Vi tilrår at du alltid nyttar siste versjon av nettlesaren din.
logo Helse Fonna

Brystsmerter

Brystsmerter kan oppstå ved ei rekkje tilstandar. For somme av desse tilstandane er det viktig at du kjem tidleg til behandling. Ved akutte, sterke og vedvarande brystsmerter bør du derfor ringje 113 (AMK).

Årsaker

Brystsmerter kan vere ulike typar smerter frå brystkassa eller brysthòla. Brystsmerter kjem ofte frå organ i brysthòla som hjarte, lunger eller matrøyret. Brystsmerter kan også komme frå hud, musklar eller bein i brystveggen. Organ som ligg nært brystet, som mage og galleblæra, kan også forårsake smerter i brystet. Psykiske spenningar som følgje av angst, depresjon og stress kan i mange tilfelle føre til brystsmerter.

Utredning

Fordi brystsmerter kan vere eit teikn på hjarteinfarkt eller andre alvorlege tilstandar som krev rask behandling, er det viktig å bli undersøkt av lege. Frå du har kontakta fastlege, legevakta eller sjukehus skal det ikkje gå lang tid før du blir undersøkt.

Når du kjem til akuttmottaket ved sjukehuset, blir du undersøkt av lege og sjukepleiar. Her tek vi også EKG (elektrokardiogram) og blodprøver. Hos somme pasientar blir det teke supplerande undersøkingar for å finne årsaka til brystsmertene, for eksempel ultralyd av hjartet eller røntgen. Det er ikkje alltid mogleg å fastslå årsaka til brystsmerter, sjølv om utgreiinga ikkje påviser alvorlege tilstandar.

EKG
Blodprøve

Andre aktuelle undersøkingar

Ultralyd av hjartet
Arbeids-EKG ved Haugesund sjukehus

Behandling

Du blir anten flytta til korttids observasjonseining, ordinær observasjonseining, sengeeining eller skrive ut frå sjukehuset. Resultatet av undersøkingane og eventuell utgreiing er førande for vidare plan.

Oppfølging

Det vidare forløpet er avhengig av årsaka til brystsmertene dine. Etter utskrivinga vil du primært bli følgt opp av fastlegen din.

Ved gjentekne episodar med brystsmerter må du kontakte fastlege, legevakt eller sjukehuset på nytt. Ved akutt, sterke og vedvarande brystsmerter ringjer du 113.

Kontakt

Haugesund sjukehus Akuttmottak

Kontakt Akuttmottak

Oppmøtestad

Felles akuttmottak ligg i underetasjen til Haugesund sjukehus, i nybygget mot sørvest.

Blir du transportert med ambulanse eller av portør vil du automatisk bli registrert hos akuttmottaket. 

Viss du kjem sjølv, må du gå inn hovudinngangen til Haugesund sjukehus. Deretter går du forbi Narvesen-kiosken og innover gangen i nybygget. Du kan ta heis eller trapp ned til underetasjen. Du må registrere deg i ekspedisjonsluka før du kan kome inn til venteområdet til akuttmottaket.  

Hovudinngangen til Haugesund sjukehus er alltid open. 

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Opningstider for ekspedisjon

  • I dag 08:00 - 22:00
  • Måndag 08:00 - 22:00
  • Tysdag 08:00 - 22:00
  • Onsdag 08:00 - 22:00
  • Torsdag 08:00 - 22:00
  • Fredag 08:00 - 22:00
  • Laurdag 08:00 - 22:00
  • Søndag 08:00 - 22:00

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.