Haugaland DPS

Akutt Ambulant Team (AAT) AAT er eit tilbod til vaksne personar på Haugalandet.

Tilbodet gjeld for personar som er i ein psykisk krisesituasjon der vanlege meistringsstrategiar i familien eller nettverket ikkje strekk til.

Tilstandar som kan vere aktuelle for tilvising er:

• mistanke om psykoseutvikling
• forverring/utvikling av alvorleg affektiv liding
• mistanke om akutt forhøgde sjølvmordsfare
• andre alvorlege kriser som ikkje kan handterast i primærhelsetenesta

AAT vurderer behovet for akuttinnlegging ved DPS eller Akuttpsykiatrisk post.

Opningstider

AAT er opent kl. 08:00 - 23:00. 

Om natta blir akuttpsykiatriske førespurnader tatt imot av forvakt ved Klinikk for psykisk helsevern og rus. Tilvisande instansar treng derfor berre å ta omsyn til eitt vakttelefonnummer.

Kven kan tilvise?

• Fastlege/legevakt
• Kommunehelsetjeneste
• Voldtektsmottak ved Haugesund sjukehus
• Politiet

Poliklinikken utgreier og behandlar personer over 18 år med moderate til alvorlege psykisk lidingar. Dei må vere tilvist frå lege/psykolog.

Eit tilbod ved poliklinikken avheng av:

• kor omfattande lidingen er
• funksjonsfallet personen har hatt
• om ein forventar nytte av behandlinga

Allmennpsykiatrisk poliklinikk har og ansvar for Felles tilvisingsmottak som vurderar tilvisingar til avtalespesialistar.

Behandlingstilbod

• Individual samtalar
• behandlare med kompetanse på kognitiv atferdsterapi
• emosjonsfokusert terapi
• psykodynamisk terapi
• Medikamentell behandling
• Grupper: Dialektisk atferdsterapi (DBT), 4-dagersbehandling (B4DT) for sosialangst
• Kurs: Psykoedukative grupper for Bipolar lidelse («Bipolarskolen») og ADHD («Pegasus»)
• IPS – individuell jobbstøtte

Vi samarbeidar med

• Fastlege
• NAV
• Primærhelseteneste

Tilnærminga og filosofien vår

I psykosepoliklinikken legg vi vekt på tryggleik, forståing og meistring. Vi ønskjer å tilby oppfølging ut frå behova dine. I psykosepoliklinikken får du hjelp til å forstå og handtere dei vanskane du har.

Kva er psykose?

Psykose er ikkje éi bestemd liding eller sjukdom, men eit teikn eller symptom som kan kallast ein forvirringstilstand. Det finst fleire typar behandling. Dei fleste som får behandling blir betre, og nokon blir heilt friske. Du kan lese meir om psykose på Psykose - Helsenorge

Behandlingstilbod

I psykosepoliklinikken har vi ulike tilbod og tilnærmingar. Dette kan til dømes vere:

• Utgreiing og diagnostisering – grundig gjennomgang av plagene dine og din situasjon.
• Individuell samtaleterapi. Ein-til-ein samtalar med behandlaren din.
• Gruppeterapi – deltaking i gruppe saman med andre med liknande erfaringar.
  • Turgruppe. Organisering av vekefaste turar i nærområdet.
  • IMR (Illness Management and Recovery). I IMR-gruppa får du praktiske verktøy til å forstå og handtere sjukdommen din, samtidig som du jobbar mot personlege mål.
  • Familiegrupper. Pasient og pårørande får samtalar saman.
• Musikkterapi. Musikkterapi lèt deg uttrykkje deg gjennom musikk.
• Psykoedukasjon. Informasjon om symptom og meistring for deg og pårørande dine.
• Oppfølging av pårørande. Støtte og råd til familie og pårørande.

Andre tenester

FACT-team (Flexible Assertive Community Treatment)

FACT-teamet gir fleksibel støtte, som kan inkludere heimebesøk og følgje opp behandlingsplanen i nærmiljøet ditt. Dette gir tryggleik og kontinuitet i behandlinga.

ACT-team (Assertive Community Treatment)

ACT-teamet hjelper personar med langvarige psykiske utfordringar. Teamet jobbar tett med deg i kvardagen, og gir støtte der du er.

I poliklinikken tilbyr vi tverrfagleg spesialisert rusbehandling (TSB).

TSB er nemninga på rus- og avhengigheitsbehandling på spesialistnivå kor behandlinga er eit samarbeid mellom pasient og medarbeidarar med medisinsk, psykologisk og sosialfagleg kompetanse.

Overordna er målet å gi pasienten hjelp til å meistre livet utan rusmiddel.

For å setje realistiske mål/delmål ser vi blant anna på:

• Rusdebut
• Varighet
• Rusmiddel
• Psykisk og fysisk helsetilstand
• Relasjoner
• Utdanning/arbeid
• Økonomi

Vi samarbeider med:

• LAR poliklinikk/utdeling
• Kommune
• NAV
• Fastlege
• Pårørande
• Rusbehandlingsinstitusjonar

Tilvising

For å få utgreiing og/eller behandling for rus- og avhengigheitsproblem i TSB må ein tilvisast frå lege, psykolog, sosialtenesta eller anna helsepersonell som har rett til å tilvisa til TSB.

Når spesialistheilsetenesta får tilvisinga blir rett vurdert til helsehjelp i TSB basert på prioriteringsrettleiaren frå Helsedirektoratet: Tverrfaglig spesialisert rusbehandling (TSB) - Helsedirektoratet

Legemiddelassistert rehabilitering (LAR) er eit behandlingstilbod innan Tverrfaglig Spesialisert Rusbehandling (TSB).

Formålet med LAR er at personar med opioidavhengnad skal få best mogleg helse, auka livskvalitet og bistand til å endre livssituasjonen sin – og dessutan redusere skadane og faren for overdosedødsfall.

LAR Haugesund er organisert som ein poliklinikk der substitusjonsbehandling inngår som eit deltiltak i eit heilskapleg rehabiliteringsforløp.

Tilvising

Viss du har ein avhengnad til opioid (medisinske preparat eller rusmiddel) og ønskjer behandling for dette kan du be lege, psykolog, sosialtenesta eller anna helsepersonell om å tilvise deg til Vurderingseininga i TSB poliklinikken. 

Tilvisinga bør innehalde dokumentasjon på opioidavhengnad, eventuelt tidlegare behandling, og anna relevant informasjon, slik at Vurderingseininga skal kunne vurdere tilvisinga på best mogleg måte.

Nyttige lenker

• Forskrift om legemiddelassistert rehabilitering (LAR-forskriften) - Lovdata
• Legemiddelassistert rehabilitering (LAR) ved opioidavhengighet - nasjonal faglig retningslinje - Helsebiblioteket
• Gravide i legemiddelassistert rehabilitering (LAR) - Helsedirektoratet

Avdelinga gir tilbod til menneske med stemningslidingar, alvorlege depresjonar og angstproblematikk.

Alle pasientar får tildelt ein pasientansvarleg lege/psykolog og ei pasientansvarleg primærgruppe.

Behandlingstilbod

• Tidleg identifisering, utgreiing og diagnostisering
• Medikamentell behandling
• Individuell samtaleterapi
• Miljøterapi
• Miljøterapeutiske grupper
• Fokus på meistring, sosial fungering og kunnskap om eigen sjukdom og symptom
• Nettverksarbeid og bidrag til individuell plan
• Pårørandearbeid med spesielt fokus på barn og mindreårige pårørande

Avdelinga gir tilbod hovudsakleg til menneske med alvorleg psykisk lidning som psykose, schizofreni og rus/psykiatri.

Alle pasientar får tildelt ein pasientansvarleg lege/psykolog og pasientansvarleg sjukepleiar/miljøterapeut.

Behandlingstilbod

• Tidleg identifisering, utgreiing og diagnostisering
• Medikamentell behandling
• Individuell samtaleterapi
• Miljøterapi med fokus på meistring, sosial fungering og kunnskap om eigen sjukdom og symptom
• Miljøterapeutiske grupper
• Nettverksarbeid og bidrag til individuell plan
• Pårørandearbeid individuelt og i grupper med spesielt fokus på barn

Vi tilbyr tverrfagleg spesialisert rusbehandling (TSB) til unge vaksne i alderen 18-26 år.

Mål for behandlinga:

• Eit rusfritt liv
• Bedra fysisk og psykisk helse
• Auka sosial kompetanse
• Eit trygt nettverk
• Generell meistring av kvardagen

Behandlingstilbod

• Strukturert kvardag
• Miljøterapi
• Individuell samtaleterapi
• Grupper
• Fysisk aktivitet (med tilgang til svømmehall, idrettshall og treningssenter)

Tilvising 

Vi tar ikkje imot primærtilvisingar, berre sekundærtilvisingar på pasientar som er i poliklinisk behandling innanfor TSB.

Som tilvisar i spesialisthelsetenesta kan du ta direkte kontakt med oss på telefon for meir informasjon om behandling og plasskapasitet/ventetid. Vi vil også rettleie deg vidare i tilvisingsprosessen.

Innlegging på posten skjer på initiativ frå pasienten sjølv, som ein del av ei pågåande poliklinisk behandling i spesialisthelsetenesta. For å bruke dette tilbodet må ein ha eigen avtale.

Eit opphald kan vare i opptil 5 dagar. Er det fullt når ein ønskjer innlegging, blir ein satt på ei venteliste og kontakta når posten har ledig kapasitet.

Pasienten har best erfaring med eiga liding, og kjenner når ei forverring er på veg.

Innhaldet i behandlinga blir regulert av pasienten sjølv, men ro, kvile og innhenting av døgnrytme er ofte ein viktig del av opphaldet.

​I Helse Fonna nyttar vi eit system som heiter Checkware, ein digital løysing der pasientar sjølv kan registrere data sjukehuset treng, før, under, eller etter eit behandlingsforløp.

Sjå Checkware - Helse Fonna HF