CPAP-behandling, barn

Starte med sovemaskin/pustemaskin (CPAP)

Dette er ei maskin som hjelper deg å sove roleg og godt. Maskina hjelper musklane til å bli sterkare og hovudet smartare.

For å få til det må ein øve, øve og øve, sånn at ein blir super god. Pustemaskina blåser luft inn i nasen og held luftvegen open. Du sluttar heilt å snorke.

Her sit Kine Kanin og teiknar litt. Ho øver

på å bruke maske og maskin til natta.

Nå sit Kine og ser på telefonen.

Kva liker du å sjå på?

I natt skal ho sove med maskina.

Ho er ganske spent.

Halde fram med sovemaskin

Det er viktig å ta på maska kvar kveld, og etter kvart blir det heilt vanleg å ta på maske når du skal sove. Kanskje mamma eller pappa må vere litt strenge, òg. Det er fordi dei vil at du skal sove godt.

Maskina og maska er din, og kanskje vil du kunne sette på maska og starte maskina sjølv snart. Du kan få bestemme litt du òg. Skal de synge eller lese før du tar på maske, eller ta på maske først?

Effekt ved behandling med sovemaskin

Når ein har søvnapné og pustestopp om natta kan ein bli veldig trøytt om morgonen, og det kan vere vanskeleg å stå opp. Synest du det er vanskeleg å stå opp? Det kan vere at du har lyst til å sove litt i barnehagen eller på skolen. Nokon blir også fort sinte eller lei seg og det er heilt vanleg. Det kan vere at du kan bli litt ekstra vill, og ikkje klarer å vere i ro.

Lufta frå maskina held luftvegen open når du søv slik at pustestoppane blir borte. Da vil du sove betre og kjenne deg meir vaken på dagen, og du klarer å følge betre med i barnehagen/skolen.

SJÅ! Nå søv Kine Kanin roleg og godt.

Innimellom blåser det litt

frå maska, men det gjer ingenting.

Mamma eller pappa fiksar litt på maska

mens Kine søv.

Det kan ta litt tid før du merkar at du har det betre. Jo lenger du søv med maskina, dess betre kjenner du deg.

Kine Kanin er så glad og fornøgd, ho klarer å sove med maske og maskin. Ho kjenner seg som ein superhelt.

Kine Kanin er så glad og fornøgd,

ho klarer å sove med maske og maskin.

Ho kjenner seg som ein superhelt.

Blir spennande å følge med

på om du kjenner deg som ein

superhelt òg. 

Lykke til!

Alle foto: Lovisenberg Diakonale Sykehus

CPAP – Nyttige tips til foreldra i tilvenningsfasen

• I starten når barn skal venne seg til å sove med maske, er det lurt å bruke utstyret på dagtid, slik at barnet venner seg til behandlinga. Ei oppfordring er ½ – 1 time på ettermiddagen mens barnet ser på TV eller blir lese for.

• Ver mild, men bestemt i utprøvinga. La barnet få val og dermed få kjensla av å ha kontroll. Det er viktig at barnet ikkje kan velje bort maske eller maskin. Barnet kan for eksempel i starten få avgjere om ein sjølv eller bamsen skal prøve først, kor lenge, kva bok ein skal lese eller liknande.

• Forklar barnet at det må bruke maske og maskin når det søv – heile natta.

• La maskina stå ved sida av senga slik at det er ein naturleg del av det å skulle sove.

• Opptre slik at barnet skjønner at det er foreldra som bestemmer og dette er noko som ein må ta på og sove med kvar natt.

• Dersom barnet kjempar imot når maska blir sett på, må ein prøve å roe barnet. Dersom barnet tar av maska sjølv, er det viktig å sette henne på plass igjen med ein gong.

• Dette er for barnets beste, og det kan kjennast vanskeleg å vere foreldre når barn protesterer. Tenk korleis det var når ein lærte barna å pusse tenner.