Vi tilrår at du alltid nyttar siste versjon av nettlesaren din.

Ortopedisk poliklinikk

Vi utgreier og behandlar sjukdom og skade i bevegelsesapparatet.

Kvart år tek vi i mot og behandlar om lag 15 000 pasientar. Dette omfattar:

  • Behandling av brot og kontrollar etter brot
  • Utgreiing og behandling av nytilviste pasientar med lidingar i hofte, kne, skulder, hand, fot, ankel og rygg
  • barneortopedi

Tilvising frå lege og innkalling til time

Alle pasientar som kjem til poliklinikken er tilvist frå lege, andre avdelingar på Haugesund sjukehus eller frå andre sjukehus.

Du får innkallingsbrev med tid og stad for timen din, og kva undersøkingar du eventuelt skal ha. Brevet kjem digitalt via helsenorge.no, der du også kan sende meldingar til oss om du har spørsmål eller må endre timen. Har du ikkje tilgang til helsenorge.no eller annan digital postkasse, får du brevet i posten.

NB! Les innkallingsbrevet i god tid før timen. Ofte må du ta røntgen før du kjem til poliklinikken.

I innkallingsbrevet finn du informasjon om:

  • Røntgenundersøking: Vanlegvis 30 minutt før timen ved ortopedisk poliklinikk. Det står i brevet om du skal fjerne gips før røntgen.
  • Medisinar: Ved første konsultasjon må du ta med ei liste over medisinane dine. Lista bør innehalde namn, dose, om du tek dei fast eller ved behov, og kor ofte. 
  • Avtalar: Informasjon om kva som er avtalt i samband med konsultasjonen.
  • Blodprøvar: Du får beskjed om du må ta blodprøvar før til timen. Prøvane kan du ta hos fastlegen eller på laboratoriet på sjukehuset.
  • Parfyme: unngå å bruke parfyme.
  • Parkering: Vi oppfordrar pasientar til å bruke offentleg transport, då det kan vere vanskeleg å finne parkering nær sjukehuset. Brukar du eigen bil, må du berekne god tid.
  • Tolk: Ta kontakt om du treng tolk.

Om poliklinisk utgreiing og behandling

Etter at diagnose er stilt, vurderer lege om du vil ha nytte av vidare medisinsk og/eller kirurgisk behandling.

Nokre pasientar kjem til kontroll etter å ha vore innlagde på sjukehuset eller etter skadepoliklinikk.

Behandlarane våre har polikliniske konsultasjonar måndag til fredag.

Det er opp til lege eller sjukepleiar om du kan ha med følgje inn til konsultasjonen.

På poliklinikken møter du:

  • Legar med spesialisering innan ortopedi
  • Legar i spesialisering
  • Sjukepleiarar
  • Sekretærar
  • Studentar

Ta kontakt med oss.

  • Du kan spørje dei som jobbar i skranken på poliklinikken i 1. etasje. Dei kan svare på spørsmål.
  • Du kan også ta kontakt med oss på telefon, via pasientjournalsystemet eller på helsenorge.no.

Praktiske opplysningar

Har du behov for å endre timen din, gjer du dette digitalt via helsenorge.no. 

Vi anbefaler at du møter til timen du har fått. Dersom byter time, kan det bli lang ventetid på grunn av stor pågang.

Sjå også Avbestilling av time/om du ikkje møter - Helse Fonna HF

Som pasient får du ei tekstmelding på telefon (SMS) før timen hos oss.

  • Følg rettleiinga i tekstmeldinga for å registrere innkomst.
  • Set deg deretter i ventesone 1B og vent til du blir kalla inn.
  • Du får ny tekstmelding når det er din tur. Meldinga viser også kvar du skal gå.

Når du er ferdig med timen, får du ny tekstmelding med informasjon om betaling. Du kan anten betale med Vipps, faktura eller i resepsjonen i 1. etasje.

Sjølvbetent innsjekk og betaling - Helse Fonna HF

Har du vore til undersøking eller behandling ved poliklinikken, må du betale eigenandel.

Les meir om eigenandel på Egenandeler og pasientbetaling på sykehus og poliklinikk - Helsenorge

I nokre tilfelle kan du vere fritatt for eigenandel (ta med dokumentasjon).

Merk: Du kan bli belasta for kostnader til materiell (for eksempel bandasje) som blir brukt under konsultasjonen, sjølv om du har frikort eller er fritatt frå eigenandel.

Er du ikkje medlem av norsk folketrygd, kan det hende du må betale sjølv. Les meir om andre betalingsordningar på helsenorge.no, eller kontakt NAV for å finne ut kva rettar du har før timen. 

Sjå også Utlendinger i Norge - Helsenorge

Avbestilling eller endring av time

Dersom du ikkje kan møte til timen, må du avbestille eller endre timen seinast 24 timar før avtalt tid (gjeld kvardagar). Har du time på ein måndag, må du avbestille seinast fredag før.

Om du ikkje gir beskjed innan fristen, må du betale gebyr for ikkje å ha møtt. 

Kontakt

Telefon Ortopedisk poliklinikk

  • Måndag - Fredag 08:00 - 15:00
  • Laurdag - Søndag STENGT

Endre time

Logg inn på helsenorge.no
For å sende melding med personsensitive opplysningar, bruk eDialog.

Slik finn du fram

Oppmøtestad

Ortopedisk poliklinikk held til i 1. etasje på Haugesund sjukehus.

Digital innsjekk, registrering og betaling

Som pasient får du ei tekstmelding på telefon (SMS) før timen hos oss.

  • Følg rettleiinga i tekstmeldinga for å registrere innkomst.
  • Set deg deretter i ventesone 1B og vent til du blir kalla inn.
  • Du får ny tekstmelding når det er din tur. Meldinga viser også kvar du skal gå.

Når du er ferdig med timen, får du ny tekstmelding med informasjon om betaling. Du kan anten betale med Vipps, faktura eller i resepsjonen i 1. etasje.

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Eigendel

Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.

Eigendelar for helsetenester - Helsenorge

Frikort

Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.

Frikort for helsetjenester - Helsenorge

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.