Vi tilrår at du alltid nyttar siste versjon av nettlesaren din.
logo Helse Fonna

Diagnose

Gastroøsofageal refluks

Dersom refluks gir plagsame symptom eller komplikasjonar, blir det kalla gastroøsofageal reflukssjukdom (GØRS). Hos spedbarn er kraftig gulp og oppkast som går utover tilvekst og eting dei vanlegaste symptoma. Hos barn over 1 år dominerer sure oppstøytar, gulping, ete-/ svelgjevanskar, kvalme, dårleg ande og smerter i øvre del av magen.

Gulping er svært vanlig hos spedbarn og små barn. Det skaper vanligvis ingen problemer, og de fleste barn vokser det av seg.

Les meir på helsenorge.no

Refluks

Refluks betyr tilbakestrøyming. Når sur magesyre strøymer tilbake frå magesekken til matrøyret, blir det kalla gastroøsofageal refluks (GØR). Dette skjer ofte etter måltid hos barn og unge utan at vi merkar det. Hos babyar merkar vi normal refluks som gulping, som kjem av mykje mat i forhold til kroppsstorleiken og at mjølk og væske lettare strøymer tilbake.

To av tre spedbarn har gulp/oppkast fleire gonger dagleg ved 4 månadars alder. Hos babyar har magesekken mindre syre, og gir sjeldnare irritasjon av matrøyret enn hos eldre barn.

Tilvising og vurdering

Barn under 1 år skal ifølgje tilrådingar i internasjonale og nasjonale retningslinjer svært sjeldan greiast ut, og blir behandla for gulp og oppkast. Utgreiing er aktuelt ved avvikande vekst og utvikling, og symptom som blodig oppkast og sterke magesmerter.

Hos barn over 1 år, der mistanken om GØRS på bakgrunn av symptom er stor, prøver ein å behandle med syrereduserande medisinar i nokre veker. Dersom prøvebehandlinga gir betring, og symptoma kjem tilbake når behandlinga stansar, bør barnet tilvisast for utgreiing i spesialisthelsetenesta.

Utgreiing

Utgreiinga består av 24 timars pH-måling i matrøyret eller gastroskopi. Røntgen- og ultralydundersøking er ikkje tilrådd ved mistanke om GØRS.

Behandling

Behandling utan medisinar

Det er lite vitskapleg grunnlag for dei ikkje-medikamentelle råda, men det blir tilrådd å heve hovudenden på senga, prøve hyppige og små måltid og unngå mat som forverrar symptoma. For nokon kan ein også unngå kolsyrehaldige drikkar, krydra mat, kaffi og te.

Medikamentell behandling

Målet med medikamentell behandling er å redusere surleiken på innhaldet i magesekken. Då vil magesekkinnhaldet som kjem opp i matrøyret virke mindre irriterande for slimhinnene. Dei vanlegaste medisinane som blir brukte er såkalla protonpumpehemmere, og vanleg behandlingstid er 4–8 veker. Medisinane bør gradvis trappast ned over 2–3 veker, fordi magesyreproduksjonen aukar raskt når medisinane blir tekne bort.

Kirurgi

Hos nokre få barn er medisinsk behandling ikkje tilstrekkeleg for å fjerne symptoma og det kan vere aktuelt med kirurgisk behandling. Slik kirurgisk behandling er likevel svært sjeldan.

Gastroøsofageal refluks - Operasjon med Nissen-plastikk

Oppfølging

Barn og unge som bruker medisinar for gastroøsofageal reflukssjukdom over tid (meir enn 3 månader) bør følgjast opp av barnelege.

Kontakt

Haugesund sjukehus Medisinsk gastroenterologisk og nefrologisk seksjon

Kontakt Medisinsk gastroenterologisk og nefrologisk seksjon
En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.