Vi tilrår at du alltid nyttar siste versjon av nettlesaren din.
logo Helse Fonna

Bitestikkelbetennelse

Bitestikkelbetennelse er ein betennelse i bitestikkelen. Bitestikkelen omgir testikkelen inne i pungen.

Førekomst

Bitestikkelbetennelse kjem vanlegvis av ein bakterieinfeksjon. Dei same bakteriane som kan føre til blærebetennelse, kan også slå seg til i bitestiklane. Kjønnssjukdommar som gonoré eller klamydia kan i somme tilfelle føre til bitestikkelbetennelse. Det kan også vere ein komplikasjon til inngrep (operasjon, kateterisering, undersøking) i urinvegane eller forårsaka av traume mot skrittet.

Typiske symptom ved akutt betennelse i bitestikkel er:

  • Aukande tyngdesanseinntrykk og smerter i pungen. Smerta stråler ofte opp i magen. Hevelse og ømheit i den eine bitestikkelen.
  • Frysningar og feber på mellom 39 og 40 grader kan skje.
  • Hos enkelte også svie i urinrøyret og hyppig vasslating og av og til utflod frå urinrøyret.

Utgreiing

Ved framkomst til sjukehuset vil du bli undersøkt av ein lege. Diagnosen blir stilt på grunnlag av typiske symptom og funn. Det blir vanlegvis teke ei urinprøve og ei ultralydundersøking.

Behandling

Du bør halde deg roleg dei første dagane. Eventuelt kan ein provisorisk susp som held testiklane i ro nyttast. Det lindrar også å få løfta opp pungen litt. Kalde omslag lindrar i den akutte fasen.

Ved medikamentell behandling blir antibiotika brukt i 7 – 10 dagar. Kva type antibiotika som blir vald, avheng av kva bakterie som er mistenkt eller er påvist. NSAIDS, som til dømes Ibux, verkar febernedsetjande, smertestillande og betennelsesdempande, og slik medisin kan vere nyttig i tillegg til behandling med antibiotika.

Sjukdommen fører sjeldan til komplikasjonar. Behandlinga er nesten alltid effektiv. Symptoma går gjerne raskt tilbake med rett antibiotikabehandling. Ufullstendig behandling av sjukdommen kan i verste fall føre til redusert evne til å få barn (redusert fertilitet).  

Oppfølging

Det er ingen poliklinisk kontroll på sjukehuset etter gjennomgått behandling.

Ved eventuelle komplikasjonar, ta kontakt med lege/sjukehus.

Kontakt

Haugesund sjukehus Akuttmottak

Kontakt Akuttmottak

Oppmøtestad

Felles akuttmottak ligg i underetasjen til Haugesund sjukehus, i nybygget mot sørvest.

Blir du transportert med ambulanse eller av portør vil du automatisk bli registrert hos akuttmottaket. 

Viss du kjem sjølv, må du gå inn hovudinngangen til Haugesund sjukehus. Deretter går du forbi Narvesen-kiosken og innover gangen i nybygget. Du kan ta heis eller trapp ned til underetasjen. Du må registrere deg i ekspedisjonsluka før du kan kome inn til venteområdet til akuttmottaket.  

Hovudinngangen til Haugesund sjukehus er alltid open. 

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Opningstider for ekspedisjon

  • I dag 08:00 - 22:00
  • Måndag 08:00 - 22:00
  • Tysdag 08:00 - 22:00
  • Onsdag 08:00 - 22:00
  • Torsdag 08:00 - 22:00
  • Fredag 08:00 - 22:00
  • Laurdag 08:00 - 22:00
  • Søndag 08:00 - 22:00

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.