Vi tilrår at du alltid nyttar siste versjon av nettlesaren din.
logo Helse Fonna

Jordmor og barsel, Odda

Velkomen til jordmor og barseleininga vår ved Odda sjukehus. Her har jordmor døgnberedskap/vakt for gravide og fødande med følgeteneste til fødeavdeling, tilbod om rolege dagar i barsel og oppfølging etter heimreise ved barselpoliklinikken vår.

Ta kontakt med oss på telefon 53 65 12 71 dersom du opplever:

  • Blødningar
  • Magesmerter
  • Teikn til fødsel
  • Vatnet går
  • Rier
  • Dersom du er usikker på om babyen har det bra i magen
  • Dersom du vert akutt sjuk i svangerskapet (sterk hovudverk, kvalme, magesmerter el.)

Ta alltid med deg papira frå jordmor og/ eller lege når du kjem til oss.

Dersom du har meir enn 1,5 time køyreveg til fødeavdeling har du krav på følgeteneste av jordmor. Vårt mål er at du som gravid skal føle deg trygg trass avstand til sjukehuset du skal føde på.

Om oss

Her møter de teamet vårt av jordmødre, barnepleiarar og fysioterapaut som er opptekne av å lose dykk tryggast mogeleg gjennom svangerskap til barseltid.

De finn oss i 2.etasje ved Odda sjukehus. Her tilbyr vi heilheitleg oppfølging gjennom svangerskap, vaktberedskap og barsel forankra i eit godt samarabeid mellom helsestasjonen i Ullensvang kommune og jordmor- og barseleininga ved Odda sjukehus. Vi samarabeider tett med fastlege og gynekologane ved føde- barsel i Haugesund.

Jordmødrene våre har svangerskapsomsorg,  vaktberedskap og følgeteneste til fødeavdeling. Jordmor har døgnvakt/ heimevakt for gravide og fødande som soknar til Odda sjukehus og Ullensvang kommune.

Kontakt

Telefon

Jordmor og barsel, Odda
Døgnopent sentralbord

Slik finn du fram

Oppmøtestad

Vi held til i 2. etasje på Odda sjukehus.

En bygning med et fjell i bakgrunnen

Odda sjukehus

Sjukehusvegen 10, 5750 Odda

Finn fram

Praktisk informasjon

​For informasjon om rutetilbod til Odda sjukehus, sjå skyss.no og kolumbus.no. For ekspressbuss, sjå www.nor-way.no.

Du kan ta kontakt med pasientreiser for informasjon om reiser til og frå offentleg godkjent behandling.

Parkering for pasientar og besøkande ligg på sjukehusområdet.
 
Du kan parkere på sørsiden av sjukehuset eller på østsiden/baksiden ved elven eller augelegekontoret. Der kan du parkere gratis.

Det er ikkje tilgjengelege ladestasjonar for lading av elbil.

Reserverte parkeringsplassar

Det er reservert plass for HC-parkering utanfor hovudinngangen. 

På parkeringsplassen sør for sjukehuset finn du reserverte plassar for blodgivarar. 

Hugs å legge parkeringsbeviset for desse plassane godt synleg i frontruta.

​Kantina ligg i underetasjen (U-etasje).


Opningstider

Måndag-fredag kl. 10.00-12.30

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Pasientar med behov for overnatting kan ta kontakt med kontaktsenteret vårt på telefon 53 65 10 00. Du må gi beskjed i god tid på førehand. 

Vi kan tilby rom med enkel standard i vårt hybelhus, som ligg ca. 50 meter frå sjukehuset. Rommet har telefonforbindelse med kirurgisk overvakingspost. Det har også ei ekstra seng dersom du har med deg pårørande.

I hybelhuset er det tilgang til felles kjøkken og bad. Har du behov for kveldsmåltid, må dette bringast med.

Du hentar nøklar i ekspedisjonen, som ligg rett ved hovudinngangen i 1. etasje på sjukehuset. Ekspedisjonen er betjent frå kl. 07.30 til 18.00 måndag til fredag. Kjem du etter kl. 18.00, kan du ringe på døra. Personalet vil då kome for å hjelpe deg.

Du vil få faktura for overnatting på hybelhuset. 

Du kan ta kontakt med pasientreiser for informasjon om reiser til og frå offentleg godkjent behandling.

Alternativ overnatting i Odda

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.

      Enheter

      0 treff
        Sjekk stavinga og prøv eventuelt eit anna ord.