Diagnose
Åreknutar i pungen (Varicocele)
Dersom du har ein hevelse i pungen med utvida blodkar (vener), kan dette gi tyngdefornemming og tidvis smerter. Årsaka er dårlege klaffar i vener, slik at blodet samlar seg i pungvenene i staden for å bli transportert oppover mot dei sentrale venene. Hos nokon kan det redusera fruktbarheita. Tilstanden kan behandlast dagkirurgisk.Før
Faste
Før operasjonen må du faste. Det betyr at du ikkje kan ete, drikke, tygge tyggegummi/drops, snuse eller røyke. Magesekken må vere tom for at ikkje mat eller væske skal kome over i lungene under narkosen. Det er viktig at du følger instruksjonane om korleis du skal kome godt førebudd til sjukehuset. Dersom du ikkje følger reglane om faste og røyking, kan du risikera at vi må utsette operasjonen.
Du skal ikkje ete fast føde eller drikke mjølk i 6 timar før operasjonen. Du kan gjerne drikke klare væsker (vatn, saft, juice utan fruktkjøtt, brus, te, kaffi utan mjølk/fløte) inntil 2 timar før planlagt operasjon. Unngå røyk, snus, tyggegummi og sukkertøy i 2 timar før operasjonen. Inntil 1 time før operasjonen kan du svelge medisinar med eit glas vatn (maks. 150 ml).
Ved spesielle inngrep kan det være andre rutinar som gjeld. Dette blir du orientert om på sjukehuset før operasjonen.
For å førebygge infeksjon, må du dusje på operasjonsdagen. Vask hender og føter godt. Du skal ikkje barber operasjonsområdet. Området må vere fritt for sår og kviser. Ta av smykke, ringar og piercingar heime.
Under
Bedøvinga du får er ein lett narkose, det vil sei at du søv under operasjonen. Legen går inn med kikkholsintrument i bukhola og sett klips på venen i testikkelen.
Etter
Du flyttast først til oppvakningsstua. Der får du servert litt mat og drikke, og det er viktig at du kommer deg på beina så fort som mulig. Opphaldet varer kunn nokre få timar. Du kan ikkje køyre bil etter ein operasjon i narkose. Du må derfor avtale med nokon som kan hente deg.
Sjukemelding
Du blir sjukmeldt i 1-3 veker avhengig av kva type arbeid du har.
Ver merksam
Av og til kan du få infeksjon etter operasjon. Dersom du får feber, må du kontakte lege. Gjer legen merksam på at du er nyoperert.
Kontakt
Odda sjukehus
Operasjon Odda
Kontakt Operasjon Odda
Oppmøtestad
Operasjon/dagkirurgi, 3. etasje.Odda sjukehus
Sjukehusvegen 10, 5750 Odda