Mitomycin er ein type cellegift som blir brukt ved ulike typar kreftformer. Sidan legemiddelet blir gitt direkte inn i blæra vil det ikkje ha dei biverknadene som elles er knytte til cellegiftbehandling, som for eksempel håravfall og kvalme.
Behandling med mitomycin i blæra etter TURB (blærekreftoperasjon) har vist seg å redusere risikoen for at svulstane kjem tilbake. Dette blir anbefalt for alle pasientar med overflatiske svulstar.
Mitomycin blir også brukt under oppfølging av pasientar som reagerer på BCG.
Før
Dei siste 2 timane før behandling skal du drikke så lite som mogleg. Nyrene vi da produsere mindre urin og dette hindrar at løysinga av mitomycin blir fortynna i blæra.
Eventuelle vassdrivande legemiddel bør takast etter behandlinga.
Under
Under inngrepet (TURB), blir det ført ein fleksibel slange (kateter) opp i blæra via urinrøyret. Via dette kateteret blir sprøyta løysinga av mitomycin inn i blæra. Kateteret blir stengt av i to timar slik at legemiddelet kan få verke.
Deretter blir kateteret opna og løysinga blir sleppt ut igjen. Du kan bli beden om å endre leie (snu deg frå side til side) kvart 15. minutt for å oppnå maksimal overflatekontakt.
Du må seie frå om du opplever smerter/spreng under behandlinga.
Særskild informasjon til kvinner: Mitomycin skal ikkje brukast under graviditet og prevensjon bør brukast i behandlingsperioden. Unngå amming ved behandling med Mitomycin.
Særskild informasjon til menn: Mitomycin kan verke skadeleg på sædceller og kondom bør brukast i behandlingsperioden.
Etter
Etter at blæra er tømt for Mitomycin, må du drikke mykje. Dette for å få skylt ut gjenverande restar av legemiddelet. Tøm blæra ofte. Det kan førebygge biverknader i blæra.
Sitt ned på toalettet ved urinering dei første åtte timane etter behandling for å unngå søl av Mitomycin. Skyl ned i toalettet to gonger etter kvart besøk.
Vask hender og underliv godt med såpevatn etter toalettbesøk for å unngå irritasjon av huda.
Klede og sengetøy som har vore i kontakt med urin må vaskast med ein gong. Tørk opp urinsøl med papir. Vask deretter godt med såpe og vatn. Legg bleier, bind o.l. i plastpose som du knyter godt igjen. På sjukehuset skal du kaste dette i behaldar for risikoavfall.
Ver merksam
Mitomycin verkar irriterande på hud og slimhinner og biverknader som oppstår komme av dette. Du kan oppleve:
ein auka trong til vasslating
svie ved vasslating
litt blod i urinen
illeluktande urin (kan komme av ein urinvegsinfeksjon)
sårheit og kløe i underlivet
Desse plagene kan også komme av sjølve inngrepet der svulstane blei fjerna. Ta kontakt med fastlegen din dersom desse plagene ikkje går over av seg sjølve i løpet av nokon dagar. Ta omgåande kontakt med legen dersom du viser teikn til infeksjon, som feber over 38 °C, frysningar, hoste og sår hals.
Du finn Urologisk poliklinikk i 1. etasje på Haugesund sjukehus. Vi er samlokalisert med kirurgisk poliklinikk. Ta kontakt med ekspedisjonen vår når du kjem.
Meld at du er komen via SMS-en du har fått, eller på automaten ved hovudinngangen til sjukehuset.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
