Ofte stilte spørsmål

Du får vanlegvis beskjed om poliklinisk time via eit innkallingsbrev på helsenorge.no. Du kan også få tildelt time på telefon eller via lege, for eksempel ved utskriving frå sengepost.

Brevet/informasjonen inneheld opplysningar om:

• Dag og tid for oppmøte.
• Beskjed om du må ta blodprøvar ved poliklinikken ved frammøte.
• Medisinar: Ved første konsultasjon må du hugse å ta med ei oversikt med namn, dose og hyppigheit av faste- og behovsmedisinar du bruker.
• Informasjon om kva for avtalar som er gjort i samanheng med konsultasjonen.
• Informasjon om å berekne god tid på grunn av utfordringar med parkering på sjukehusområdet.  

På kreftpoliklinikken er det kreftsjukepleiarar, ulike legespesialitetar (onkolog, lungelege, gynekologisk lege, hematolog) og sekretærar som vil følgje deg opp under behandlinga.

Du kan ta med deg ein pårørande eller venn til den første legetimen/behandlinga. Merk at dei berre kan vere med på den første behandlinga når pasienten mottar informasjon, men ikkje resterande behandlingar. Dette er av omsyn til medpasientar og teieplikt.

Dei som kjem til oss blir av og til tilvist frå ei anna avdeling på sjukehuset eller frå andre sjukehus. Når du får kreftbehandling hos oss, sitter du i ein lenestol mens behandlinga pågår. Ein sjukepleiar har ansvar for deg mens du får behandling.

Vi ber om at du ikkje har mobilsamtalar inne i behandlingsrommet. Det er ikkje tillate å ta bilde som viser andre pasientar.