Vi tilrår at du alltid nyttar siste versjon av nettlesaren din.
logo Helse Fonna

Individuell jobbstøtte (IPS)

IPS (Individual Placement and Support) eller individuell jobbstøtte på norsk, er ei kunnskapsbasert tilnærming til arbeidsrehabilitering for menneske med alvorlege psykiske lidingar. Tilnærminga er systematisk og integrert med behandlingstilbodet som blir gitt frå helsetenesta. Målet er å finne vanleg lønt arbeid. Dei som tar imot IPS blir omtalte vidare i teksten som jobbsøkar.

Samarbeid mellom fleire

I Noreg gir vi ofte tilbod om IPS i eit samarbeid mellom helsetenesta og IPS-jobbspesialist tilsett i NAV. Tenesta frå ein IPS-jobbspesialist blir da tilbode som eit arbeidsmarknadstiltak regulert gjennom forskrift i NAV, men i tett samarbeid med helsetenesta.

IPS-prinsipp kan også brukast av tilsette i helsetenesta som blir kalla arbeids- og utdanningsspesialistar, og tilbodet er da fullt integrert i helsetenesta.

Åtte grunnleggande prinsipp

  • Målet er ordinært, lønt arbeid.
  • Deltaking på bakgrunn av jobbsøkars ønske.
  • Individuell jobbstøtte er ein integrert del av behandlinga.
  • Jobbsøk skjer ut frå interesser og ferdigheiter.
  • Individuelt tilpassa rådgiving om økonomiske ytingar.
  • Aktivt jobbsøk startar med éin gong og seinast etter 1 månad.
  • Systematisk jobbutvikling.
  • Oppfølging er uavgrensa i tid og individuelt tilpassa jobbsøkar.

Tilvising og vurdering

Individuell jobbstøtte er ein integrert del av behandlinga til menneske med alvorlege psykiske lidingar, og baserer seg på ønsket til den enkelte om bistand til jobb eller utdanning.

Samarbeid med rettleiar i NAV er ofte naturleg.

Før

For å få tilbod om IPS må du ha eit ønske om å komme i lønt arbeid og du må vere i behandling for ei psykisk liding eller rus-/og avhengnadsproblematikk ved sjukehuset.

Under

Ved oppstart av behandling blir alle pasientar spurde om nåverande status for jobb eller utdanning, og om eventuelle ønske om hjelp til det. Dersom individuell jobbstøtte er ein del av den behandlinga du ønsker, vil du bli sett i kontakt med ein jobbspesialist. Saman jobbar de med:

  • Ein-til-ein-kontakt for å tilpasse til behovet ditt
  • Dine ønsker i forhold til arbeid
  • Hjelp til å forme ut CV, søknadsbrev, trene på intervjusituasjonar og så vidare
  • Hjelp til å finne eigna jobbar og oppsøke arbeidsgivarar om dette er ønskeleg
  • Skape godt samarbeid med NAV
  • Jobbe med ein handlingsplan for å finne jobb
  • Openheit og ærlegdom når vi jobbar med tema knytt til jobb

Varigheit av behandling

I denne behandlinga blir det jobba direkte ut mot ordinært arbeid, så snart dette er ønskeleg. Samarbeidet med ein arbeids- og utdanningsspesialist eller IPS-jobbspesialist kan vare like lenge som du har oppfølging frå behandlaren din.

Etter

Oppfølging frå arbeids- og utdanningsspesialist eller IPS-jobbspesialist skal tilpassast behovet ditt og vere integrert i behandlingsplanen. Oppfølginga etter utskriving blir avtalt mellom deg og arbeids- og utdanningsspesialisten eller IPS-jobbspesialisten, behandlar, arbeidsgivar og NAV. Dersom dette høyrest interessant ut for deg, ta kontakt med behandlaren din for meir informasjon.

Du kan også sjå nettsidene til NAPHA for meir informasjon.

Kontakt

  • Haugaland DPS, Haugesund

    Floravegen 75

    5535 Haugesund

    Finn fram

    Transport

    ​Det er busshaldeplass like ved Haugaland DPS, Haugesund. Søk på haldeplassen "Lysskar" i reiseplanleggaren. Ruteinformasjon finn du på www.kolumbus.no

    Praktisk informasjon

    Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
     
    Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

    Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

    ​​​​​​​​​Ta med den faste medisinen du brukar. Det kan ta tid å få same medisin frå apoteket.

    Dessverre kan tjuveri finne stad på sjukehuset. La ​verdisaker vere igjen heime.

    Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

    Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

    God hygiene er ein viktig faktor for å kunne gi god behandling til pasientane.

    ​Parkeringsplass for pasientar og besøkande ligg like utanfor bygget. Alle oppmerka parkeringsplassar kan nyttast. Parkering er gratis

    Sjukehusområdet er røykfritt.

    Inneliggande pasientar kan ta kontakt med helsepersonell ved si avdeling ved behov for nikotinprodukt.

  • Kontakt Stord DPS

    Oppmøtestad

    Stord DPS og BUP (barne- og ungdomspsykiatrisk) held til i lokale som ligg like ved Stord sjukehus.

    Stord DPS

    Finn fram

    Transport

    ​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

    OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.

    Praktisk informasjon

    ​Det er ikkje publikumsapotek på sjukehuset, men det er fleire apotek i og rundt Leirvik sentrum.

    ​Nærmaste daglegvare er Spar Ådland, Olvikvegen 52, 5416 Stord. 1.5 km med bil, 500 m til fots på gangsti bak ambulansestasjonen.

    Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
     
    Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

    Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

    ​Publikumskantine finn du i underetasjen.

    Opningstider:

    Måndag-fredag kl. 11.00-14.00. Det er stengt i helger og på heilagdagar.

    ​​​​​​​​​Ta med den faste medisinen du brukar. Det kan ta tid å få same medisin frå apoteket.

    Dessverre kan tjuveri finne stad på sjukehuset. La ​verdisaker vere igjen heime.

    Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

    Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

    God hygiene er ein viktig faktor for å kunne gi god behandling til pasientane.

    ​Det er ikkje minibank ved sjukehuset. Nærmaste minibank Stord sjukehus: Sparebanken Vest, Leirvik sentrum.

    ​Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift, sjå oppslag ved parkeringsautomat.

    Det er mogleg å køyre heilt fram til hovudinngangen for å sleppe av passasjerar ved behov.

    Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

    Sjukehusområdet er røykfritt.

    Inneliggande pasientar kan ta kontakt med helsepersonell ved si avdeling ved behov for nikotinprodukt.