Vi tilrår at du alltid nyttar siste versjon av nettlesaren din.
logo Helse Fonna

DMSA nyrescintigrafi, barn – nukleærmedisinsk undersøking av nyrene

Ved DMSA nyrescintigrafi bruker vi eit radioaktivt merkt stoff som blir teke opp i nyrene. Ved hjelp av eit gammakamera eller ein SPECT/CT-maskin kan vi ta bilete av korleis det radioaktivt merkte stoffet fordeler seg i nyrene til barnet. Ved hjelp av bileta vi tek, kan vi vurdere nyrevevet og berekne nyrefunksjonen.

Årsaker

Undersøkinga kan mellom anna brukast for å vurdere påverking av nyrene etter nyreinfeksjonar og evaluering før eventuell operasjon for å fjerne ei nyre.

Før

Det er svært viktig å lese innkallingsbrevet grundig, der er det oppgitt informasjon som er viktig for undersøkinga. Om de ikkje kan møte til timen, må de gi beskjed om dette så fort som mogleg etter mottak av innkallingsbrevet.

  • Barnet kan ete, drikke og ta eventuelle medisinar som vanleg.
  • Vi har behov for informasjon om høgda og vekta til barnet.
  • Ta gjerne med ei bok/bamse/leke barnet er glad i.
  • Ta med kateterutstyr dersom barnet bruker dette.

Under

Barnet vil først få ein kanyle i armen, så set vi det radioaktivt merkte stoffet i denne.

Det tek 2–4 timar før fordelinga av stoffet er optimal, derfor må de vente denne tida før vi kan ta bileta. De treng ikkje å vente ved nukleærmedisin, de vil få beskjed om når de skal komme tilbake for å ta bileta.

Barnet må tisse / tømme blæra rett før vi skal ta bileta. Eventuell bleie må skiftast rett før bileta skal takast. Biletopptaket tek 15–30 minutt, og det er viktig at barnet kan liggje stille denne tida.

Foreldre kan vere til stades i rommet heile tida under biletopptaket. I mange tilfelle kan det vere nødvendig å hjelpe barnet til å liggje stille. Personalet vil gjere sitt ytste for at undersøkinga skal bli god nok, samtidig som opplevinga til barnet skal bli så god som mogleg.

Etter

De kan reise heim når undersøkinga er ferdig.

Bileta skal etterbehandlast og granskast av legar ved nukleærmedisin. Resultatet av undersøkinga kjem til legen som har vist barnet til undersøkinga.

Kontakt

Haugesund sjukehus Barn

Kontakt Barn

Oppmøtestad

Våravdeling med sengepost og poliklinikk ligg i 3. etasje. Ta trappene eller heisen ved Narvesen. Du kjem rett til avdelinga vår når du går ut i 3. etasje.

Besøkstider

  • I dag 17:00 - 18:30
  • Måndag 17:00 - 18:30
  • Tysdag 17:00 - 18:30
  • Onsdag 17:00 - 18:30
  • Torsdag 17:00 - 18:30
  • Fredag 17:00 - 18:30
  • Laurdag 17:00 - 18:30
  • Søndag 17:00 - 18:30
En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.