Kardiologisk poliklinikk

Kardiologisk poliklinikk greier ut og kontrollerer pasientar med ulike hjertemedisinske tilstandar og sjukdomar etter tilvising frå lege. Her møter du faggrupper som helsesekretær, sjukepleiar og lege.

 
Utgreiing og behandling

Kardiologisk poliklinikk

Aktuelle tilstandar som blir undersøkt og behandla hos oss er brystsmerter, rytmeforstyrringar/hjertebank, genetiske hjertesjukdommar, hjertemuskelssjukdommar (kardiomyopatiar), idrettsrelatert hjertesjukdom, medfødde hjertesjukdommar, klaffessjukdommar, hjertetransplanterte og pasientar med alvorleg hjertesvikt/tungpust.

Les mer om hjertesjukdommar på helsenorge.no

Undersøkingar som kan vere aktuelle:

  • Ultralyd av hjertet (ekkokardiografi). Denne undersøkinga kan gjerast med og utan kontrast, ulik form for belastning, og i nokre tilfelle ved hjelp av scop som blir ført ned spiserøyret. Det vil stå i innkallingsbrev kva type undersøking du skal til.
  • Arbeids-EKG. Belastningstest på ergometersykkel eller tredemølle.
  • Opptak av hjerterytme. Ulik type båndopptakarar som registrerer hjerterytme kontinuerleg mens dei er påkobla, eller utstyr der du som pasient må aktivere ein opptakar når du kjenner hjertebank/rytmeforstyrring.
  • Kontroll av pacemaker og hjertestartar.

Hjertesviktpoliklinikken

Spesialsjukepleiarar med vidareutdanning i kardiologi driv hjertesviktpoliklinikken hos oss. Kardiolog (lege som er hjertespesialist) opptrer som supervisor, og har det overordna ansvaret for behandlinga.


Kva gjer vi?

  • Alle pasientar som møter kriteria blir registrerte i Norsk Hjertesviktregister.
  • Funksjonstestar.
  • Informasjon og opplæring til pasient og pårørande. Det er viktig at du som pasient og dine pårørande føler dykk trygge og veit korleis ein best kan leve med sjukdommen.
  • Oppfølging etter eit standardisert forløp.
  • Medisinjustering og kontrollar med blodprøvar etter medisinendringar.
  • Jerninfusjon.

Kven kan tilvisast til oss?

  • Pasientar med nyoppdaga hjertesvikt. 
  • Pasientar med kjent hjertesvikt som har ei forverring av sjukdommen.
  • Pasientar med symptomgivande hjertesvikt i større og mindre grad.

Kontakt

Oppmøtestad
2. etasje. Bruk heis ved resepsjonen i 1. etasje.
Telefon
52732500
måndag - fredag 08.00-15.00
Haugesund sjukehus
Besøksadresse
(Google maps)
Karmsundgata 120, 5528 Haugesund
Besøkstider
måndag - sundag 17.00-18.30
Telefon
52732000

Transport Haugesund sjukehus

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apotek Haugesund sjukehus

Apoteket ligg i første etasje, like bak resepsjonen.

Opningstider:

Måndag-fredag kl. 8.00-16.30.

Foto og film

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

Kantine og kiosk Haugesund sjukehus

​Kantina i sjette etasje er open for tilsette, pasientar og besøkande. Opningstider:

Måndag - fredag kl. 09.30-15.30. Stengt helger og heilagdagar.

Pasientkantine i fjerde og femte etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Kva bør du ha med til sjukehusopphaldet?

​​​​​​​​​Ta med den faste medisinen du brukar. Det kan ta tid å få same medisin frå apoteket.

Diverre hender det at tjuveri finn stad på sjukehuset. La ​verdisaker vere igjen heime.

Ta med behagelege klede.

Gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Toalettsaker som tannbørste, tannkrem, kam, deodorant og eventuelt barbermaskin. ​Hjelpemiddel du er avhengig av: til dømes stokk, ​krykker, rullator og rullestol.

God hygiene ein viktig faktor for å kunne gje god behandling til pasientane.

Minibank Haugesund

​Det er ikkje minibank ved sjukehuset. Narvesen i første etasje har bankterminal med moglegheit for uttak av pengar ved kjøp. Det er bank og minibank i Haugesund sentrum.

Parkering Haugesund sjukehus

​Parkeringshuset nord for sjukehuset er reservert pasientar og besøkande. Alle må ha billett frå parkeringsautomat eller parkeringsløyve synleg i frontruta.

Reserverte plassar for HC-parkering like utanfor hovudinngangen.

Det er reserverte plassar blodgivarar, dialyse, behandlingshjelpemidler og enkelte øyeblikkeleg hjelp-plassar. Ta kontakt med aktuell avdeling for meir informasjon om dette.

Trådlaust nett/WiFi

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren, skriv inn telefonnummer og godta vilkåra
3. Brukar og passord blir sendt til deg på SMS, og er gyldig i 24 dagar
4. Opne nettlesaren igjen og logg på. 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

Om du ikkje finn nettv​erket:

Ikkje alle sjukehus i Helse Fonna har trådlaust nett tilgjengeleg, men arbeidet med å byggje dette ut er i gong.

God surfing.

EKGhttps://helse-fonna.no/behandlinger/ekgEKGEEKGEKGEKGEKG
Ultralyd av hjertethttps://helse-fonna.no/behandlinger/ultralyd-av-hjertetUltralyd av hjertetUEkkokardiografiUltralyd av hjertetUltralyd av hjertetEkkokardiografi

Fann du det du leita etter?
Tilbakemeldinga vil ikkje bli svart på. Ikkje send personleg informasjon, for eksempel epost, telefonnummer eller personnummer.