Vi tilrår at du alltid nyttar siste versjon av nettlesaren din.
logo Helse Fonna

Føde og barsel, Stord

Vi er ei kombinert føde- og barselavdeling der vi gir fødselshjelp til fødande med lavrisiko svangerskap. Dei som kan føde hos oss får avklart det ved besøk på poliklinikk.

Ta kontakt med oss dersom du får

  • Blødingar
  • Magesmerter
  • Teikn til fødsel
  • Vatnet går
  • Rier
  • Dersom du er usikker på om babyen har det bra i magen
  • Dersom du blir akutt sjuk i svangerskapet (sterk hovudverk, kvalme, magesmerter)

Ta alltid med deg papira frå jordmor og/eller lege når du kjem til svangerskapspoliklinikken eller føde/barsel, og ønskebrev viss du har dette.​

For gravide, fødande og barselkvinner tilbyr vi: 

  • Gravide, mor og barn poliklinikk for deg som har komplikasjonar i svangerskapet, støttesamtalar til deg som har fødselsangst av ulike årsaker, observasjonssenger for gravide, fødeeining med to fødestover og barseleining med sju barselrom.
  • Ved Stord Sjukehus har vi omlag 400 fødslar årleg
  • Vi er ein lågrisikoavdeling med seleksjonskriterium. Vi tar i mot barn frå og med svangerskapsveke 35. Trugande fødslar frå svangerskapsveke 28 eller om barnet er over 1000 gram blir overført til Haugesund sjukehus. Trugande fødslar før veke 28 blir overført til Kvinneklinikken i Bergen.

Du kan sjølv velje kor du ønskjer å føde dersom du er vurdert til å ha ein normal fødsel. Dei fleste fødslar hos oss er utan komplikasjonar, men vi har utstyr og kompetanse til å handtere komplikasjonar som likevel kan oppstå. Det vi kallar risikofødslar blir tilvist ein kvinneklinikk på eit større sjukehus.

Du kan føde ved fødeavdelinga på Stord sjukehus sjølv om du har desse tilstandane:

  • Hypertensiv sjukdom (mild og moderat pre-eklampsi)
  • Undervektige pasientar: BMI < 19
  • Estimert fostervekt > 4500g
  • Trombofiliar med moderat risiko
  • Tidlegare alvorleg komplikasjonar under svangerskap eller fødsel
  • Induksjonar
  • Kvinner som er omskårne
  • Førstegongsfødande > 35 år
  • Overtidig svangerskap= 42+0 ( førstegongsfødende med Bishop score <7 skal induserast i Haugesund)
  • Pasientar som har kjent mindre liv over fleire dagar
  • Langvarig vannavgang uten klar risiko for infeksjon
  • Kostregulert diabetes
  • Pre-term fødsel ned til veke 35+0 (< 28+0 veker skal til Helse Bergen Haukeland Universitetssjukehus)
  • Oligohydramnion (uten vekstretardasjon)
  • Polyhydramnion (utan påvist eller mistanke om misdanningar)
  • Pasientar med påvist/spørsmål om smitteberande Hepatitt.
  • Kvinner med KMI 38 - 40 utan andre sjukdommar/komplikasjoner kan vurderes for fødsel ved Stord

Ved fødeavdelinga jobbar det jordmødrer, barnepleiarar og fødselslegar/gynekologar.

Gynekologar/fødselslegar har vakt heile døgnet. Vi har døgnbemanna anestesilege,-sjukepleiar og operasjonspersonell tilknytt avdelinga, og samarbeid med anestesilege, anestesisjukepleiar og bioingeniørar.

Vi samarbeider med Føde og barselsavdelinga i Haugesund. To dagar i veka kjem barnelege som undersøkar dei nyfødde. Planlegging for vidare oppfølging skjer i dialog med barnelege.

Fødestover

Hos er det to fødestover. Desse inneheld og eige bad med toalett, dusj og badekar. Fødande kan bruke badekaret til smertelindring i løpet av fødselen, men vi tilbyr ikkje fødsel i badekar.

Observasjonsstover, barselrom og familierom

Vi nytter dei samme romma til barselrom som til observasjonsstover, og har sju av desse. Alle romma har eget bad med dusj og toalett, og stelleplass til det nyfødde barnet.

Dersom du treng å bli innlagt for observasjon i graviditeten, så kan dette vere av årsaker som stigande blodtrykk eller etter eit traume mot den gravide magen. 

Partner på overnatting

Når ein er på barsel hos oss, så er det i dei aller fleste tilfelle mogleg for partner å vere her saman med mor og barn. Dersom det er fullt på avdelinga, må kanskje mor og barn dele rom med fleire andre. Partner kan i desse tilfella ikkje overnatte.

Det kostar 615 kroner per døgn for partner ved overnatting, inkludert alle måltid. Dette kan betalast via Vipps utreisedagen.

Kontakt

Telefon

Døgnopen

Slik finn du fram

Oppmøtestad

Dagtid i vekedagar:

Gå inn hovudinngangen ved Stord sjukehus. Avdelinga vår ligg i underetasjen (U1).

Kveldstid etter kl. 19.00, helg og natt:

Vi har eigen inngang til avdelinga som kan brukast når hovudinngangen til sjukehuset er stengt. Gå opp trappa til høgre for det interkommunale legevaktsbygget, og følg gangvegen heilt til døra. Dersom døra er stengt, ringer du på ringeklokka til venstre for døra. Vi kjem og hentar deg.

Besøkstider:

  • Barnefar: kl. 09.00 – 21.00
  • Søsken og besteforeldre: kl. 17.00 – 18.30
En bygning med trær og biler foran seg

Stord sjukehus

Tysevegen 64, 5416 Stord

Finn fram

Praktisk informasjon

​Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift, sjå oppslag ved parkeringsautomat.

Det er mogleg å køyre heilt fram til hovudinngangen for å sleppe av passasjerar ved behov.

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

​Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.

OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.