Vi tilrår at du alltid nyttar siste versjon av nettlesaren din.
logo Helse Fonna

Fosterdiagnostikk

Fosterdiagnostikk inneber å stille ein diagnose på fosteret før det er fødd. Vi kan bruke ultralydundersøkingar, genetiske undersøkingar av celler i fostervatnet eller frå morkaka, og blodprøvar av mor.

Om fosterdiagnostikk

Metodane som blir brukte er delt i ikkje-invasive metodar og invasive metodar. Diagnostikken er regulert av Bioteknologilova.

Sjå filmen:

Rettleiing om fosterdiagnostikk og NIPT (ikkje-invasiv prenatal test)

Tilvising og vurdering

For å få utført fosterdiagnostiske prøver og undersøkingar ved eit fosterdiagnostisk senter, må det liggje føre ein medisinsk indikasjon.

Dersom fosterdiagnostikk er aktuelt, bør det tidlegast mogleg i svangerskapet sendast ei tilvising frå jordmora eller fastlegen din til næraste avdeling for medisinsk genetikk. Tilvisinga må innehalde informasjon om førebels svangerskapslengd, basert på dato for siste menstruasjon.

Før

Dersom du skal til fostervassprøve eller morkakeprøve (invasiv prøve), er det fint om du tar med deg eit skriftleg prøvesvar på blodtypen din om du har eit notat på dette. Det kan for eksempel vere helsekort frå tidlegare svangerskap eller svar på blodprøven frå dette svangerskapet.

Under

Prøvane og undersøkinga blir utført på fostermedisinsk avdeling av legar og jordmødrer, avhengig av type undersøkingar.

Metodar utan inngrep (ikkje-invasive metodar)

Ikkje-invasive metoder har ingen risiko for mor eller foster. Det er viktig å forstå at desse metodane bare gir ei risikoberekning. Det vil seie at ein negativ test (lav risiko for sjukdom) ikkje gir garanti for at fosteret er friskt. Ein positiv test (auka risiko for sjukdom) krev stadfesting med invasiv diagnostikk.

Tidleg ultralyd med måling av nakkeoppklaring (nakketranslusensmåling): Blir utført mellom svangerskapsveke 11 og 14. Alle fostera har i denne perioden ein liten væskebrem under huda i nakken som kallast for nakketranslusens eller nakkeoppklaring. Har oppklaringa auka, er det større risiko for kromosomforandring, for eksempel Downs syndrom (trisomi 21). Auka nakkeoppklaring kan ein også sjå ved andre tilstandar, som for eksempel hjartefeil, men fosteret kan også vere heilt friskt.

Blodprøvar av mor

NIPT-test (ikkje invasiv prenatal test) er ein blodprøve som kan analysere arvestoffet til fosteret (DNA) for nokre kromosomforandringar. DNA frå fosteret finst i små mengder i mor sitt blod. Testen kan utførast frå svangerskapsveke 10. Alle som skal ha NIPT-test må levere signert samtykke og må også bekrefte at dei har hatt rettleiing om tidleg ultralyd og fosterdiagnostikk.

Metodar med inngrep (invasive metodar)

Kva slags analysar som blir utførte kjem an på årsaka til at du er tilvist, og ein total risikovurdering.

Morkakeprøve

Blir utført etter fullgåtte 11 svangerskapsveker med ultralydrettleia tilgang gjennom mors mage eller skjeden.

Fostervasssprøve

Fostervassprøve blir utført tidlegast etter fullgåtte 15 svangerskapsveker med ultralydrettleidd innstikk gjennom mors mage.

Invasive metodar kan medføre ein viss risiko for spontanabort, for tidleg vassavgang eller for tidleg fødsel.

Svangerskapslengd blir vurdert av legen som tek prøven, basert på målinga av storleiken på fosteret den aktuelle dagen prøva skal takast.

Kliniske studiar

1 klinisk studie er open for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Etter

Ved invasive metodar vil avdelinga for medisinsk genetikk analysere prøvane. Resultata blir formidla av den som bestemte, saman med deg, at invasiv test skulle nyttast, eller av den som utførte testen. Legen som tar prøven informerer deg om korleis resultata blir formidla til deg, din lege eller jordmor.

Kontakt

  • Kontakt Føde og barsel, Haugesund

    Oppmøtestad

    3. etasje i nybygget ved Haugesund sjukehus. Gå gjennom dei doble dørene ved Narvesen og ta heis eller trapp opp til vår avdeling.

    Besøkstider og retningslinjer for besøk

    • Barnefar: kl. 09.00 - 21.00
    • Barnets søsken og besteforeldre: kl. 17.00 - 18.00

    Andre besøkande er av omsyn til mor og barn, ikkje tillate i avdelinga.

    En høy vinkel av en bygning

    Haugesund sjukehus

    Karmsundgata 120, 5528 Haugesund

    Finn fram

    Transport

    Apoteket ligg i første etasje, like bak resepsjonen.

    Opningstider:

    Måndag-fredag kl. 08.00-16.30.

    ​Kantina i  6.etasje er open for tilsette, pasientar og besøkande.

    Opningstider:
    Måndag - fredag kl. 09.30-15.30. Stengt helger og heilagdagar.

    Pasientkantine i 4-og 5.etasje er kun open for pasientar.

    Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

    Det ligg ein Narvesen kiosk i 1.etasje

    Opningstider:
    Måndag - fredag kl. 06.30-21.00
    Laurdag: 9.00-20.00
    Søndag: 10.00-20.00 




    Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

    Parkeringshuset har tre ladeuttak.

    Reserverte parkeringsplassar

    Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

    Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

    Parkeringsavgift

    Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

    Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

     

    Det er fleire busstopp like ved og i nærleiken av Haugesund sjukehus.

    www.kystbussen.no - Ruteinformasjon for Kystbussen (Bergen-Stord-Haugesund-Stavanger)

    www.kolumbus.no - Ruteinformasjon om lokalbussar i Rogaland

    Slik gjer du:

    1. Vel nettverket gjest.ihelse.net på din PC, mobil eller nettbrett
    2. Opne nettlesaren og godta vilkår for bruk 

    Bruk av trådlaust nett er gratis.
     
    Innlogging er krav til sikkerheit i sjukehusnettverket og er same type løysing som er på flyplassar og​ hotell.

    God surfing.

  • Kontakt Føde og barsel, Stord

    Oppmøtestad

    Dagtid i vekedagar:

    Gå inn hovudinngangen ved Stord sjukehus. Avdelinga vår ligg i underetasjen (U1).

    Kveldstid etter kl. 19.00, helg og natt:

    Vi har eigen inngang til avdelinga som kan brukast når hovudinngangen til sjukehuset er stengt. Gå opp trappa til høgre for det interkommunale legevaktsbygget, og følg gangvegen heilt til døra. Dersom døra er stengt, ringer du på ringeklokka til venstre for døra. Vi kjem og hentar deg.

    Besøkstider:

    • Barnefar: kl. 09.00 – 21.00
    • Søsken og besteforeldre: kl. 17.00 – 18.30
    En bygning med trær og biler foran seg

    Stord sjukehus

    Tysevegen 64, 5416 Stord

    Finn fram

    Praktisk informasjon

    ​Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift, sjå oppslag ved parkeringsautomat.

    Det er mogleg å køyre heilt fram til hovudinngangen for å sleppe av passasjerar ved behov.

    Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

    ​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

    OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.

    Slik gjer du:

    1. Vel nettverket gjest.ihelse.net på din PC, mobil eller nettbrett
    2. Opne nettlesaren og godta vilkår for bruk 

    Bruk av trådlaust nett er gratis.
     
    Innlogging er krav til sikkerheit i sjukehusnettverket og er same type løysing som er på flyplassar og​ hotell.

    God surfing.