We recommend that you upgrade to the latest version of your browser.

Rehabilitering og fysikalsk medisin

Vi har diagnostisering og behandling av skadar og sjukdommar som har ført til funksjonsnedsetting. Døme på dette kan vere hjerneslag, sjukdommar i nervesystemet og muskel- og skjelettplager.

Vi held til ved Stord sjukehus, men behandlingstilboda dekker pasientbehov i heile Helse Fonna. I tillegg har vi terapeuttenester for pasientar ved sengepostane ved Stord sjukehus.

Fastlegar og sjukehuslegar kan tilvise pasientar til alle tilboda våre. Elektronisk tilvising, adresse: Interntilvisingar i DIPS.

Alle tilvisingar både til spesialisert rehabiliteringdøgnpost, rehabiliterings- og fysikalsk medisinsk poliklinikk vert vurdert av  legespesialistar i fysikalsk medisin og rehabilitering.

Vurderingane er i tråd med Prioriteringsveilederen fysikalsk medisin og rehabilitering.

Dette tilbodet er for deg som treng vurdering og, eller oppfølging av samansette funksjonsnedsettingar. Mennesker som kan ha nytte av ei slik vurdering, har oftast sjukdom eller skade i hjernen, sjukdomar i nervesystemet eller multitraume.

På poliklinikken følger fagteam òg opp nokre pasientar som har vore innlagd til spesialisert rehabilitering. Dette gjeld særleg mennesker som  har kognitive vanskar, som treng førarkortvurderingar eller har utfordringar i høve spastisitet.

Ved vår rehabiliteringsdøgnpost har vi ni plassar og tilbodet er ope 365 dagar i året.

Vi har legespesialistar, sjukepleiarar, helsefagarbeidarar, fysioterapeutar, ergoterapeutar, sosionom, logoped og nevropsykolog. Vi dannar eit breitt samansatt team med høg fagleg kompetanse for å kartlegga pasienten sitt funksjonsnivå, starta målretta rehabilitering, og driva veiledning til  primærhelsetenesta i det vidare rehabiliteringsløpet.

Spesialisert rehabilitering i sjukehus gjeld pasientar som ved sjukdom eller skade får store funksjonsnedsettingar som har behov for spesialisert kunnskap, tverrfaglege, intensive og koordinerte tiltak.

Rehabilitering er effektivt ved å fremma pasienten si funksjonsbetring og eit sjølvstendig liv; helse, meistring og livskvalitet. Dei fleste pasientane bør få rehabiliteringstilbod i kommunen der dei bur.

Ergoterapi

Ergoterapi er aktuelt når pasient  har sjukdom eller skade som hemmer pasienten i å utføra aktivitetar i dagleglivet (ADL). Ergoterapeutane kartlegg pasienten sine aktivitetsvanskar, og set i gang trening og eller kompenserande tiltak  for å styrka pasienten si eiga meistring av viktige aktivitesområder.

Fysioterapi

Fysioterapi på sjukehuset retter seg mot pasientar som følge av sjukdom eller skade, har  ulike bevegelsesvanskar. Fysioterapeutane kartlegg og behandler  pasientar innlagd ved alle sengeposter; -kirurgisk, medisinske og rehabilitering,  i Klinikk Somatikk Stord. Fysioterapeutane nytter metoder som stimulerer pasient til størst mogeleg grad av eigentrening og meistring.

Hjelpepleiar

Hjelpepleiar som er knytt til terapeuttenestane har i samarbeid med terapeutar ansvar for oppfølging av treningsprogram og trygger pasient i mengdetrening.

Logopedi

Logopedi er aktuelt dersom pasient har sjukdom eller skade på hjernen sine språksenter, taleorgan og, eller tygge- og svelgvanskar. Logopeden på sjukehuset kartlegg og trenar særleg hjernslagpasientar ved akutt slageining og ved rehabiliteringsdøgnposten.

Sosionom

​​​​​​​​​​​​Sjukdom kan føre med seg både praktiske, økonomiske og personlege problemer det kan vere vanskeleg å handtere. Når nokon i familien blir sjuk, kan heile familien sin situasjon bli endra. Vi i sosionomtenesta tilbyr hjelp med å finne aktuelle løysingar.

Rehabiliteringsdøgnposten er i tredje etasje i hovudbygget til Stord sjukehus.
Fysikalsk medisinsk og rehabiliteringspoliklinikk held til i første etasje i gamle administrasjonsbygning (kvit trebygning).

Terapeuttenestane nytter trenings- og behandlingslokaler i første etasje i den kvite murbygningen til høgre for sjukehuset sin hovudinngang. Her finn du òg basseng.

Både inneliggande og polikliniske pasientar kan ha effekt av varmtvassbehandling.
Naturen og nærområdet rundt sjukehuset er viktige treningsarenaer for ein del pasientar.

Dette behandlingstilbodet er retta mot deg som har muskel- og skjelettplager, og som er motivert for eit aktivt behandlingsopplegg.

Legespesialist og fysioterapeut vil undersøka, stilla diagnose,  behandla, og vidare gje råd og rettleiing til behandling. Dersom du har nytte av det,  har me behandlingsprogram som vert utarbeida av lege og fysioterapeut.

I vårt tilbod “Trygg Rygg” vil du få individuell oppfølging hos fysioterapeut med fokus på råd og vegleiing for å kome tilbake til normal aktivitet. Ryggplager går som oftast over av seg sjølv, men kan enkelte gonger bli langvarige. Hos oss vil du få meir kunnskap om ryggen, og saman kan me jobbe med å finne gode tiltak som passar for deg.

Vi har tilbod for

  • Ryggplager
  • Skulderplager
  • Laterale hoftesmerter
  • Fremre knesmerter
  • Laterale albogesmerter
  • Achillesplager
  • Plantare hælsmerter
  • Helse i arbeid

Helsepersonell som ønsker å hospitera på døgnposten og eller poliklinikken vår kan ta kontakt med oss.

Avdelingsleiar Marianne Hollund Espeland

  • Telefon: 952 34 329
  • E-post: marianne.hollund.espeland@helse-fonna.no

Avdelingsoverlege Ole Marius Ekeberg

  • Telefon: 53 49 10 00 (sentralbord)
  • E-post: ole.marius.ekeberg@helse-fonna.no

Helse og arbeid

Helse og arbeid er for vaksne med plager frå muskel- og skjelettsystemet som er delvis eller fullt sjukemeldte i inntil 9 månader. Tilbodet er tilpassa pasientar der det vil være anbefalt ikkje-operative tiltak og egner seg ikkje for pasientar med mistanke om revmatisk sjukdom.

Tilbodet er eit samarbeid mellom fysikalsk medisinsk poliklinikk i Helse Fonna og NAV.

Helse og arbeid
A person holding a toothbrush

Kontakt

Telefon

Døgnopent sentralbord

53 49 10 00

Døgnopen vakttelefon

53 49 10 54

Poliklinikk

53 49 07 71
  • Måndag 8:00 AM - 3:00 PM
  • Tysdag 8:00 AM - 3:00 PM
  • Onsdag 8:00 AM - 3:00 PM
  • Torsdag 8:00 AM - 3:00 PM
  • Fredag 8:00 AM - 3:00 PM
  • Laurdag STENGT
  • Søndag STENGT

Postadresse

Helse Fonna HF
Postboks 2179
5504 Haugesund

Slik finn du fram

Oppmøtestad

Rehabiliteringsdøgnposten er i 3.etasje i hovudbygget til Stord sjukehus.
Fysikalsk medisinsk og rehabiliteringspoliklinikk held til i 1.etasje i gamle administrasjonsbygning (kvit trebygning).

Terapeuttenestane nytter trenings- og behandlingslokaler i 1.etasje i den kvite murbygningen til høgre for sjukehuset sin hovudinngang. Her finn du òg basseng.

Sjølvbetent innsjekk og betaling - Helse Fonna HF

Avbestilling av time/om du ikkje møter - Helse Fonna HF

A building with trees and cars in front of it

Stord sjukehus

Tysevegen 64, 5416 Stord

Praktisk informasjon

Måndag-sundag: 17.00-18.30

Det er eigne besøkstider og reglar for føde og barsel.

Oppdatert informasjon finn du på sida om besøkstider

Eigendel

Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.

Eigendelar for helsetenester - Helsenorge

Frikort

Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.

Frikort for helsetjenester - Helsenorge

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Publikumskantine finn du i underetasjen.

Opningstider:

Måndag-fredag kl. 11.00-14.00. Det er stengt i helger og på heilagdagar.

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

​Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift, sjå oppslag ved parkeringsautomat.

Det er mogleg å køyre heilt fram til hovudinngangen for å sleppe av passasjerar ved behov.

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.

Helse og arbeid

Helse og arbeid er for vaksne med plager frå muskel- og skjelettsystemet som er delvis eller fullt sjukemeldte i inntil 9 månader. Tilbodet er tilpassa pasientar der det vil være anbefalt ikkje-operative tiltak og egner seg ikkje for pasientar med mistanke om revmatisk sjukdom.

Tilbodet er eit samarbeid mellom fysikalsk medisinsk poliklinikk i Helse Fonna og NAV.

Helse og arbeid
A person holding a toothbrush