TMS (transkraniell magnetisk stimulering)
Dei siste åra har TMS blitt internasjonalt etablert som ei behandlingsform for depresjon, som eit supplerande alternativ til medikasjon, psykoterapi og elektrokonvulsiv terapi. Haugesund sjukehus er eit av få sjukehus i Noreg som tilbyr TMS behandling mot depresjon.
Behandlinga starta opp i januar 2025, og behandlingstilbodet skal gradvis byggjast opp ved at ein skal tilby poliklinisk oppfølging i form av kognitiv åtferdsterapi i tillegg til TMS behandling.
Kva er TMS?
Transkraniell magnetisk stimulering er ein metode for å påverke aktivitet i bestemte hjerneområde utan behov for kirurgi eller medikament som behandling mot depresjon.
Korleis går behandlinga føre seg?
Transkraniell magnetisk stumulering (TMS) er ein elektrisk hjernestimuleringsmetode som blir gjennomført ved at det blir plassert ei magnetiske spole inntil eit område av hovudbotnen som ligg over den hjerneregionen ein vil stimulere. Det gjer det mogleg å påverke eit relativt avgrensa anatomisk område i hjernen, og det fører til ei opp- eller nedregulering i hjerneaktiviteten i det bestemte området.
Det blir sendt kortvarige straumpulsar gjennom spolen, og det blir danna eit magnetisk felt som når hjernebarken uhindra av hud og beinvev. Den magnetiske pulsen som når hjernen utløyser anten depolarisering eller hyperpolarisering av nevronar – avhengig av stimuleringa si elektriske polaritet. På den måten kan aktiviteten i hjerneområdet aukast eller dempast.
Kor lenge varar behandlinga?
I vår poliklinikk er ein i gang med behandling den same vaka som inntakssamtalen føregår, det vil seie at første møte i poliklinikken og første behandling skjer i løpet av første veke. Første time må pasienten rekne med å vere her i ca. 2,5 time. Det vil då bli utført inntakssamtale og somatisk undersøking.
Vidare kjem pasienten til oss for behandling fem dagar i veka i seks veker. I tillegg kan pasienten få kognitiv åtferdsterapi under forløpet. Det vil også bli utført ei evaluering av behandlinga to veker etter at pasienten har mottatt siste behandling.
Sjølve behandlinga tek berre 3 minutt.