Gynekologisk kreft, kikholskirurgi

Vi anbefaler at du holder deg i fysisk aktivitet og forsøker å leve som normalt. Vi anbefaler røykeslutt, røyking auker risikoen for komplikasjonar under og etter operasjon.

Før operasjonen blir du kalla inn til ei forundersøking. Dette er for at du skal få tilstrekkeleg informasjon, og for at vi skal kunne planlegge inngrepet som skal gjerast. Vi gjer ei generell undersøking av hjarte og lunger, samt ein gynekologisk undersøking med ultralyd. Det er viktig at du har med ei oppdatert liste over dei medisinane du brukar til forundersøkinga.

• Du vil få beskjed om korleis du skal gjere det med medisinane før operasjonen. Skal du til dagkirurgi gjer du desse førebuingane heime, blir du lagt inn dagen før operasjonen blir førebuingane gjort på sjukehuset.
• Du må dusje (inkludert hårvask) og barbere bort kjønnshår som er synlig i ståande stilling. Bruk maskin -  ikke høvel.  
  
• Naglelakk og alle smykkar, ringar, piercing og armbandsur må vere tatt av - også giftering.
• Det kan i nokre tilfelle vere aktuelt med tarmtømming 
• Enkelte gonger gjør vi ei markering med tanke på stomi (utlagt tarm) før operasjonen om det er mistanke om at kreftsjukdommen påverkar tarm.
• Du får tablettar som får deg til å slappe av før du blir køyrd til operasjon.
• Før operasjonen må du vere fastande.

Inngrepet blir utført i full narkose og varer normalt mellom 1-4 timar.

Vi lagar eit snitt i navlen, og bukhola blir fylt med gass for å få betre oversikt. Laparoskopet, som er eit tynt røyr eller ein slags ”kikkert” med videotilknyting, blir ført inn gjennom snittet i navlen. Via ein tv-skjerm sjekkar vi bukhola, livmora, eggstokkar og eggleiarar. Når vi skal operere, treng vi fleire hjelpeinstrument og lagar derfor fleire små snitt til desse. Dersom livmora skal fjernast, gjer vi i dei fleste tilfelle dette via skjeden. Men i nokre tilfelle må skjeden fjernast via eit snitt på magen.

Iblant kan det vere vanskeleg å gjennomføre operasjonen med kikhòlskirurgi. Vi vil i så fall skifte til ein vanleg operasjon (laparotomi) når du er i narkose. Vi avklarer som oftast risikoen for dette med deg før operasjonen startar. Av og til oppdagar vi ting under kikhòlsoperasjonen som gjer at vi må gå over til open kirurgi under sjølve operasjonen. Du må då rekne med å vere på sjukehuset nokre fleire dagar.

Du vil vere til overvaking i nokon timar etter operasjonen. Du kan drikke og eventuelt ete på operasjonsdagen, avhengig om du kjenner deg kvalm. Før heimreise vil du få informasjon om kva som blei funne og kva som blei gjort under operasjonen. Ofte reiser ein heim dagen etter operasjonen, men i blant kan det bli nødvendig å ligge på avdelinga lenger. 

Litt bløding frå skjeden er vanleg. Dei første dagane kan du kjenne deg oppblåst i magen og eventuelt ha vondt i skuldrane. Dette er irritasjon frå gassen som blei sett inn i bukhola under operasjonen. Dette kan som oftast lindrast med reseptfrie, smertestillande medikament.

Dersom livmora er fjerna, må du på grunn av operasjonssåret i skjeden unngå karbad, svømmebasseng, bruk av tampong og samleie dei første 6-8 vekene. Dersom du ikkje har smerter eller andre plagar, kan du vere i vanleg fysisk aktivitet etter operasjonen, men unngå tunge løft over 5 kg dei første to vekene.

Somme kan oppleve manglande/unormal tømming av urinblæra. Dette kjem av påverking av nervar til urinblæra og kan halde fram i nokre veker etter operasjonen. Du vil få opplæring i selvkateterisering (tømme blæra sjølv) på sjukehuset før du blir skriven ut.

Såra på magen er lukka med metallstifter (agraffar) eller sjølvoppløyseleg tråd. Agraffane fjernast etter 7 dagar hos fastlegen din. Etter 7 dagar, dersom du framleis litt av tråden, kan du klippe den forsiktig vekk.

Etter 2 døgn trenger ikkje operasjonssårena på magen vere tildekka, og bandasje kan brukast etter behov. Bandasjer får du kjøpt på apoteket.

Dersom noko er fjerna under inngrepet, blir det sendt til mikroskopisk undersøking. Svara er vanlegvis klare etter nokre veker. Du vil få informasjon om svar ved poliklinisk konsultasjon, per telefon eller brev. Fastlegen din får kopi av svaret og brev om inngrepet.

Du får sjukemelding ved heimreise. Lengda på sjukemeldinga er avhengig av storleiken på inngrepet, og forventa tid du treng å komme deg på etter operasjonen. Sjukemeldinga kan bli forlenga av fastlegen din ved behov.

For å minske risiko for blodpropp blir du mest sannsynleg anbefala blodfortynnande sprøyter som du skal sette sjølv i opptil 30 dagar etter operasjonen. Du får resept på disse før du reiser heim, og resept på smertestillande tabletter.