Høyresentralen

Vidare tilbyr vi:

• Høyrselsutgreiing og høyrselsrehabilitering
• Utvida testing av høyrselen på alle nyfødde som ikkje har passert nyfødtscreening
• Utgreiing og behandling av pasientar med tinnitus
• Utgreiing av svimmelheit

Tilvisning

Det er nødvendig med tilvising frå fastlege eller ØNH-lege for å få første time hos høyresentralen. Vidare kan du ta direkte kontakt med oss for å bestille time.

Ved første kontakt vil du møte audiografen som gjennomfører utgreiing av høyrsel og behovet og anbefaler vegen vidare. Planen kan vere å få tilpassa høyreapparat, eller anna utstyr. Du får ny time for tilpassing av nødvendig utstyr og opplæring i bruk.

Vidare blir du følgd opp med kontrolltimar etter behov. Audiografen søker NAV om støtte for høyreapparat/utstyr ved behov.

Viktige punkt om ditt høyreapparat

• tapt høyreapparat blir ikkje erstatta – vurder forsikring
• reparasjon av høyreapparat blir dekt av NAV (kontakt høyrselssentralen eller leverandøren direkte)
• nye høyreapparat blir innvilga normalt kvart 6.år. Regelen kan fråvikast under særskilde vilkår.

HUGS! Sjekk øyra jamleg for øyrevoks. Høyrselen blir endra – høyreapparat bør etterjusterast.

Høyrselskontakter

I kommunane

Høyrselskontakt finst i dei fleste kommunar. Dei hjelper hjelpemiddelsentralen med å greie ut behov for høyrselshjelpemiddel. Dei kan bidra med tanke på utprøving av aktuelle hjelpemiddel og hjelpe med nødvendige søknader til NAV. 

Ein kan kanskje forstå høyrselshjelpemiddel og høyreapparat som det same. Hjelpemiddelsentralen har andre hjelpemiddel enn oss, som gjeld varsling, tilrettelegging og samtale til dømes. Det er i tillegg til høyreapparata. Det gjeld hjelpemiddel som ein kan ha heime feks. 

Det er (som oftast) ein høyrselskontakt i kvar kommune, som har ein prosentdel av stillinga si med ansvar for høyrsel. Det er ofte ein ergoterapeut der stillinga er kombinert med andre ansvar, feks syn. Dei har moglegheit for heimebesøk og kan vurdere behovet ditt med tanke på korleis det er der du bur. Dei kan også hjelpe dersom vi leverer ut tilbehøyr til høyreapparata som må koplast opp heime.

Hjelpemiddelsentralen bidreg også ved behov for tilrettelegging på skule (kontakt via audiopedagog) og i arbeid (kontakt via arbeidsgivar).

Ta kontakt med kommunen din for å opprette kontakt med lokal høyrselskontakt. Audiograf hos oss kan også tilvise deg viss ønskjeleg.

Andre høyrselskontaktar

• NAV Hjelpemiddelsentral Rogaland
• HLF Hørselshemmedes Landsforbund

Kontakt Høyresentralen

Høyresentralen finn du hos Øre-nese-hals avdelinga i 1. etasje på Haugesund sjukehus. 

Epost: post@helse.fonna.no