Hepatose
Svangerskapskløe
Kløe i svangerskapet skjer hyppig og er for det meste ein ufarleg tilstand som ikkje krev oppfølging. Langt sjeldnare (1 prosent) kjem av kløa hepatose. Hepatose er kjenneteikna av forhøga galle- og leverfunksjonsprøvar og kløe utan utslett, spesielt i hender og under fotsolane. Kløa er vanlegvis verst om nettene og førekjem ofte i slutten av svangerskapet.
Tilvising og vurdering
Gravide med kløe på grunn av hepatose skal tilvisast til sjukehus for oppfølging, då forhøgja gallesyrer kan utsetje fosteret for risiko.
Før
I tillegg til kløe i handflater og fotsolar kan symptoma vere trøyttleik, vekttap, smerter i matrøyret, mørk urin og gallestein.
Får du desse symptoma bør du ta kontakt med jordmora di eller fastlege for å ta ein blodprøve.
Symptoma kan oppstå før det gir utslag på blodprøvane. Ved vedvarande og typisk kløe, men normale blodverdiar bør det derfor vurderast å gjenta prøvetakinga. Det er ikkje samanheng mellom kløeintensiteten og gallesyrenivåa.
Symptoma kan forvekslast med gallestein og ved tvil bør du bli tilvist til ultralydundersøking av lever og gallevegar. Symptoma kan også forvekslast med svangerskapsforgifting, akutt feittlever i svangerskapet og virusinfeksjon. Ved tvil blir det tatt utvida blodprøvar.
Under
Ved hepatose får du ofte behandling med K-vitamin, Ursofalk og Polaramintablettar for å lindre kløe, hjelp ved søvnvanskar og til å redusere gallesyrenivået.
Ved høge nivå av gallesyre kan det vere ein auka risiko for uheldige svangerskapsutfall/komplikasjonar mot slutten av svangerskapet. Svangerskapet blir derfor følgt tett og det vil fortløpande bli vurdert om det er behov for å setje i gang fødselen.
Etter
Gravide med hepatose kan ha K-vitaminmangel, som kan medføre auka blødingsfare etter fødselen. Fødselshjelparane vil ha tiltak klare for å førebyggje og behandle slike blødingar.
Gravide som har hatt hepatose har 90 prosent risiko for gjentaking i eit nytt svangerskap.
Etter fødselen sluttar du med medisinar. Vidare oppfølging skjer hos fastlege med kontroll av leverfunksjonar cirka 14 dagar etter fødsel. Du skal også vere forsiktig ved bruk av p-piller som kan utløyse den same tilstanden.
Kontakt
-
Kontakt Føde og barsel, Haugesund
Oppmøtestad
3. etasje i nybygget ved Haugesund sjukehus. Gå gjennom dei doble dørene ved Narvesen og ta heis eller trapp opp til vår avdeling.
Besøkstider og retningslinjer for besøk
- Barnefar: kl. 09.00 - 21.00
- Barnets søsken og besteforeldre: kl. 17.00 - 18.00
Andre besøkande er av omsyn til mor og barn, ikkje tillate i avdelinga.
Haugesund sjukehus
Karmsundgata 120, 5528 Haugesund
Transport
-
Kontakt Føde og barsel, Stord
Oppmøtestad
Dagtid i vekedagar:
Gå inn hovudinngangen ved Stord sjukehus. Avdelinga vår ligg i underetasjen (U1).
Kveldstid etter kl. 19.00, helg og natt:
Vi har eigen inngang til avdelinga som kan brukast når hovudinngangen til sjukehuset er stengt. Gå opp trappa til høgre for det interkommunale legevaktsbygget, og følg gangvegen heilt til døra. Dersom døra er stengt, ringer du på ringeklokka til venstre for døra. Vi kjem og hentar deg.
Besøkstider:
- Barnefar: kl. 09.00 – 21.00
- Søsken og besteforeldre: kl. 17.00 – 18.30
Stord sjukehus
Tysevegen 64, 5416 Stord
Praktisk informasjon