Vi tilrår at du alltid nyttar siste versjon av nettlesaren din.

Zometa

Infusjonsbehandling med zoledronsyre ved brystkreft, nynorsk

Nokre pasientgrupper som er behandla for brystkreft, får tilbod om behandling med Zometa. Behandlinga blir gitt kvar 6. månad, vanlegvis i 5 år. Første behandling skal normalt sett givast innan 6 månader etter brystkreftoperasjon.

Forsking viser at behandling med Zometa vil redusere risikoen for tilbakefall av brystkreftsjukdom, samtidig som at risikoen for beinskjørheit blir redusert.

Før

Før du startar behandling med Zometa, bør du bestille deg ein tannlegetime for å undersøke tenner og kjeve. Du bør unngå tannbehandling under behandling med Zometa.

Før første behandling med Zometa må du ta blodprøver. Blodprøvene tar du på sjukehuset eller hos fastlegen din 1–2 dagar før undersøkinga. Blodprøver må deretter takast kvart år, det vil seie annankvar gong du kjem til behandling med Zometa.

På behandlingsdagen bør du i forkant av behandlinga drikke rikeleg.

Under

Zometa blir gitt som intravenøst i ei blodåre (vene), og infusjonen vil vare i minst 15–30 minutt. Totalt tar behandlinga cirka 1 time.

Det er ikkje vanleg å utvikle symptom under behandlinga.

Etter

Det kan førekomme influensaliknande symptom som feber, muskel- og leddsmerter og/eller hovudverk 1–2 døgn etter behandlinga. Desse er forbigåande og forsvinn som oftast heilt etter eit par behandlingar. Du kan ta Paracet (sjå dose på pakninga) om nødvending.

Nyrefunksjonen kan påverkast av behandlinga. Vi justerer dosen etter blodprøvene.

I svært sjeldne tilfelle kan det oppstå forandringar i kjevebeinet, som kan gi smerter.

Kontakt

Haugesund sjukehus Medisinsk poliklinikk

Kontakt Medisinsk poliklinikk

Oppmøtestad

Vi held til på Haugesund sjukehus. Ta heisen ved resepsjonen opp til 5. etasje. Hold høgre når du går ut av heisen. Gå til ventesone 5A. 

Vi ber deg vente i ventesonen til du får tildelt behandlingsrom.  

Avbestilling av time/om du ikkje møter - Helse Fonna HF

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.