Blodgivar
Vi har ofte behov for blod i behandling av pasientar og vi er avhengig av dei som donerer blod til oss. Du kan melde deg som blodgivar på giblod.no.
Blod kan ikkje lagast kunstig. Vi treng mange blodgivarar for å kunne gi livsviktig behandling i samband med sjukdom, ulukker, kompliserte fødslar og skader.
Blodet frå blodgivarar blir klargjort og delt i ulike blodprodukt: Røde blodceller, blodplater og plasma. Blod frå ein givar kan dermed hjelpe tre pasientar.
Blodet kan berre lagrast i 35 dagar. Blodbanken treng derfor jamleg påfyll for å oppretthalde eit tilstrekkeleg lager av blod.
Vil du gi blod?
Vi har alltid behov for nye blodgivarar!
Gå til giblod.no for å melde deg som blodgivar. Her kan du også lese kven som kan bli blodgivar.
Vi oppfordrar blodgivarar til å laste ned appen «Blodbanken».
Viss du har spørsmål knytt til blodgiving, er du også velkomen til å ta kontakt med oss.