Vi tilrår at du alltid nyttar siste versjon av nettlesaren din.

Prolaps i ryggen – kirurgi

I dei fleste tilfelle vil prolaps gå over utan kirurgisk behandling. Dersom det er sterke vedvarande smerter og påverking på nervesystemet kan det vere aktuelt med kirurgi.

Tilvising og vurdering

For å få behandling i spesialisthelsetenesta treng du tilvising. Fastlegen er den som oftast tilviser. I nokre tilfelle kan anna helsepersonell tilvise deg, til dømes til biletundersøkingar (MR, CT eller røntgen). Når vi har fått tilvisinga, vil du få svar på om du har rett til behandling i spesialisthelsetenesta.

Les meir på helsenorge.no

Når tilvisinga blir send til sjukehuset treng legen som skal vurdere nye MR-bilde for å sjå om det er prolaps i ryggen. MR-bilde, saman med sjukehistorie, er viktige for spesialisten som vurderer tilstanden din.

Ei nevrologisk undersøking vil seie noko om kva område i nervesystemet som er påverka. Samanstilling av sjukehistorie, MR-bilde og den kliniske undersøkinga gir grunnlag for vurdering av tilvising.

I tilvisingsteksten ønsker vi informasjon om:

  • namn og fødselsdato
  • vekt og høgde (dersom mogleg operasjonskandidat)
  • akutt skade eller snikande debut
  • symptom og varigheit
    • detaljerte opplysningar om smerter: lokalisering, utstrålande, smerter andre stader?
    • svikt, losningar eller tidlegare operasjonar?
  • funn ved klinisk undersøking:
    • rørsleutslag? hevelse? kraft? nerveutfall?
  • bildediagnostikk:
    • resultat av bildediagnostikk (MR), når og kvar er dette utført?
  • behandling utført og effekt av denne (for eksempel fysioterapi)
  • ønsker pasienten operativt tilbod om det er aktuelt?
  • yrke og sjukmeldingsstatus
  • faste medikament
  • andre sjukdommar
  • behov for tolk

Til deg som skal opererast

Førebuing heime

 

Vi anbefaler som oftast at du er i rørsle sjølv om du har smerter. Ta opp att daglege aktivitetar og arbeid om mogleg. Snakk med arbeidsgivaren din om du eventuelt kan utføre alternative arbeidsoppgåver. Dersom du ikkje klarer å vere i arbeid eller tilrettelegging ikkje er mogleg, diskuter sjukmelding med fastlegen din.

Dersom du blir betre i ventetida før operasjonen, bør du ta kontakt med sjukehuset. Hos nokon forsvinn smertene ved at kroppen lækjer seg sjølv, og da er det sjeldan behov for kirurgi.

Ofte kan plagene lindrast med reseptfrie smertestillande som du bør ta fast, for eksempel 3–4 gonger i døgnet. Treng du sterkare smertelindring, kan du diskutere dette med fastlegen din.

Dersom du bruker medikament i form av Marevan, Pradaxa, Xarelto, Albyl E, Plavix eller andre blodfortynnande medisinar, må du i samråd med fastlegen din avgjere om du kan slutte med desse ei veike før innlegginga. Dette er fordi desse medikamenta aukar risikoen for bløding under operasjonen. Ikkje stopp å ta blodfortynnande medisin utan avtale med lege.

Bruk av andre faste medisinar skal vere avklart med fastlegen din i god tid før operasjonen.

Du skal ikkje drikke alkohol dei siste 24 timane før operasjonen. Alkohol tynnar ut blodet og gjer vevet meir lettblødande.

Røyking hemmar blodsirkulasjonen og aukar risikoen for blodpropp og luftvegskomplikasjonar i samband med narkosen.

Vi anbefaler at pasientar som blir opererte i narkose sluttar med P-pillene seinast 14 dagar før operasjonen. Kombinasjonen P-piller og røyking kan auke risikoen for blodpropp. Minipille eller hormontablettar som blir brukt i og etter overgangsalderen kan du halde fram med.

Vi kan ikkje operere deg dersom du har ein pågåande infeksjon. Infeksjonar gir auka risiko ved narkose. Forkjøling gjer at operasjonen normalt bør utsettast. Spesielt gjeld dette dersom du har feber eller hoste. Ei lettare forkjøling på tilbakegang har normalt ingenting å seie.

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

Mat og mjølk/mjølkeprodukt: Skal stoppast 6 timer før
Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom de tidene som står her må personalet få vite det. Før enkelte inngrep skal du drikke ein bestemt mengde næringsdrikk. Strengare regler kan vere naudsynt for nokon. Det får du i så fall beskjed om. ​

Førebuing på sjukehuset

Du får informasjon om operasjonen av kirurg dagen før eller på operasjonsdagen. Anestesilege vil informere deg om narkosen. Ein sjukepleiar informerer deg om nødvendige førebuingar før operasjonen.

Under

Inngrepet blir utført i narkose.

Vi nyttar ein mikrokirurgisk teknikk der vi bruker mikroskop og opererer gjennom eit 2–4 cm langt hudsnitt på ryggen. Under operasjonen skyv vi nerven til side og fjernar prolapsen.

Operasjonstida varierer, men er vanlegvis cirka 45–60 minutt.

Etter

Etter operasjonen må du ligge nokre timar på overvakingsavdelinga.

Ryggen din er ikkje ustabil på nokon måte, ingen ting kan slitast av eller gå sund. Du kan stå opp av senga når du er vaken av narkosen og du kan reise heim same dag, eller dagen etter operasjonen.

Du får informasjon om oppfølging, kontrollar, smertelindring og aktivitetsnivå av lege og fysioterapeut ved utreise. Sjølv om du har lite smerter, anbefaler vi at du ikkje er for aktiv dei første dagane. Ver i aktivitet og ha korte kvileperiodar dei første dagane.

Smerte

Det er normalt å kjenne stivleik og sårsmerter nedst i ryggen dagane etter operasjonen. Smerta er som regel verst det første døgnet, deretter blir det normalt rask betring. Har du vore plaga med nomenheit og nedsett kraft i muskulatur før operasjonen, kan du framleis ha problem med dette i fleire månader etter operasjonen. Det er også vanleg å kunne kjenne noko smertestråling i periodar dei første fire vekene etter operasjon.

 

Etter inngrepet kan du få ein lett feberreaksjon med temperatur opp til 38–38,5 grader. Etter to dagar er vanlegvis temperaturen normal igjen. Blir temperaturen høgare eller ikkje normaliserer seg, bør du ta kontakt med fastlegen din eller legevakt.

Du kan dusje dagen etter operasjonen. Skift alltid til tørr bandasje etterpå.

Du kan ikkje bade før stinga er fjerna.

Stinga fjernar du hos fastlegen din 10–14 dagar etter operasjonen.

Oppfølging på sjukehuset

Ved nokre behandlingsstadar skjer dette på sjukehuset, som oftast 3–6 veker etter operasjonen. Da får du brev om tidspunkt kontroll.

Oppfølging på telefon

Nokre plassar får du oppfølging på telefon etter 6–8 veker. Dette får du meir informasjon om, av avdelinga. 

Ver merksam

Ved alle kirurgiske inngrep er det fare for blødingar og sårinfeksjon. Skade på nervar er svært sjeldne komplikasjonar.

Det er uvanleg at det blir betennelse i operasjonssåra. Du bør likevel vere på vakt dersom du får aukande smerter, hevelse eller raud hud rundt operasjonssåra. Får du høgare feber enn 38,5 grader, eller at temperaturen ikkje stabiliserer seg etter 2 dagar, ta kontakt med fastlege eller legevakt.

Skulle noko av det følgande oppstå, ta kontakt med fastlege/legevakt:

  • Når sjukdomsbildet ditt forandrar seg og du kjenner deg utrygg på kva det kan vere.
  • Smertene er sterke og smertestillande tablettar eller avlasting av ryggen ikkje er nok.
  • Du meirkar aukande problem med nedsett muskelkraft.
  • Du får problem med vasslating eller blir nomen i skrittet (det kan komme av ein stor prolaps som trykker på nervane til blære og endetarm, og må opererast raskt).

Kontakt

Haugesund sjukehus Ortopedi, Haugesund
Ventetid: 12 - 27 uker

Ventetid: 12 - 27 uker

Kontakt Ortopedi, Haugesund

Oppmøtestad

1. etasje
En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Ventetid

12 uker til utredning

12 uker til innleggelse (24 totalt)

15 uker til dagbehandling (27 totalt)

Velg behandlingssted (helsenorge.no)

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.