Vi tilrår at du alltid nyttar siste versjon av nettlesaren din.
logo Helse Fonna

Dialyse - hemodialyse

Hemodialyse kan vere nødvendig ved sterkt nedsett nyrefunksjon, for å fjerne avfallsstoff og oppsamla vatn som blir produsert kontinuerleg og som kan vere skadeleg for kroppen din. Ved hemodialyse (hemo=blod) reinsar vi blodet ditt 3–4 gonger i veka med eit kunstig nyre-/dialysefilter og ei dialysemaskin. Dei fleste treng hemodialyse i 4 timar, og legen bestemmer eit program som passar for deg.

Før

Dersom det er noko spesielt du må ta omsyn før du kjem til sjukehuset, får du beskjed om det.

Du blir vegen før behandlinga startar for å måle eventuell vektforskjell som kjem av oppsamla vatn etter førre behandling. Deretter set du deg i ein behandlingsstol, og vi måler blodtrykket ditt.

Under

Du sit i ein behandlingsstol ved dialysemaskina under heile behandlinga.

For å kunne reinse blodet ditt treng vi tilgang til blodsystemet. Du får derfor enten ein A/V-fistel (to samankopla blodårar på ein arm) eller eit kateter i ei stor blodåre, vanlegvis ved halsen.

Ein sjukepleiar koplar deg til dialysemaskina. Dialysen (reinsinga) startar og overskotsvatnet blir gradvis trekt ut i løpet av behandlingstida.

Under dialysen vil litt av blodet ditt (cirka 2 dl) sirkulere i slangesett og dialysefilteret.

Behandlinga varer i 3–5 timar og er nøye overvakt av kontrollfunksjonane i dialysemaskina og av sjukepleiar. Dialysebehandlinga gjer ikkje vondt.

Sjukepleiar er til stades under heile behandlinga og kan lett tilkallast viss du har behov for det. Vi måler blodtrykket ditt undervegs. I løpet av behandlinga kan du sjå på TV, lese o.l.

Når behandlinga er ferdig, får du tilbakeført blodet som er i slangesettet og dialysefilteret, og du blir kopla frå maskina.

Etter

Etter dialysen måler vi blodtrykket ditt og veg deg igjen. Dette for å ha eit utgangspunkt for å måle eventuell vektoppgang til neste behandling som følge av nytt oppsamla overskotsvatn.

Du må ta blodprøver jamleg for å sjekke behovet for behandling og kva effekt behandlinga har.

Kontakt

Haugesund sjukehus Dialyse Haugesund

Kontakt Dialyse Haugesund

Oppmøtestad

Vi held til i 5. etasje på Haugesund sjukehus. Enklaste vegen er å ta heisen ved resepsjonen.

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Opningstider

  • I dag 07:30 - 15:00
  • Måndag 07:30 - 21:00
  • Tysdag 07:30 - 15:00
  • Onsdag 07:30 - 21:00
  • Torsdag 07:30 - 15:00
  • Fredag 07:30 - 21:00
  • Laurdag 07:30 - 15:00
  • Søndag 13:30 - 21:00

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

 

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.