Vi tilrår at du alltid nyttar siste versjon av nettlesaren din.
logo Helse Fonna

Ankelforstuvning, råd og øvelser

Leddbandskadar i ankelen er ein av dei hyppigaste skadane ved sports- og fritidsaktivitetar. Ein kan skade forskjellige bandstrukturar, men i 85 % av tilfella er det eitt eller fleire band på yttersida av ankelen som blir skada.

Dersom du har forstua ankelen, blir han vond og hoven. Det kan vere vanskeleg å gå, men dei fleste blir heldigvis raskt bra att.

Les meir på helsenorge.no

Under

Når du har forstuva ankelen, kan rett førstehjelp redusere skaden og tida det tar før den blir bra igjen.

RICE-prinsippet blir nytta:

  • R – Rest
  • I  – Ice
  • C – Compression
  • E – Elevation
R: Skadestaden bør få ro dei første 48 timane etter skaden. Bruk gjerne krykker.

I: Skadestaden bør bli kjølt ned for å hindre ytterlegare blødingar og hevelse. Bruk kuldepakning, kaldt vatn eller liknande i 20 minutt kvar 3–4 time dei 20 første dagane. Deretter vurderer du kor ofte etter kor hovent det er.

C: Kompresjon av skadestaden er viktig for å redusere hevelse og bløding. Bruk eit elastisk bind. Begynn surringa langt framme på framfoten og fortsett vidare over ankelen.

E: Elevasjon av skadestaden betyr at du bør legge beinet opp over hjartehøgde. Dette reduserer også hevelse.

Medikament

Legen kan gi betennelsesdempande medikament ved behov.

Mistanke om brot?

Ved mistanke om brot bør du ta ei røntgenundersøking.




Etter

Det meste av blødingane gir seg etter 48 timar, og då er det første målet å få tilbake normal og smertefri bevegelegheit og å bli kvitt hevelsen.

Gode råd

Beveg foten mykje opp og ned, og trø på beinet det du klarer. Legg vekt på å gå normalt med bøyg og strekk i ankelleddet.

Ergometersykkel er eit godt hjelpemiddel. Plasser foten slik at du kan overdrive ankelbevegelsen under syklinga.

Sportstape og ortose (støtteskinne/bandasje) bidrar til at du føler deg tryggare når du går. Dette hjelper deg å komme raskare tilbake til vanleg aktivitet og førebygge ny skade.

Trening på balansebrett er effektivt for å trene opp stabiliteten i ankelleddet. Du kan vanlegvis starte 1–3 veker etter skaden. Stå på eitt bein på balansebrettet, eller bruk anna ustabilt underlag. Tren 10 minutt fem gonger per veke i 10 veker.

Kor lang tid tar det før ankelen blir bra igjen?

Tida det tar før ankelen blir bra, er avhengig av omfanget av skaden og kva aktivitetsnivå du skal tilbake til.

Etter ein bandskade tar det 5–6 veker før arrvev er etablert, men det kan ta opptil eit halvt år før ankelen er heilt bra.

Faren for å trakke over på nytt er større dei første 12 månadene etter den første skaden. Du bør derfor bruke ein ortose eller teipe ankelen ved idrett eller større fysiske aktivitetar ei god stund etter skaden.

Dersom du skadar deg på nytt kort tid etter første skade, blir den nye skaden sannsynlegvis større.

Sjukemelding

Om du har behov for sjukemelding, avheng av kva type arbeid du har, og kor raskt ankelen blir bra med tanke på hevelse, smerter, bevegelegheit og belastning.

Ortose eller sportsteip

Ortose får du kjøpt i butikkar for medisinsk utstyr. Teiprullar får du kjøpt på apoteket.

Behov for fysioterapi?

Dersom du treng hjelp med å teipe ankelen og råd om vidare opptrening, kan ein fysioterapeut hjelpe.

Kontakt

Haugesund sjukehus Akuttmottak

Kontakt Akuttmottak

Oppmøtestad

Felles akuttmottak ligg i underetasjen til Haugesund sjukehus, i nybygget mot sørvest.

Blir du transportert med ambulanse eller av portør vil du automatisk bli registrert hos akuttmottaket. 

Viss du kjem sjølv, må du gå inn hovudinngangen til Haugesund sjukehus. Deretter går du forbi Narvesen-kiosken og innover gangen i nybygget. Du kan ta heis eller trapp ned til underetasjen. Du må registrere deg i ekspedisjonsluka før du kan kome inn til venteområdet til akuttmottaket.  

Hovudinngangen til Haugesund sjukehus er alltid open. 

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Opningstider for ekspedisjon

  • I dag 08:00 - 22:00
  • Måndag 08:00 - 22:00
  • Tysdag 08:00 - 22:00
  • Onsdag 08:00 - 22:00
  • Torsdag 08:00 - 22:00
  • Fredag 08:00 - 22:00
  • Laurdag 08:00 - 22:00
  • Søndag 08:00 - 22:00

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.