Vi tilrår at du alltid nyttar siste versjon av nettlesaren din.
logo Helse Fonna

Alvorleg traumatisk hovudskade

Alvorleg hovudskade ser ein etter eit kraftig slag mot hovudet der pasienten får indre skadar som påverkar hjernen. Pasientane er i redusert medvit etter skaden, og vil som oftast trenge operasjon og intensivbehandling i akuttfasen.

Symptom

Etter eit kraftig slag mot hovudet kan ein få brot på hovudskallen, bløding utanpå eller innanfor den harde hjernehinna, og ulike typar blødingar kan dannast i sjølve hjernesubstansen. I tillegg kan trykket i hjernen stige og medføre redusert blodtilførsel til ulike delar av hjernen. Den naturlege sirkulasjonen av hjernevæske kan også forstyrrast.

Når skaden har skjedd

Ambulanse vil bli tilkalla av personar på ulykkesstaden, og ambulansepersonell vil gjennomføre ei vurdering og prioritering på bakgrunn av tilstanden til pasienten. Ved behov for sjukehusinnlegging blir pasienten køyrd til akuttmottaket ved lokalsjukehuset.

Utgreiing

Ved framkomst akuttmottaket, blir pasienten undersøkt og stabilisert av sjukepleiarar og legar, der livreddande behandling raskt blir sett i verk og vitale funksjonar blir overvakte. Diagnose blir stilt ved klinisk undersøking og røntgenundersøking av hjernen.

På bakgrunn av CT-biletet, blir det gjort ei rask avgjerd av om det er behov for operasjon, og det blir planlagt ønskt stad for behandling.

Pårørande får kontinuerleg oppfølging og informasjon etter behov under mottak, behandling og rehabilitering.

Behandling

Ulike behandlingar kan vere aktuelle, men mange vil trenge ein operasjon. Det kan til dømes vere fjerning av bløding, drenering av hjernevæske eller trykkmåling i hjernen.

Etter eventuell operativ behandling blir pasienten flytta til seksjon nevrointensiv for vidare behandling og rehabilitering.

Behandlingsteamet rundt pasienten legg ein individuell behandlingsplan, og informerer pasient og pårørande om planen, men ei tidsramme er vanskeleg å føreseie.

Pasienten blir følgd så opp av eit tverrfagleg team på avdelinga. Etter nevrointensiv behandling blir pasienten flytta over til ei intern eller ekstern rehabilitering.  

Oppfølging

Ved ein alvorleg traumatisk hjerneskade er det ofte behov for langvarig og gjenteken rehabilitering for å meistre utfordringane i dagleglivet.

 

Kompleks rehabilitering startar allereie på intensivavdelinga. I akuttfasen blir det lagd vekt på medisinske problem og rehabiliteringa blir tilpassa den medisinske tilstanden til pasienten. Rehabilitering etter akuttfasen blir retta mot kontrollert stimulering av ulike sansar, orientering av pasienten mot seg sjølv og omgivnader, tiltak for å halde oppe rørsle og auke tida pasienten er vaken.

Tverrfagleg team med spesialkompetanse innanfor nevrorehabilitering kartlegg funksjonssvikt og tilpassar behandling av sensoriske, motoriske og kognitive utfall. Pasientar med hjernebløding, traumatisk hovudskade etter fallulykker, trafikkulykker og vald, hjernesjukdommar får den typen rehabilitering.

Tverrfagleg team har ansvar for å vurdere ressursane og problemområda til pasienten. Ut frå desse vurderingane og i samarbeid med pasient sjølv og/eller pårørande blir det utarbeidd individuell rehabiliteringsplan. Tverrfagleg team består av lege, ergoterapeut, fysioterapeut, pleiepersonell, nevropsykolog, logoped og sosionom. Ved behov kan andre spesialistar kallast inn.

Kontrollar blir tilpassa individuelt, og dei fleste vil bli tilbodne oppfølging på nevrokirurgisk poliklinikk og ved avdeling for fysikalsk medisin og rehabilitering. Barn blir tilviste til barne- og ungdomshabilitering.

Ved behov kan fastlege kontakte nevrokirurg.

Samhandling mellom kommunehelsetenesta og spesialisthelsetenesta er viktig for å avklare kva tenester som blir varetekne på kva for ein stad.

Ved akutte problemstillingar må de kontakte legevakta eller ringje medisinsk nødnummer 113.

 

Kontakt

Haugesund sjukehus Akuttmottak

Kontakt Akuttmottak

Oppmøtestad

Felles akuttmottak ligg i underetasjen til Haugesund sjukehus, i nybygget mot sørvest.

Blir du transportert med ambulanse eller av portør vil du automatisk bli registrert hos akuttmottaket. 

Viss du kjem sjølv, må du gå inn hovudinngangen til Haugesund sjukehus. Deretter går du forbi Narvesen-kiosken og innover gangen i nybygget. Du kan ta heis eller trapp ned til underetasjen. Du må registrere deg i ekspedisjonsluka før du kan kome inn til venteområdet til akuttmottaket.  

Hovudinngangen til Haugesund sjukehus er alltid open. 

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Opningstider for ekspedisjon

  • I dag 08:00 - 22:00
  • Måndag 08:00 - 22:00
  • Tysdag 08:00 - 22:00
  • Onsdag 08:00 - 22:00
  • Torsdag 08:00 - 22:00
  • Fredag 08:00 - 22:00
  • Laurdag 08:00 - 22:00
  • Søndag 08:00 - 22:00

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.