Vi tilrår at du alltid nyttar siste versjon av nettlesaren din.

Arrbrokk

Eit arrbrokk er eit brokk som oppstår i eit operasjonsarr i buken. Behandlinga er operasjon, anten som open operasjon eller kikholskirurgi (laparoskopisk).

Eit brokk er ei svakheit eller ein defekt i bukveggen (magen). Vev eller organ frå bukhola vil kunne bule ut i defekten, særleg dersom ein strammar magemusklane. Eit arrbrokk er når brokket kjem ut av ein defekt i bukveggen som skuldast tidlegare kirurgi. Arrbrokk forsvinn ikkje av seg sjølv.

Nokon har lite eller ingen plagar, mens andre kan kjenne på ømheit når brokket kjem ut. Det kjem lettast ut når ein brukar magemusklane, for eksempel under trening, løft eller ved hoste. Arrbrokk kan bli store og nokon syntes dei er kosmetisk skjemmande.

Dersom brokket set seg fast (blir inneklemt) gir dette ofte kraftige smerter og brokket blir hardt. Du kan også oppleve symptom som kvalme og oppkast. I slike tilfelle kan det bli nødvendig å operere akutt, og du bør snarast ta kontakt med lege. 

Behandlinga er operasjon, anten som open operasjon eller kikholskirurgi.

Tilvising og vurdering

Pasientar med plager frå arrbrokk blir tilviste frå fastlege eller frå ei anna kirurgisk avdeling. Rettleiande frist for start av utgreiing er 26 veker ifølgje Helsedirektoratet. Det er også varierande ventetider for sjølve operasjonen.

Kirurgen undersøkjer brokket. Nokon gonger blir det bestilt supplerande bilde for å kartleggje brokket, gjerne med CT eller ultralyd. Då blir mellom anna storleiken på brokket vurdert.

Dersom det er indikasjon for operasjon, vil kirurgen informere om kva type operasjon som er aktuell, samt risikofaktorar.

I tilvisinga skal det stå kva pasienten er operert for og når dette blei gjort. Beskriv storleiken på brokket og pasienten sine plager. Presiser om pasienten er så plaga at han/ho ønskjer operasjon.

Dersom pasienten er operert for kreft, skal det informerast om oppfølging av kreftsjukdommen og om det er funnet spreiing eller lokal tilbakekomst av kreftsjukdommen. Tilvisinga bør også innehalde opplysningar om andre sjukdommar, medikament, røykjevanar, vekt og høgd.

Ved operasjonar for arrbrokk er det ei vektgrense slik at BMI må vere under 30. Ved BMI over 30 aukar faren for komplikasjonar betydeleg, og operasjonen blir vanskelegare.

Det er eit absolutt krav at pasientane er røykfrie minst 6 veker etter operasjonen. Nikotinplaster og nikotintyggegummi kan brukast. Snus og el-sigarettar er ikkje anbefalt, men er ikkje absolutt forbode. Det er viktig at pasientane får denne informasjonen av fastlegen ved tidspunkt for tilvisinga.

Før

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Fram til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

  • Mat og mjølk/mjølkeprodukt: Skal stoppast 6 timer før
  • Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom dei tidene som står her må personalet få vite det.

Før enkelte inngrep skal du drikke ein bestemt mengde næringsdrikk.Det får du i så fall beskjed om. ​

Andre førebuingar

Om du brukar blodfortynnande medisinar, sjå informasjon i innkallingsbrevet frå sjukehuset om kva du skal gjere. Ta med ei liste over dei faste medisinane når du kjem til sjukehuset.

Fjern ringar, klokker, kontaktlinser, sminke, naglelakk og piercingar før operasjonen. Dersom piercingar eller liknande ikkje er fjerna, kan du risikere at dei blir klipte av.

Briller og høyreapparat kan du ha på.

På morgonen operasjonsdagen eller kvelden før, skal du dusje og vaske håret. Skyll godt i navlen. Ikkje bruk krem eller sminke etter at du har dusja.

Operasjonsområdet blir barbert på sjukehuset om nødvendig.

Dersom du har fått beskjed om at du skal bruke brokkbind eller kompresjonstøy, kan du kjøpe dette hos bandasjist.

Under

Operasjonen blir gjord ope eller med kikholskirurgi (laparoskopisk).

Open operasjon

Ved open operasjon fjernar vi det gamle arret, og gjer ofte samtidig ein større eller mindre hudplastikk (fjerning av overskytande hud) fordi brokket har ført til ei utviding av huda.

Vi prøver å samle bukmuskulaturen slik at den opphavlege anatomien blir gjenskapt mest mogleg. Vi bruker alltid ei nettforsterking. Det betyr at eit nett blir plassert under, mellom eller oppå muskulaturen som ei forsterking. Av og til legg vi inn dren for å fjerne sårvæske. Desse blir fjerna etter operasjonen. Brokkbind blir lagt på for avlasting.

Kikholskirurgi

Ved kikholskirurgi fjernar vi ikkje hud. Vi lagar fleire små snitt der røyr på 5 og 12 mm blir førte inn i bukhola og operasjonen blir gjord gjennom desse.

Det blir blåst luft inn i bukhola. Brokket blir så trekt inn i bukhola (magen), og defekten blir lukka med sting. Det blir lagt eit forsterkande nett over defekten. Av og til blir nettet lagt mellom bukhinna og bukveggen, andre gonger direkte på bukveggen frå innsida.

Operasjonane blir gjorde i narkose. Ved begge operasjonstypane blir det vanlegvis gitt antibiotika førebyggjande.

Operasjonstida varierer mykje med storleiken på brokket, og om det samtidig skal gjerast ein hudplastikk. Dei største operasjonane tek opp mot tre timar, medan dei små kan vere gjorde på mindre enn ein time.

Operasjonsrisiko

Det er risiko for bløding og betennelse ved all kirurgi. Ved operasjon for arrbrokk kan ein mellom anna risikere av brokket kjem tilbake. Dersom brokket då gir symptom som smerte bør du bli vurdert igjen av kirurg, nokon kan få tilbod om ein ny operasjon.

Det er også risiko for smerter i operasjonssår, som oftast går dette over. 

Dersom du røykjer aukar risikoen for tilbakefall og smerter. Vi anbefaler alle som skal til operasjon for brokk om å slutte å røykje.

Etter

Smertestillande

Etter operasjonen blir du verande i avdelinga i minst eitt døgn, kanskje opp mot ei veke ved dei største brokkane. Det viktigaste den første tida er god smertebehandling. I tillegg til tablettar eller sprøyter, gir vi ofte smertestillande medisinar gjennom eit tynt kateter i ryggen (epiduralkateter). Dette kateteret blir liggjande i 2-3 dagar.

Blodprøvar

Vi tek blodprøvar for å oppdage eventuell betennelse eller bløding. Du får blodfortynnande medisin for å førebyggje blodpropp når du er innlagd.

Aktivitet

Dei første dagane etter operasjonen skal du gjere opptreningsøvingar og pusteøvingar. God pusteteknikk og tidleg aktivitet er viktig for å unngå lungebetennelse. Det er viktig at du kjem deg ut av senga så raskt som mogleg for å gå korte turar. Brokkbind blir tilrådd.

Oppfølging og sjukmelding

Nokre sjukehus avtaler oppfølging på poliklinikken etter nokre veker.

Vanleg sjukmeldingstid er 4-6 veker etter dei store brokka.

Styrken i bukveggen etter operasjon kan aldri bli betre enn 80 prosent av opphavleg styrke. Du skal unngå ekstreme belastningar, som svært tunge løft, resten av livet. Det er viktig med mest mogleg rørsle. Ved trening i treningsstudio skal belastinga av magemusklane skje gradvis. Det tek opp mot 6 månader før du kan sjå det endelege resultatet av operasjonen.

Ver merksam

 

Kontakt avdelinga om dersom du får nokre av desse plagene:

  • tung pust
  • bløding i såret
  • væske fra såret
  • aukande hevelse, raude eller smerte frå såret
  • aukande hevelse i eitt eller begge bein
  • sjukdomskjensle/nedsett allmenntilstand
  • svimmelheit eller svime
  • ​feber

Blir du akutt sjuk, ring 113.

 

Sist faglig oppdatert 12.04.2024

Kontakt

  • Ventetid: 3 - 6 uker

    Kontakt Operasjon og anestesi, Odda

    Oppmøtestad

    Vi held til i 3. etasje på Odda sjukehus.

    En bygning med et fjell i bakgrunnen

    Odda sjukehus

    Sjukehusvegen 10

    5750 Odda

    Finn fram

    Transport

    ​For informasjon om rutetilbod til Odda sjukehus, sjå skyss.no og kolumbus.no. For ekspressbuss, sjå www.nor-way.no.

    Du kan ta kontakt med pasientreiser for informasjon om reiser til og frå offentleg godkjent behandling.

    Ventetid

    3 uker til utredning

    3 uker til dagbehandling (6 totalt)

    Velg behandlingssted (helsenorge.no)

    Praktisk informasjon

    Meld deg i ekspedisjonen ved hovudinngangen i 1. etasje når du kjem. Du kan betale i luka eller med Vipps. 

    Logg inn på helsenorge.no for å endre eller avbestille time. Dersom det er mindre enn to arbeidsdagar til timen din, må du kontakte kontaktsenteret vårt på telefon 52 73 90 00.

    Pasientar med behov for overnatting kan ta kontakt med kontaktsenteret vårt på telefon 53 65 10 00. Du må gi beskjed i god tid på førehand. 

    Vi kan tilby rom med enkel standard i vårt hybelhus, som ligg ca. 50 meter frå sjukehuset. Rommet har telefonforbindelse med kirurgisk overvakingspost. Det har også ei ekstra seng dersom du har med deg pårørande.

    I hybelhuset er det tilgang til felles kjøkken og bad. Har du behov for kveldsmåltid, må dette bringast med.

    Du hentar nøklar i ekspedisjonen, som ligg rett ved hovudinngangen i 1. etasje på sjukehuset. Ekspedisjonen er betjent frå kl. 07.30 til 18.00 måndag til fredag. Kjem du etter kl. 18.00, kan du ringe på døra. Personalet vil då kome for å hjelpe deg.

    Du vil få faktura for overnatting på hybelhuset. 

    Du kan ta kontakt med pasientreiser for informasjon om reiser til og frå offentleg godkjent behandling.

    Alternativ overnatting i Odda

    Parkering for pasientar og besøkande ligg på sjukehusområdet.
     
    Du kan parkere på sørsiden av sjukehuset eller på østsiden/baksiden ved elven eller augelegekontoret. Der kan du parkere gratis.

    Det er ikkje tilgjengelege ladestasjonar for lading av elbil.

    Reserverte parkeringsplassar

    Det er reservert plass for HC-parkering utanfor hovudinngangen. 

    På parkeringsplassen sør for sjukehuset finn du reserverte plassar for blodgivarar. 

    Hugs å legge parkeringsbeviset for desse plassane godt synleg i frontruta.

    ​​​​​​​​​Ta med den faste medisinen du brukar. Det kan ta tid å få same medisin frå apoteket.

    Dessverre kan tjuveri finne stad på sjukehuset. La ​verdisaker vere igjen heime.

    Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

    Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

    God hygiene er ein viktig faktor for å kunne gi god behandling til pasientane.

    Viss du fått beskjed om å ta blodprøvar, kan du gå til laboratoriet i underetasjen (U-etasje) på Odda sjukehus.

    Opningstider: kvardagar kl. 09.00-14.00

    Trekk kølapp når du kjem.

    Nokre pasientar/pasientgrupper blir prioritert for blodprøvetaking og vi ber om forståing for det. 

    ​Kantina ligg i underetasjen (U-etasje).


    Opningstider

    Måndag-fredag kl. 10.00-12.30

    Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
     
    Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

    Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

    Slik gjer du:

    1. Vel nettverket gjest.ihelse.net på din PC, mobil eller nettbrett
    2. Opne nettlesaren og godta vilkår for bruk 

    Bruk av trådlaust nett er gratis.
     
    Innlogging er krav til sikkerheit i sjukehusnettverket og er same type løysing som er på flyplassar og​ hotell.

    God surfing.

    ​Næraste daglegvare er Bunnpris, 700 meter frå sjukehuset. Adressa er Hjøllo 1, 5750 Odda.

    Sjukehusområdet er røykfritt.

    Inneliggande pasientar kan ta kontakt med helsepersonell ved si avdeling ved behov for nikotinprodukt.

  • Ventetid: Ikke oppdatert

    Kontakt Dagkirurgi Stord

    Oppmøtestad

    Gå til ventesone utanfor dagkirurgisk avdeling i 2. etasje på Stord sjukehus.

    Du må først registrere at du er komen. Dette gjer du på automaten i resepsjonen i 1. etasje, eller på mobiltelefon via SMS-en du får frå oss. 

    En bygning med trær og biler foran seg

    Stord sjukehus

    Tysevegen 64

    5416 Stord

    Finn fram

    Transport

    ​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

    Ventetid

    Ikke oppdatert ventetid for utredning

    Ikke oppdatert ventetid for dagbehandling

    Ikke oppdatert ventetid for innleggelse

    Velg behandlingssted (helsenorge.no)

    Praktisk informasjon

    ​Det er ikkje publikumsapotek på sjukehuset, men det er fleire apotek i og rundt Leirvik sentrum.

    Måndag-sundag: 17.00-18.30

    Det er eigne besøkstider og reglar for føde og barsel.

    Oppdatert informasjon finn du på sida om besøkstider

    ​Nærmaste daglegvare er Spar Ådland, Olvikvegen 52, 5416 Stord. 1.5 km med bil, 500 m til fots på gangsti bak ambulansestasjonen.

    Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
     
    Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

    Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

    ​Publikumskantine finn du i underetasjen.

    Opningstider:

    Måndag-fredag kl. 11.00-14.00. Det er stengt i helger og på heilagdagar.

    ​​​​​​​​​Ta med den faste medisinen du brukar. Det kan ta tid å få same medisin frå apoteket.

    Dessverre kan tjuveri finne stad på sjukehuset. La ​verdisaker vere igjen heime.

    Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

    Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

    God hygiene er ein viktig faktor for å kunne gi god behandling til pasientane.

    Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift.
     
    Det er innført skiltgjenkjenningssystem på Stord sjukehus. Du får tilsendt faktura frå ParkPay etter inn- og utkøyring. 
     
    ​Pris for å parkere er 25 kroner i timen. Makspris for eit døgn er 155 kroner.
     
    Det er mogleg å køyre heilt fram til hovudinngangen for å sleppe av passasjerar ved behov. 
     

    Sjukehusområdet er røykfritt.

    Inneliggande pasientar kan ta kontakt med helsepersonell ved si avdeling ved behov for nikotinprodukt.