Biologiske behandlingsformer (BBF)

Elektrokonvulsiv terapi (ECT)

Vi har i ei årrekkje gitt tilbod om elektrokonvulsiv terapi (ECT). ECT er en trygg, effektiv og godt etablert behandling ved alvorlege depresjonar. ECT brukast også for:

• Fødselsdepresjon
• Katatoni
• Parkinson
• Bipolar liding – depressiv episode

ECT (elektrokonvulsiv behandling eller elektrostimulering) - Helse Fonna HF

Transkraniell magnestisk stimulering (TMS)

I 2025 oppretta vi eit nytt behandlingstilbod, transkraniell magnetisk stimulering (TMS), som er eit tilbod til pasientar med moderat-alvorleg depresjon. I TMS poliklinikk får pasientane tilbod om kognitiv åtferdsterapi i tillegg til TMS behandling. Dersom de allereie er i eit forløp, blir dette avklart med behandlar.

TMS (transkraniell magnetisk stimulering) - Helse Fonna HF

Andre tenester

Vi utfører rustilsyn ved somatiske avdelingar på sjukehuset (fysisk helse), og mottar tilvisingar på innlagde pasientar. Her kartlegg vi tidlegare og aktuell rusmiddelbruk, har oppfølging i kommune- og spesialisthelseteneste, og kan hjelpe med tilvising til spesialisthelsetenesta (TSB – Tverrfagleg spesialisert behandling) – dersom det er behov for dette.

Vi har også ein undervisningsfunksjon internt i helseføretaket på områda alkohol og helseskade, TMS og ECT behandling.

Teamet består i dag av 4 spesialsjukepleiarar og ein overlege. Vi er i utvikling, og poliklinikken held i dag på med implementering av det nyoppretta behandlingstilbodet med TMS.

Sjå viktig informasjon til fastlegar eller tilvisarar (lenke kjem).

Biologiske behandlingsformer har to reserverte parkeringsplassar i Vinjes gate 12 som kan brukast av pasientar.

Reservert parkering for pasientar i TMS-behandling lettar belastninga med å møte dagleg til behandling.

Pasientar kan få utlevert parkeringskort og adgangskort til garasjeanlegget ved oppstart av behandlinga.