Hei, du må oppdatere nettleseren din for å kunne besøke oss.

Akuttpsykiatrisk post Haugesund

Akuttbehandlingstilbodet er for vaksne personar som har behov for augeblikkeleg psykiatrisk hjelp på sjukehuset ved ein lukka sengepost.  I dei fleste tilfella vil pasienten bli tilvist frå fastlege, legevakt eller DPS og AAT til augeblikkeleg hjelp.

Vanlege tilstander

Vi gir kortidsbehandling til personar med psykotiske tilstander, alvorlege affektive lidingar, alvorlege personlegheitforstyrringar, akutt sjølvmordstruande pasientar, og  for personar med samansette tilstandsbilde.

Opptaksområde

Opptaksområdet vårt er kommunane Haugesund, Utsira, Sveio, Karmøy, Bokn, Tysvær, Vindafjord, Sauda og Suldal. Vi samarbeider tett med Haugaland DPS, og andre instansar som er viktig for deg som pasient.

Lukka post

Sjølv om akuttpsykiatrisk post er ein lukka post, ønskjer vi at pasientane våre skal oppleve den som open. Hjelpa vår til deg skal ytast med respekt for din integritet og dine behov. Vi skal ta godt vare på deg i ein særleg sårbar periode.

Tvangstiltak

Akuttpsykiatrisk post ønskjer å gi behandling frivillig så langt det let seg gjere, men nokre gonger må tvang brukast. Alle pasientar som blir innlagde med tvang eller utsette for tvangstiltak, får tilbod om samtale og kan klage til Kontrollkommisjonen.

Varigheit

Opphaldet ved Akuttposten er normalt av kort varigheit, men det varierer ut frå tilstanden til pasienten. I løpet av opphaldet vil behandlar saman med pasienten planlegge vidare forløp, som kan vere overføring til kommunehelsetenesta, DPS døgnpost, poliklinisk oppfølging eller overføring til langtidspost.

Familiesamtale

Mange som er foreldre/føresette, og som har ei psykisk liding eller eit rusproblem, er bekymra for borna sine. Alle  vaksne pasientar  hos oss skal difor gjennomgå barnekartlegging og det gis tilbod om familiesamtale – om og med born. Vi har utpekte barneansvarlege hos oss.

Besøk

Visittid hos oss er kl. 17.00-18.30 alle dager.

Kontakt oss

Telefon til funksjonsleiar: 53 73 27 51 

Telefon til akuttpsykiatrisk post: 52 73 27 50

Sist oppdatert 01.04.2025