Vi tilrår at du alltid nyttar siste versjon av nettlesaren din.
logo Helse Fonna

MR av galle og bukspyttkjertel (MRCP)

Under ei MR-undersøking ligg du i eit sterkt magnetfelt samtidig som det blir sendt radiofrekvente bølgjer gjennom kroppen. Signala blir mottekne av MR-maskina. Informasjonen av desse signala blir brukte til å framstille digitale bilete. Under ein MRCP må du halde pusten.

Før

Du skal faste (ikkje ete, ikkje drikke) i fire timar i forkant av undersøkinga.

Som ved alle andre MR-undersøkingar skal du ikkje ha metall innoperert eller på deg. Les meir om ei vanleg MR-undersøking:

MR-undersøking

Under

Undersøkinga krev at du ligg roleg og klarer å halde pusten.

Har du klaustrofobi?

Sjølv med litt klaustrofobi klarer dei aller fleste å gjennomføre undersøkinga. Du bør ta kontakt med avdelinga før undersøkinga dersom du trur dette kan bli eit problem for deg. Vi har ulike måtar vi kan hjelpe deg på. Dersom du har vondt for å liggje og/eller treng hjelp til å slappe av, må du be fastlegen om smertestillande/avslappande medikament i forkant av undersøkinga.

Etter

Dersom du får injeksjon med legemiddel som skal minske rørsleforstyrringar i mage, tarm eller gallevegar, kan det hende du får litt problem med fokusering av synet i etterkant. Du kan også bli litt svimmel. Dette går over av seg sjølv. Du må ikkje køyre bil før dette har gått helt over.

Ta gjerne med deg matpakke, som du kan ete etter undersøkinga.

Ver merksam

Dersom du skulle få raudt, smertefullt auge eller tåkesyn det første døgnet etter undersøkinga, må du kontakt lege som kan vurdere om du bør få målt trykket på auget.

Kontakt