Utviklingsplanen er helseføretaket sitt øvste strategiske dokument for korleis vi vil utvikle verksemda for å møte framtidig behov for helsetenester.
Planen skal peike på ønska retning for utvikling av verksemda og kva tiltak som er nødvendige for å møte utfordringar i framtida.
Gjeldande utviklingsplan for Helse Fonna er for perioden 2019-2022.
Gjennom styringsdokumentet for 2020 ber Helse Vest om at ny plan blir laga innan utgangen av 2021.
Planen skal behandlast i styret i Helse Fonna og sendast til Helse Vest for godkjenning.
Samarbeidspartar i helsefellesskapet, brukarar, tillitsvalde, vernetenesta og fagmiljø vil bli involverte i arbeidet med å revidera utviklingsplanen gjennom eksisterande samarbeidsorgan.
Planen vil bli formelt drøfta og handsama i arbeidsmiljøutvalet før styrebehandling.
