Serviceerklæring

Pasientreiser forvalter rettane dine etter pasient- og brukarrettslova og pasientreiseforskriften.

Har du reist til eller frå behandling som blir dekka av det offentlige, kan du ha rett til å få stønad til reiseutgifta dine. Hovudregelen er at du ordner reisa din på eigen hand, og søker i etterkant. Du kan søke inntil seks månadar etter at reisa blei gjennomført.

Dersom du av helsemessige eller trafikale årsaker ikkje kan reise med offentleg transport, kjøyre sjølv eller bli kjørt, kan du ha rett på ei rekvirert pasientreise. Behandlaren din avgjer om du har behov for rekvirert reise av helsemessige årsaker. Er det trafikale årsaker til at du treng rekvirert transport på heile eller deler av reisa, skal reisa bli rekvirert av Pasientreiser.

Viss du ikkje har frikort, må du betale ein eigenandel kvar veg. Les meir på Eigenandel og frikort - Helse Fonna HF 

Du kan lese meir om transportmidlar og kva du kan få stønad til, kost og overnatting, reiseledsaker, eigenandeler og satsar, og rekvirerte pasientreiser på Om pasientreiser - Helsenorge

Vil du lese om organisering av pasientreiseordninga, sjå Pasientreiseordningen - Pasientreiser HF

Vi gjer vårt beste for at søknadar om stønad til reiseutgifter skal bli behandla så raskt og effektivt som mogleg. Saksbehandlingstida kan variere ut frå kva du søker om å få dekka.

Pasientreiser har som mål å ha ein gjennomsnittleg saksbehandlingstid på under 12 dagar. Men søknader med vedlegg, som må behandlast manuelt, kan ha noko lengre saksbehandlingstid enn saker som blir behandla heilt eller delvis automatisk.

Saksbehandlingstider for pasientreiser - Helsenorge 

Vi ønskjer at du skal vere nøgd med servicen du får når du ringer Pasientreiser på telefon 05515.

I det legg vi at

• du opplever å bli møtt på en hyggeleg og god måte
• du får svar på, eller informasjon om, det du lurte på, eller tilvisast til rette instans
• du opplever lik service, uavhengig av kven du pratar med
• køar og tasteval er enkle å navigere i 

I tillegg har vi som mål at vi svarar på samtalen din  innan 90 sekundar.

Sjå oversikt over servicemål og opplevd service på telefon 05515

Vi har som mål at du skal ha ei god oppleving av reisa. Viss du har spesielle behov på reisa, er det viktig at behandlaren din spesifiserer dette når reisa blir rekvirert. Reisa skal vere tilrettelagt etter den informasjonen som er lagt inn av behandlaren din, slik at reisa gir minst mogleg unødig belasting for deg.

For å gi deg best mogleg informasjon og føreseielegheit , er vi avhengig av at reisa di blir rekvirert så tidleg som mogleg. 

Rekvirert pasientreise for tilrettelagt transport - Helsenorge

Informasjon om den rekvirerte reisa di

Når du har ei rekvirert reise, skal du få nødvendig informasjon om reisa di i god tid før gjennomføring av reisa. Det inneber at

• verkedagen før reisa skal gjennomførast, skal du få ein SMS frå Pasientreiser med berekna hentetidspunkt
• viss hentetidspunktet blir endra med meir enn 15 minuttar, skal du få beskjed av Pasientreiser

Informasjonen blir sendt til det telefonnummeret som er registrert i rekvisisjonen. Som pasient kan du også finne informasjon om reisa di ved å logge deg inn på helsenorge.no.

Viss du har spørsmål om ei rekvirert pasientreise, kan du ta kontakt med Pasientreiser på telefon 05515.

Henting og levering

Vi ønskjer å skape føreseielegheit og tryggheit for deg som skal reise med rekvirert transport. Derfor har vi som mål at du som skal ha ei rekvirert reise, blir henta til den tiden du har fått opplyst.

Viss du skal reise med drosje, kan du bli henta inntil 15 minuttar før eller etter hentetidspunktet du har fått oppgitt.

Du skal komme frem i tide til behandlinga di.

Ventetid ved behandlingsstaden

Kor lenge du må vente ved behandlingsstaden, kan variere ut frå kor du bur, kor langt du skal reise og om du skal reise saman med andre pasientar.

Når du har behov for ei rekvirert reise av helsemessige årsaker, jobbar Pasientreiser for at ventetida skal bli kortast mogleg, men

• du kan rekne med å vente inntil 45 minuttar
• viss reisa di varer over 45 minuttar, bør ikkje ventetida overstige reisetida di
• viss reisa di varer over to timar, bør ikkje ventetida overstige tre timar 

Viss du skal reise med transport som går til faste avgangstider, for eksempel Helseekspress, sjukehusbuss eller fly, kan ventetida vere lengre, fordi det i mindre grad er mogleg for Pasientreiser å tilpasse avreisetidspunktet.

Ventetida kan også vere lengre viss du har ei reise som er rekvirert på trafikalt grunnlag.

Du kan sjå ei oversikt over servicemål og opplevd service for rekvirerte reiser her (ekstern lenke)

Dersom du ønsker å klage på ei rekvirert reise, ber vi deg ta kontakt med pasientreisekontoret ditt. 

Dersom du ønsker å klage på eit vedtak om dekning av reiseutgifter, skal klagen sendast til Pasientreiser HF. 

Les meir om klager 

Tilbakemeldingar frå brukarane våre er viktige for oss, og vi vil gjerne høyre ifrå deg. 

Ta kontakt med oss