For pasientar

Du kan kontakte oss på:

Telefon 05515

Våre telefontider er måndag-fredag kl. 07.30-16.00.  

E-post pasientreiser@helse-fonna.no  

NB! Ikkje send sensitive opplysningar som f.eks. innkallingsbrev, pr e-post. Benytt deg då av e-Dialog.

Benytt eDialog for sikker sending av e-post via ID-porten

Les korleis du går fram ved bruk av e-Dialog for sikker sending av e-post til Helse Fonna 

Postadresse

Helse Fonna HF
Pasientreiser
Postboks 2170
5504 Haugesund

Om du ikkje kan reise med offentleg transport, køyre sjølv eller bli køyrt, anten av helsemessige eller trafikale årsaker, kan du ha rett på rekvisisjon til tilrettelagt transport.

Å reise med rekvisisjon betyr at du får tilrettelagt transport av helseføretaket, og transporten blir organisert av Pasientreiser. Du betaler kun ein eigendel kvar veg,  dersom du ikkje har fritaksgrunn eller frikort. 

Du kan ha rett på rekvirert transport for heile eller deler av reisa.​

• ​Det er behandlaren din som avgjer om du har behov for rekvirert reise av helsemessige årsaker og kan rekvirere reise på dette grunnlaget. 
• Det er helseføretaket ved Pasientreiser som hjelper deg ved behov for rekvirert reise av trafikale årsaker.

​Ta kontakt med oss på telefon 05515 om du har spørsmål om ei tilrettelagt pasientreise. 

Helse Fonna gjer avtaler om køyring av pasientreiser i sitt opptaksområde.   

Les meir om rekvirerte pasientreiser på helsenorge.no​​ 

Du kan få stønad til pasientreisa når du reiser til eller frå behandling som blir dekka av det offentlege.

Som regel får du dekka utgifter med eit fast beløp per kilometer, uavhengig av kva for eit transportmiddel du bruker. Du må betale eigendel for reisa om du ikkje har frikort. 

Reisa må vere lenger enn ti kilometer kvar veg, og koste meir enn lokal minstetakst med offentleg transport. ​For reiser over 300 kilometer får du dekka utgifter tilsvarande billigaste offentlege transport på strekninga, i staden for standardsats per kilometer.

Du må søke om å få dekka utgifter i etterkant av reisa.

Du kan søke digitalt eller på papir.

• Les meir om pasientreiser og korleis du søker på helsenorge.no/pasientreiser
• Dine rettar ved pasientreiser - informasjon på helsenorge.no​ 

Ved å logge deg inn på helsenorge.no, finn du oversikt over, og informasjon om, framtidige rekvirerte pasientreiser. Du kan også endre, bekrefte og avbestille enkelte reiser digitalt.

Dersom du ikkje kan eller ønsker å bruke den digitale tenesta kan du kontakte Pasientreiser på telefon 05515, så vil vi hjelpe deg. 

Les meir om korleis du logger deg på og administrerer dine reiser på helsenorge​

Helse Fonna har eigen Helseekspress, ein ekspressbuss som er i trafikk måndag til fredag på strekninga frå Haugesund sjukehus til Bergen, og med retur same dag.

Helseekspressen - Helse Fonna HF

Viss du må nytta fly på reisa til behandling, må du ringe oss på telefon 05515, så snart du har motteke innkallingsbrevet ditt.

Pasientreiser bestiller flybillettar for deg når dette er nødvendig i samband med reise til eller frå behandling. Har du spørsmål om planlegging og gjennomføring av reise med fly, kontakt oss på telefon 05515.

Dersom du bestiller og betaler ei flyreise på eiga hand, kan du søke om å få reisa dekka etter at reisa er gjennomført. For reiser under 300 kilometer kvar veg vil reisa bli dekka med standard sats per kilometer. For reiser som er på meir enn 300 kilometer kvar veg får du dekka utgifter tilsvarande billigaste offentlege transportmiddel på strekninga.

Då ønsker vi at du melder i frå til oss.

Du kan sende ei tilbakemelding til vår postadresse eller på e-post via e-dialog (for sikker sending av e-post via ID-porten)​. Merk sendinga med "pasientreiser".

Les korleis du går fram ved bruk av e-Dialog​.​

Dersom noko skulle oppstå i forkant eller under reisa ønsker vi at du kontaktar oss så fort som mogleg på telefon ​05515 .

Les meir om rekvirerte pasientreiser på helsenorge.no

Serviceerklæring - Kva kan du forvente i møte med Pasientreiser?​

Pasientreiser handterer reisebestillingar og koordinerer tilrettelagte reiser for pasientar og følgje.

Vi gir informasjon og rettleier i tråd med Pasient- og brukerrettighetsloven om dekking av utgifter til pasientreiser.

Vi følgjer også opp avtalar med transportørar om køyring av pasientreiser i Helse Fonna.