar med deg medisinane. Ved innkomst blir det avklart i samråd med lege kva medisinar du skal ta og ikkje ta, før og etter operasjonen.

Du må rekne med noko ventetid på operasjonsdagen, ta gjerne med deg lesestoff og/eller musikk på høyretelefonar.

Under

Korleis går behandlinga føre seg?

Operasjonen skjer ved dagkirurgi. Du må ligge i minst 1 time etter operasjonen.  Dei fleste er klare for å reise heim etter 2 til 3 timar. Før og etter operasjonen vil du få snakke med ein sjukepleiar, og med legen som skal operere deg. Ein anestesisjukepleiar legg inn ein kanyle i armen din.

Operasjonen kan gå føre seg enten med lokalbedøving eller i narkose. Narkose inneber at du søv gjennom heile operasjonen. Før operasjonen får du smertestillande. Sjølve operasjonen blir utført ved at eit tynt kamera blir ført gjennom livmorhalskanalen og inn i livmora, for å få god oversikt over livmorhòla og -slimhinna.

Sjølve operasjonen er berekna å vare 5 til 30 minutt.  

Etter

  • Etter operasjonen kan du drikke og ete som normalt.
  • Etter å ha fått narkose bør du ha nokon hos deg den første natta.
  • Du kan ikkje køyre bil etter narkose.

Etter operasjonen er det ikkje forventa mykje smerter. Nokon kan oppleve menstruasjonsliknande ubehag/smerter. Ved behov kan du bruke reseptfrie legemiddel som Paracetamol og/eller Ibux eller liknande.

Operasjonsdagen skal du ta det litt med ro. Avpass vidare aktivitet etter korleis du kjenner deg. Du kan dusje som normalt etter operasjonen.

Du nyttar eigenmelding ved fråvær frå jobb. Ved behov kan legen som har operert deg gi deg sjukmelding av 1–2 dagars varigheit.

Det er heilt vanleg med menstruasjonsliknande blødingar dei første dagane etter operasjonen, blødingane kan vare i inntil 4 veker. Det er ikkje uvanleg med utflod i inntil 6 veker.

Forholdsreglar

Unngå følgande dei første 14 dagane etter operasjon, eller så lenge du har blødingar og/eller utflod:

  • badekar, svømmebasseng og liknande
  • tampong
  • samleie

Kontroll og oppfølging

Før heimreise får du snakke med lege og de avtaler om du treng vidare kontrolltime eller behandling.

Vevet som blir fjerna frå livmora blir sendt til undersøking (vevsanalyse). Svaret kjem i løpet av 4 veker. Du vil få beskjed dersom analysen viser noko som krev ytterlegare kontroll eller behandling.

Ver merksam

Dersom det skulle oppstå kraftige blødingar eller feber over 38 grader (utan symptom på annan sjukdom), skal du kontakte sjukehuset.

Kontakt

Stord sjukehus Gynekologisk sengepost, Stord

Kontakt Gynekologisk sengepost, Stord

Oppmøtestad

Vi held til i underetasjen (U1) på Stord sjukehus.

Besøkstid for pårørande:

Klokka 17.00-18.30 alle dagar.

En bygning med trær og biler foran seg

Stord sjukehus

Tysevegen 64, 5416 Stord

Finn fram

Transport

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

​Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift, sjå oppslag ved parkeringsautomat.

Det er mogleg å køyre heilt fram til hovudinngangen for å sleppe av passasjerar ved behov.

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Publikumskantine finn du i underetasjen.

Opningstider:

Måndag-fredag kl. 11.00-14.00. Det er stengt i helger og på heilagdagar.