Bemanningssenteret

Bemanningssenteret er Helse Fonna sitt interne vikarbyrå. Ved kortare og lengre fråver skal vi sikre kompetanse til avdelingar innan psykiatri og somatikk. Dette er arbeidsplassen for deg som er sjukepleiar eller spesialsjukepleiar og som ønskjer høg grad av fagleg utvikling og likar varierte utfordringar. Du er tilpassingsdyktig og ønskjer fast jobb med tilbod om 100 prosent stilling.

Hos oss får du ein unik moglegheit til å bli kjent med mange postar. Du vil få god opplæring på kvar enkelt post. I Bemanningssenteret får du vere med og utarbeide din eigen arbeidsplan. Vi har eigne fagdagar, og du kan delta på opplæringskurs som postane arrangerer.

Tilbakemeldinga frå våre sjukepleiarar er at vi gir dei god ballast og ein unik moglegheit til å bli kjent med mange fagområder og postar.

Ring oss gjerne for ein uforpliktande prat, eller sjå om vi har ledige stillingar akkurat no: Alle ledige stillingar

Kontakt

Telefon

52 73 20 78

Slik finn du fram

Haugesund sjukehus

Karmsundgata 120, 5528 Haugesund

Finn fram

Trivs som sjukepleiar i Bemanningssenteret

Ho var skeptisk til jobben i Bemanningssenteret og trudde ho ville angre på å takke ja. No ville ikkje Elise Hereid Rasmussen hatt det annleis. – Eg trivs veldig godt i jobben. No har eg fast heiltidsstilling, jobbar på kjente avdelingar og har tett og god dialog med leiaren min i Bemanningssenteret. Eg får gi innspel til turnusen min og føler eg kan påverke arbeidet mitt i stor grad.

Les meir om korleis det er å jobbe i Bemanningssenteret